Jone 17:19 - Buka Blahi Ka Cheke Holo

¹⁹ Iara na fablahi ghau thegu mala loku ranghi nigho iagho, mala tangomana langau mare te thofno blahi fara te mala loku ranghi nigho iagho na.”

Jone 17:19 ပူးပေါင်းရင်းမြစ်များ

Hibru 2:11

Tutuani fara, mae ihei te faklinodi naiknore ke ulugna God nei naikno te klinore eghu God ngala Kmadi na. Naugna igne mae Jisas ne keli tagna te kilo ghita thabusigna thegna.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Jone 17:17

Mama, fablahidi kau chekemu te tutuani fara.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Fapea Timoti 2:10

Eghume iara heta ghegu kolho neuba mare ne para ghau. Naugna iara magnahaghei te toghodi naikno teke vavahi God re mala nogna naikno mae Jisas Kraes. Ka puhi igne God ginauna fakarhidi, eghuteuna mare ginauna hatini u karha fei tifa na.

Ululahu Tesalonika 4:7

Naugna God neke kilo ghita mala naikno blahi eghuteuna theome magnahaghei ghita te au ka nakhibo.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Fapea Korin 4:15

Gobigna lepo igre mala togho ghami ghotilo. Eghuteuna jateula igne teu te jifla te tei nogna khokofakasai God na ka naikno te kmanare, naiknore ginauna cheke fakelini God mala fodu salaꞌui nafnaknogna God na.

Hibru 9:26

Jame theome eghu na mana jame au papara kmana fata funu ka vuvuhagna God u nauthoglu igne! Nu mana fathakleni thegna ka nauthoglu igne kaisei fata kolho, ka narane nate theome raugha te gnafa nauthoglu igne. Mana ne fafara thinigna thegna na mala hata fadelei nakhibodi naiknore.

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Hibru 9:13

Tifa na mare neke atha u dadara nanigot nei buluka, nei nakrofugna sua buluka teke fafara mare re. Aonu mare fuafusa ke klignadi naikno te theome gae mala klino ke ulugna God.

Profet Isaia 62:1

Nogna mae gloku Lord na ne cheke eghu, “Naugna iara namhani fara Jerusalem, iara ginauna na theome au kmu. Iara ginauna tarai fabrahu ghilei thokeni narane Lord nate fadoglidi puhimi nei nakarhami teu ghotilore mala phae jateula naprai hamerane, ba jateula juta biꞌo te phae bongiro ra eghu.

Hibru 9:18

Naugna igne, u nhaꞌa cheke ulu lahu teke eni God igne tutuani kolho kate tofa mare dadaradi nanigot nei buluka teke fafara na.

Jone 10:36

Eghuteuna ka unha gne site ne cheke faparini iara mae Mama teuni ghotilo gnea? Ba, naugna te cheke eghu iara, ‘Iara Thugna God’ teu iara gne? God vahi ghau iara neke kuru mei ghau iara kau nauthoglu gne.

Profet Jeremaea 1:5

“Jeremaea, kani au teku iagho ka thiꞌagna idomu na, iara neke lase nighohi. Theome karha nga teku iagho na, iara neke vahi nigho iagho mala nogu mae profet iara. Iagho mala toutonuni chekegu iara na ka kantri te gnafa ka nauthoglu igne.”

Jone 15:3

Ghotilo la gaehi kau farirhiu te chekedi iara ka ghotilo igre.

Jone 15:13

U thofno namha biꞌo te tangomana kaisei naikno te falalase ranghidi kheragnare ngala te lehe ranghidire.

Jone 17:20

“Iara theome taraidi kolho mare, nu iara taraidi langau iheire te gnafa nate fatutuani ghau iara ginauna kate nomhidi nodi cheke mae igre.

Fapea Korin 7:14

Iara neke cheke fahaehaghe eimi ghotilo ka mae Taetus. Tutuani, ghotilo theome neke famamaja ghami ghehati naugna gobigna lepo teke chekedi ghehati eimi ghotilo ka mana igre tutuani fara. Jaola gobigna lepo teke chekedi ghehati ka ghotilo ra tutuani fara.

Kolose 1:6

Nonomho te Keli te nomhini ghotilo igne mala toghoni nodi fatutuani naikno heva heva ka nauthoglu igne. Igne neke enila ka ghotilo, kate nomhini ghotilo u Nonomho te Keli igne nei thofno laseni gaoghathogna nogna khokofakasai God na.

Ululahu Jone 3:3

Eghuteuna iheire fateo te thofno fatutuani ni mae Kraes kate ofoni teu mana na fariuriu au klino, naugna mae Kraes na klino fara.

Ululahu Jone 3:18

Thuguro, noda namha na theome ka cheke kolho nu tahati thofno fatakleni noda namha ka unha te eni tahati ranghini kheragna fofodu.