Jone 16:7 - Buka Blahi Ka Cheke Holo

⁷ Nu tutuani fara te chekeni iara ka ghotilo na. Te mala kelimi ghotilo na iara ginauna tei koko ghami ghotilo, naugna jame te theome tei iara na, mae mala totogho, mae Tharunga te Blahi na theome mei ka ghotilo. Nu jame te tei iara na, iara ginauna kuru meini mana ka ghotilo.

Jone 16:7 ပူးပေါင်းရင်းမြစ်များ

Jone 14:26

Nu mae Tharunga te Blahi te mala togho ghami ghotilo na, mae Mama ginauna kuru meini mana ka nanghagu iara. Kau narane te mei mana na, mana ginauna farirhiu ghami ghotilo gobigna lepore, eghuteuna mana ginauna eni igne mala ke ghatho fapulodi ghotilo gobigna lepo teke chekedi iara ka ghotilo ra.

Jone 15:26

“Iara ginauna kuru meini ka ghotilo mae mala thotogho na. Mae igne mae Tharunga te Blahi, mae te mala falalase glepo te tutuanire. Mana na mei ka ghotilo funugna ka mae Mama mala toutonu eigu iara.

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Mae Khuru 2:33

God neke hata hagheni mana kau sape nafnakno na mala gnokro rhegna thegna. Eghuteuna God mae Kmagna na neke tusu ranghini mana Tharunga te Blahi na, mala leghuni nogna nhaꞌa cheke na. Eghume unha te filoni nei nomhini teu ghotilo gognaro gne, glepo neke tusu meini God ka ghehati.

Jone 7:39

Mae Jisas neke cheke eigna mae Tharunga te Blahi nate mei ka iheire te fatutuani ni mana re. Kau narane tuana God theome kuru mei ngau mae Tharunga na, naugna mae Jisas theome kegra ngau kau nafnakno.

Luku 24:49

Iara ginauna kuru mei ka ghotilo mae ihei teke nhaꞌa cheke mae Mama na. Nu ghotilo mala au ngala Jerusalem ghilei hatini nogna nolaghi God te mei funu kligna na.”

Mae Khuru 10:34

Mae Pita ne funu cheke eghu, “Tutuani fara kheraguro, gognaro na iara thofno laseni igne, God na theome tangomana te kafe pileni ihei na naugna naikno te gnafare kafe nanaba ngala ka God.

Jone 14:28

“Ghathoni unha teke cheke eghu iara ia, ‘Iara ginauna tei ka mae Mama, eghuteuna iara nake pulo mei ka ghotilo.’ Te thofno namha ghau iara ghotilo na, ghotilo ginauna keli tami te tei iara ka mae Mama na, naugna mae Mama na mae ke biꞌogu iarai.

Jone 14:3

Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Luku 9:27

“Tutuani fara, te chekeni iara ka ghotilo na. Keha naikno te au teu balugu iara gognaro igre, mare ginauna theome leheu na filoni God te funei frunidi nogna naiknore.”

Luku 4:25

Uve, unha te chekeni iara ka ghotilo gne thofno tutuani fara. Ka narane gna mae Elija na neke theome nakhete thilo finogha namno nhigra. Aonu heva te heva na ne behu neke theo gano. Eghuteuna kmana naikno biꞌo te glehe kokoi neke au jare Israel ka narane tuare.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Jone 16:8

Eghuteuna, kate mei mae mala totogho na, mana ginauna falalase fakeli ka naiknogna nauthoglu igne eigna nakhibo, eigna ihei te doglo ke ulugna God na, nei eigna ihei God nate fateni na.