Jone 16:32 - Buka Blahi Ka Cheke Holo

³² Fanomho ghotilo ia. Narane te mala sopa thei ghotilo na la namohi. Ka narane tuana ghotilo ginauna kafe tei koko ghau iara nake pulo ka nomi namono themi re. Narane tuana agne hi gognarona. Nu iara ginauna theome au thegu eghu, naugna mae Kmagu iara na au balugu iara.

Jone 16:32 ပူးပေါင်းရင်းမြစ်များ

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Matiu 26:31

Mae Jisas ne cheke eghu ka nogna mae fanomhore. “Ginau bongi na ghotilo na kafe tei koko ghau iara eigna unha nate eni mare ka iara na. Igne unha teke chekeni God ka grioriso te blahi na: “ ‘Iara ginauna faleheni mae greireghi sipu na, eghuteuna tothoghei sipu igne ginauna kafe rikiraka tafri.’

Jone 8:29

Eghuteuna mae Mama mae teke kuru mei ghau iara na, mana au fabrahu balugu iara. Mana theome tei koko ghau iara, naugna iara edi fabrahu gobigna lepo te magnahaghedi mana mala edi iara teku re.”

Jone 8:16

Nu kate fateni iara naikno na, iara fateni mana ka puhi te tutuani nei doglo eghu. Naugna theome iara thegu kolho te fate na, nu ghepa mae Mama mae teke kuru mei ghau iara na te mala fate naikno na.

Nonomho Te Keli Teke Risoi Mae Mak 14:27

Aonu, mae Jisas ne cheke eghu ka nogna mae fanomhore, “Ghotilo ginauna na kafe rikha koko ghau iara. Igne unha teke chekeni God ka grioriso te blahi na, “ ‘Iara ginauna faleheni mae greireghi sipu na, eghuteuna tothoghei sipu na ginauna kafe rikiraka tafri.’

Matiu 26:56

Nu glepo igre thoke mei ka iara gognarogne mala horoghoto ka unha teke risodi hatimare mae profet tifa ra.” Aonu kate nomhidi cheke mana igre hatimare mae fanomhore kafe rikha ne tei kokoni mana.

Jone 20:10

Aonu, phia mare neke pulo ka sugadi na.

Jone 16:25

Aonu, mana ne cheke eghu ka mare, “Glepo te chekedi iara ka ghotilo igre, iara toutonu kau cheke naba. Nu narane na ginauna mei nate theome cheke naba iara ka ghotilo na. Nu iara ginauna cheke fadoglo eigna mae Mama ka ghotilo.

Jone 16:2

Naiknore ginauna faꞌau kosi ghami ghotilo ka nodi suga tharai are. Uve, narane na mei, mare ginauna falehe ghami ghotilo. Eghuteuna mare gaoghathodire ne enihi unha te magnahagheni God na eghu.

Jone 4:23

Narane na la meihi, u narane tuana agne hi gognaro. Naikno te tarai tutuani ka mae Kmada na, u Tharunga te Blahi na ginauna toghodi mare mala falalase glepo eigna mana ka naiknore. Nafnata naikno igre te magnahaghedi mae Kmada te mala tarai lao ka mana na.

Jone 4:21

Mae Jisas ne cheke eghu ka naꞌa, “Naikno biꞌo, fatutuanidi sagho te chekedi iara igre. Naugna ginauna thoke mei u narane nate theome ke pulo naiknore Jerusalem ba haghe ka thogele igne te mala tarai ka mae Mama na.

Jone 12:23

Mae Jisas ne cheke eghu ka mare, “Narane na la thoke meihi te mala hata nolaghi biꞌo iara mae teke mei funu ka God na. Eghuteuna naiknore ginauna filo meini igne ka iara.

Jone 5:28

“Thosei jaglo nomi ka cheke iara igre. U narane na la namo meihi, kau narane tuana naikno teke kafe lehehire ginauna nomhi ghau iara.

Jone 5:25

Tutuani fara te chekeni iara ka ghotilo na. U narane na la meihi, la kulu auhi agne, kau narane tuana naikno teke lehehira ginauna nomhi ghau iara mae Thugna God na. Eghuteuna naikno nate nomhi ghau nei leghu ghau teu iara tuare na athini u karha na.

Nonomho Te Keli Teke Risoi Mae Mak 14:50

Aonu nogna mae fanomho manare ne kafe rikha ne tei kokoni mana.

Mae Khuru 8:1

Nu ka gaoghathogna mae Sol na, glepo keli kolho mare te faleheni mae Stivin na.

Jone 16:31

Nu mae Jisas ne cheke eghu ka mare, “Ghotilo la fatutuani gognaro ba theo?

Jone 19:27

Aonu mana neke cheke eghu ka nogna mae fanomho tuana, “Filoni thau ana, ghathoni naꞌa jateula idomu eghu.” Funu ka narane tuana, mae fanomho igne ne tathalei idogna mae Jisas na ne tei ka sugagna na ne tajini.

Mae Khuru 21:6

Ghehati ne kafe kubae eghuteuna tei ka vaka na. Aonu naikno khiloau re neke pulo ka sugadire.