Jone 16:28 - Buka Blahi Ka Cheke Holo

²⁸ Uve, iara neke mei funu ka mae Mama kau nauthoglu igne. Eghuteuna gognarona iara nake jifla kokoni nauthoglu igne mala ke pulo ka mae Mama.”

Jone 16:28 ပူးပေါင်းရင်းမြစ်များ

Jone 13:1

Ka grafi gna Gaghamu Ghasa-Polho na mae Jisas la kulu lasenihi narane na la namohi te mala jifla kokoni nauthoglu igne teke pulo ka mae Kmagna na. Funu ka vuvuhagna na te ghilei thoke ka narane glehegna na, mae Jisas ne namhadi fara naikno teke leghuni mana re.

Jone 13:3

Eghuteuna, mae Jisas kulu lasenihi mae Kmagna na neke tusu ranghini nolaghi te mala funei frunidi gobigna lepore, nu mana laseni la mana neke mei funugna ka God nei nake pulo la ka God.

Jone 8:14

Mae Jisas ne cheke eghu ka mare, “Uve, ka thegu iara na iara cheke kate au nafugna, eghuteuna u nogu cheke iara igre tutuani fara, naugna iara laseni aheva teke mei gu na nei aheva nate ke tei gu na. Ghotilo theome laseni aheva teke mei gu na nei aheva nate ke tei gu na.

Jone 16:5

Nu iara gognarona namo ke pulo ka mae Mama mae ihei teke kuru mei ghau na. Nu na theo kaisei ka ghotilo nate ghusna ghau iara aheva nate tei iara na.

Jone 17:5

Mama, gognarona fafnakno ghau iara ke ulumu. Tusu mei ka iara nafnakno teke kulu au ka iara kani teke au tekeu iara balumu iagho ia, ame eni nga iagho nauthoglu gne teku ia.

Jone 16:16

Mae Jisas ne cheke eghu ka mare, “Katha vido ikoi ghotilo ginauna na theome filo ghau iara. Nu katha vido ikoi ke leghugna tuana, ghotilo ginauna nake filo ghau iara.”

Jone 14:28

“Ghathoni unha teke cheke eghu iara ia, ‘Iara ginauna tei ka mae Mama, eghuteuna iara nake pulo mei ka ghotilo.’ Te thofno namha ghau iara ghotilo na, ghotilo ginauna keli tami te tei iara ka mae Mama na, naugna mae Mama na mae ke biꞌogu iarai.

Luku 24:51

Kate fablahidi mare na, mana jifla kokodi mare, eghuteuna God ne hatani mana ne haghe kligna.

Jone 17:13

“Mama, iara theome raugha na ari ka iagho. Iara chekedi glepo igre ka iagho kani au nga iara kau nauthoglu igne, mala thofno gleale'a mare jateula te gleale'a fara iara gne eghu.

Jone 17:11

Iara theome raugha na ari ka iagho. Iara ginauna theome au ka nauthoglu igne, nu mae igre nga nate au teu ka nauthoglu igne. Mama te blahi, taji fakelidi ka nolaghi gna nanghamu, nangha teke famei iagho ka iara, mala kaisei mare jateula tapa te kaisei gne eghu.

Luku 9:51

Narane God te mala hata fapuloni mae Jisas kligna na la namohi. Aonu mae Jisas ne thono magnahaghei te kulu tei Jerusalem.

Jone 8:42

Mae Jisas ne cheke eghu ka mare, “Jame thugna God tutuani ghotilo na, ghotilo jame namha ghau iara naugna iara neke mei funu ka God, eghuteuna te gognarona iara au agne. Aonu, iara theome mei kau nogu nolaghi thegu, nu iara mei ka nogna nolaghi God mae teke kuru mei ghau na.

Jone 16:10

Mare au ghaoghatho fadiꞌa eigu iara mae ihei te doglo ke ulugna God, naugna iara ginauna tei ka mae Mama. Eghuteuna ghotilo ginauna theome filo ghau iara.

Jone 16:30

Gognarona ghehati lase nigho iagho thofno lasedi gobi lepore. Neuba kaisei naikno ne theome ghusna nigho iagho, iagho la kulu lasenihi unha te ghathoni mana na. Ka igne te fatutuani nigho ghehati neke mei iagho funumu ka God teuna.”