Jone 16:26 - Buka Blahi Ka Cheke Holo

²⁶ Kau narane tuana iara ginauna theome toreni mae Mama mala togho ghami ghotilo, nu ghotilo ginauna toreni mae Mama unha te magnahagheni ka nanghagu iara na.

Jone 16:26 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:34

Te eghu na theo kaisei naikno te tangomana te fate ghita tahati na, eghuteuna chekeni ne jafra tahati teuna. Naugna Jisas Kraes mae ihei teke lehe na mana neke karha fapulo, mana gognaro na auhi fei nhetagna God, eghuteuna mana tarai heta mala togho ghita tahati.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Jone 17:19

Iara na fablahi ghau thegu mala loku ranghi nigho iagho, mala tangomana langau mare te thofno blahi fara te mala loku ranghi nigho iagho na.”

Jone 17:9

Gognaro na iara taraidi mare. Iara theome taraidi naikno te leghuni puhigna nauthoglu igne. Nu iara taraidi naikno teke tusu mei iagho ka iara gre, naugna mare nou iagho.

Jone 16:23

Kate filo ghau iara ka narane tuana, ghotilo ginauna theome toreni kaisei glepo ka iara. Tutuani fara te chekeni iara ka ghotilo na. Mae Mama ginauna tusu ari ka ghotilo unha te toreni ghotilo ka nanghagu iara na.

Jone 14:16

Iara ginauna toreni mae Mama mala kuru meini mana ka ghotilo keha mae te mala togho ghami ghotilo, mana ginauna au fabrahu balumi ghotilo. Mana mae Tharunga te Blahi, mae ihei nate falalase glepo te tutuani eigna God na. Naikno te leghuni puhigna nauthoglu igne na, naikno tuana theome snakreni mae Tharunga te Blahi te mala mei ka mana, naugna mana ne theome laseni nei filo glanini neu mana. Nu ghotilo lasenihi mana, naugna mana au balumi ghotilo, eghuteuna mana ginauna theome tei koko ghami ghotilo.

Jone 14:20

Kau narane tuana, ghotilo ginauna lase ghau iara te au balugna mae Mama, eghuteuna ghotilo au balugu iara, eghuteuna iara au balumi ghotilo.

Jone 16:19

Mae Jisas lasenihi te magnahaghei ghusnani mae fanomhore eigna igne. Eghuteuna mana ne cheke eghu ka mare, “Tore! ‘Katha vido ikoi ghotilo ginauna theome filo ghau iara. Katha vido ikoi ghotilo ginauna nake filo ghau iara’ teu iara igne ngala site romi ghusna ghotilo ka iara gnea?

Jone 16:30

Gognarona ghehati lase nigho iagho thofno lasedi gobi lepore. Neuba kaisei naikno ne theome ghusna nigho iagho, iagho la kulu lasenihi unha te ghathoni mana na. Ka igne te fatutuani nigho ghehati neke mei iagho funumu ka God teuna.”