Jone 16:24 - Buka Blahi Ka Cheke Holo

²⁴ Funu tifa te ghilei thoke kau narane gognaro gne ghotilo neke theome toreni kaisei glepo kau nanghagu iara na. Eghume ghotilo tore ka mae Mama, eghuteuna ghotilo ginauna hata ka mana. Eghuteuna ghotilo ginauna thono gleale'a fara.”

Jone 16:24 ပူးပေါင်းရင်းမြစ်များ

Jone 15:11

Iara chekeni igne ka ghotilo, mala keli tami ghotilo jateula ngau iara te keli tagu gne eghu. Eghuteuna iara magnahaghei ghami ghotilo te mala thofno keli tami fara.

Jone 16:23

Kate filo ghau iara ka narane tuana, ghotilo ginauna theome toreni kaisei glepo ka iara. Tutuani fara te chekeni iara ka ghotilo na. Mae Mama ginauna tusu ari ka ghotilo unha te toreni ghotilo ka nanghagu iara na.

Fapea Jone 1:12

Uve, kmana glepo fara iara te magnahaghei chekedi ka ghotilo re, nu iara theome magnahaghei te rioriso soru ka letas igne. Iara ghaoghatho mala ari sigho ghami thogheiro, eghuteuna iara ginauna tangomana te ari toutonudi ka ghotilo puhi te chekedi iara igre. Kate eni igne, tahati ginauna na gleale'a fodu.

Matiu 6:9

“Eghume, kate tarai na, ghotilo tarai jateula igne eghu: “ ‘Mama te au kligna, ghehati magnahaghei te ghatho tahuni nanghamu te blahi.

Jone 3:29

Ghathoi si ghotilo, mae te tolaghi na ngala te khotogna gaꞌase na. Eghuteuna iara gne jateula kheragna mae te tolaghi ia eghu mei ofo balu fanomho ka mana. Eghume kate mei mana te mala hata khetogna na iara gognaro thofno gleale'a fara te nomhi naoglagna mana na.

Ululahu Kings 18:36

Eghuteuna fei grafi ka vido mala fafara na, profet Elija lao ka olta na ne tarai, “Lord, iagho nogna God mae Ebraham, nogna God mae Aesak nei nogna God mae Israel. Iagho falase mei gognarogne iagho te nomi God ghehati maemi Israel, eghuteuna iara gne nou mae gloku iagho, eghuteuna iara eni igne, naugna iagho neke cheke ranghi ghau iara.

Fapea Tesalonika 1:2

Ghehati toreni nogna khokofakasai nei pharikeli God Mama nei nogna mae Jisas Kraes noda Lord te mala au balumi.

Jenesis 32:9

Mae Jekop pogho soru ne tarai eghu, “Iagho nogna God mae kuꞌe Ebraham nei nogna God mae mama Isak! Lord, iagho neke cheke ranghi ghau iara mala ke pulo ka namonogu nei vikegu teura, eghuteuna iagho neke cheke ka iara mala fablahi ghau iara neku.

Fapea Kings 19:15

Mana ne tarai eghu ka Lord, “Lord nodi God mae Israel! Iagho gnokro ka nou sape nafnakno na farihoteidi phei engel, kaisei iagho ngala God te funei frunidi kantri te gnafa ka nauthoglu igne. Iagho neke vuavuhadi maloa ghe nauthoglu igre.

Jone 14:1

Mae Jisas ne cheke eghu ka nogna mae fanomhore, “Thosei nanga nomi nei diꞌanagnafami eghu. Fatutuani ni God nei fatutuani ghau la iara.

Jone 14:14

Tutuani fara, unha te toreni ghotilo ka nanghagu iara na, iara na eni ranghi ghami ghotilo.”