Jone 15:8 - Buka Blahi Ka Cheke Holo

⁸ Kate ure sisi kmana ka ghotilo na, ghotilo falalase ghami themi te nogu mae fanomho tutuani iara na. Eghuteuna naiknore ginauna filoni ka ghotilo nogna nolaghi biꞌo mae Mama na.

Jone 15:8 ပူးပေါင်းရင်းမြစ်များ

Jone 8:31

Mae Jisas ne cheke eghu ka mae Jiu te fatutuani ni mana re, “Te leghudi fabrahu ghotilo nogu farirhiu iara re, ghotilo thofno nogu mae fanomho iara.

Matiu 5:16

Eghume, jateula tuana eghu, ghotilo mala falalase nakarhami na mala laseni naiknore te nogna naikno God ghotilo na, nei filo glani unha te keli te eni ghotilo na. Eghuteuna mare ginauna cheke fakelini mae Kmami, mae ihei te au kligna.”

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.

Jone 15:5

“Iara jateula gaju eghu, eghuteuna ghotilo jateula grege eghu. Mae ihei te au balugu iara na, iara na au balugna mana. Mana na ure na au sisi kmana. Naugna te theome au ghotilo balugu iara na, ghotilo theome tangomana te eni kaisei glepo na.

Ululahu Pita 4:11

Ihei ka ghotilo te toutonuni chekegna God na, mana mala toutonuni cheke teke tusu mei God ka mana kolho. Eghuteuna ihei ka ghotilo te toghodi naiknore, mana eni igne ka nanheta teke tusu ranghini God na. Ka nafnata gloku te keli igre, naiknore ginauna kilo fnaknoni God ka nanghagna mae Jisas Kraes. Nafnakno nei nolaghi biꞌo te au balugna God tifa tifa. Amen.

Jone 13:35

Te fari namhai ghotilo na, keha naiknore ginauna lase ghami ghotilo te nogu mae fanomho tutuani iara na.’ ”

Profet Isaia 60:21

Ghotilo te gnafa na ginauna doglo fara ke ulugu iara, eghuteuna ghotilo ginauna khotogna fabrahu kantri igne. Iara neke lilisei ghami ghotilo ka namono igne, jateula gaju teke joꞌu iara ia eghu, eghuteuna naikno te gnafa igre ginauna cheke fakeli ghau iara eidi glepo te keli teke edi iara ra.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Ululahu Korin 6:20

naugna God neke foli fapulo ghamihi ka nakhibo mala fasnagla ghami. Eghuteuna tabagna teke foli ghami ghotilo na biꞌo fara. Eghume thinimi ghotilo re mala kilo fnaknoni God kolho.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Profet Hagae 1:8

Gognarona ghotilo thosei theo tei mata mala kusu thaba, eghuteuna ghotilo ke pulo mei mala ke fakegra fapulo nogu Sugablahi iara na. Jame te eghu ghotilo na iara ginauna gleale'a fara, eghuteuna ghotilo ginau filo haghe ghau iara.

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Taetus 2:5

Goro naikno biꞌo are mala farirhiudi goro gaꞌase majaghani are mala reireghi fakelidi reꞌe thedi nei au fakeli eghu, reireghi fakelidi nodi sugare, namhadi nei leghudi eghu puhidi khetodire eghu. Aonu mala theome tangomana kaisei naikno te cheke fadiꞌani u nogna Nonomho te Keli God na.

Matiu 5:44

Nu te chekeni iara ka ghotilo na, ghotilo mala kafe namhadi nomi mae naokare, nu taraidi naikno te para ghami re eghu.

Matiu 9:8

Naiknore filoni igne ne jaglo nodi fara balu mhaghu. Mare ne kilo fnaknoni God naugna God ne tusu lao nafnata nolaghi te biꞌo igne ka naiknore.