Jone 15:27 - Buka Blahi Ka Cheke Holo

²⁷ Eghuteuna ghotilo jaola mala toutonu eigu iara kau nauthoglu igne, naugna ghotilo neke au balugu iara kani teke fufunu gna iara nogu gloku gne.”

Jone 15:27 ပူးပေါင်းရင်းမြစ်များ

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Jone 21:24

Mae fanomho te chekeni mae Jisas igne iara ngala. Eghuteuna, iara ngala mae te toutonudi nei rioriso sorudi teu glepo igre. Eghuteuna tahati kafe laseni unha te toutonudi iara igre thono tutuani fara.

Mae Khuru 23:11

Ka keha bongi na Lord mei ne kegra rhegna mae Pol ne cheke eghu, “Ghema, thosei mhaghu! Iagho neke cheke eigu iara ka naiknore Jerusalem, iagho ginauna na jaola nake enila tuana Rom.”

Ululahu Pita 5:12

Mae Silas togho ghau iara neke rioriso letas kmoꞌei igne ranghi ghami ghotilo. Iara laseni mana kaisei mae kheragu keli iara ka khiloau gne nei iara thofno ronuni fara mana. Letas igne iara magnahaghei te fahetadi nomi fatutuani ghotilo re, nei jaola mala cheke ka ghotilo eigna u nabrou God teke falalase ka tahati ka nogna khokofakasai. Igne thofno nabrou te tutuani na, eghuteuna ghotilo mala kegra maku tagna.

Ululahu Pita 5:1

Iara kaisei mae mala baubatu ka khiloau. Iara neke thofno filo tathagu mae Kraes na neke au papara fara. Eghuteuna iara ginauna hata nafnakno biꞌo baludi kmana naikno ka narane nate thakle mei mae Kraes ka tahati na. Eghume, iara magnahaghei te cheke faheta ka ghotilo mae mala baubatu ra mala

Mae Khuru 4:20

Ghepa theome tangomana te gnafa na. Ghepa magnahagheni fara te toutonu eidi unha teke filodi nei nomhidihi teku ka mae Jisas re.”

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Thakle 1:2

Aonu iara mae Jone neke rioriso glepo teke filodi thegu igre. Chekegna God na thofno tutuani fara teke cheke mei mae Jisas Kraes igre.

Mae Khuru 18:5

Aonu mae Silas ghe mae Timoti gre ne mei funudi Masidonia mala loku balugna mae Pol Korin. Ke leghugna igne, mae Pol ne toutonu ranghidi koba naiknore u Nonomho te Keli igne leuleghu narane mala laseni mare mae Jisas gne ngala mae Kraes na.

Mae Khuru 13:31

Kmana fata ke leghugna igne, naikno teke sughu tei tei balugna mana tifa funu Galili teke thoke Jerusalem re neke filoni mana. Eghuteuna gognaro na, mare toutonu fabrahu eigna mana ka naiknodi Israel.

Mae Khuru 4:33

Balu nolaghi te biꞌo mae khurure ne toutonuni ka naiknore karha fapulogna mae Jisas Kraes. Eghuteuna God ne kafe fablahidi fara mare ne hui.

Jone 19:35

Iara, mae teke kegra tekeu jare na, iara filodi glepo igre ne fatutuani ne toutonudi. Unha te chekedi iara igre thofno tutuani fara, theome chaghi. Eghuteuna iara toutonudi glepo igre mala fatutuani ni ghotilo mae Jisas Kraes.

Mae Khuru 3:15

Eghume, ghotilo neke faleheni mae ihei te mala tusu ranghi ghita u thofno karha na. Nu God neke fakarha fapuloni mana kau glehe eghuteuna ghepa ngala teke thofno filo tathami igne.

Nonomho Te Keli Teke Risoi Mae Mak 1:1

Igne fufunu gna Nonomho te Keli eigna mae Jisas Kraes Thugna God.