Jone 15:25 - Buka Blahi Ka Cheke Holo

²⁵ Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Jone 15:25 ပူးပေါင်းရင်းမြစ်များ

Nodi Khoje Hatimare Mae Jiu 109:3

Eghuteuna mare edi ranghi ghau iara kmana nafnata cheke te diꞌa, nu iara theome eni kaisei puhi te diꞌa ranghidi mare.

Nodi Khoje Hatimare Mae Jiu 69:4

Naikno te tirodi ghau iara gre la thono kmana fara, mare kmana fara uludi khakla ka phaꞌugu iara na. Nogu naoka iara gre mare toutonu chaghi eigu iara. Mare thono nheta fara nei magnahaghei falehe ghau iara. Mare huhuru ghau iara mala ke tusu fapulo glepo teke theome blau iara re.

Nodi Khoje Hatimare Mae Jiu 35:19

Thosei snakredi nogu naoka iara te mae chaichaghi gre mala tapla fapari ghau iara. Thosei snakredi mare mala maꞌe ghau iara kate filoni mare te au diꞌanagnafa iara na.

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Fapea Korin 11:7

Iara neke theome toreni kaisei taba ka ghotilo kate toutonuni u Nonomho te Keli nogna God na. Iara au fapari ghau thegu mala tangomana ghotilo te au kligna lahu na. Ba, ne jafra iara eghu si ghotilo ia?

Thakle 21:6

Mana ne cheke eghu ka iara, “Uve, gognaro na iara funei frunidi gobigna lepore naugna iara ne tapla sorudi nogu naoka re. Iara kulu au neke vuavuha nga gobigna lepo igre nei iara na au fabrahu kate ari te gnafadi gobigna lepore. Jame ihei te magnahaghei karha te tifa na, iara ginauna snakreni mana mala koꞌu kolho ka glokha khoꞌu te tusu mei karha na.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Fapea Tesalonika 3:8

Eghuteuna ghehati jaola neke theome fiti hata kaisei gano ka naiknore. Ghehati themi teke folidi gobigna lepore. Leghu fata na, ghehati loku heta fara bongi narane, naugna ghehati theome magnahaghei kaisei ka ghotilo te ninhigrana ranghini fara.

Galesia 2:21

Nu iara theome tangomana te huhughuni nogna khokofakasai God na. Jame tangomana vetula na te thofno toghoni naikno te mala au doglo balugna God meuna, Kraes jame neke theome lehe!

Letas Teke Riso Tei Mae Pol Ka Khiloau Rom 3:24

Nu God na namha ne eni kaisei nabrou te mala doglo tahati na. Eghuteuna mana neke eni igne ka nogna khokofakasai na neke kuru meini mae Jisas Kraes mala hata fasnagladi ka nakhibo.

Letas Teke Riso Tei Mae Pol Ka Khiloau Rom 3:19

Tahati lasenihi, naikno te gnafa te au ke parigna nogna vetula God na mala leghuni unha te chekeni ka nogna vetula God na. Eghume theo kaisei naikno tangomana te chekeni ne theo nakhibogna teuna, nu God ginauna fatedi naikno te gnafa ka nauthoglu igne.

Jone 10:34

Mae Jisas ne cheke eghu ka mare, “Te risoni ka nomi vetula ghotilo themi na, God neke cheke eghu, ‘Ghotilo kafe jateula God eghu.’

Nodi Khoje Hatimare Mae Jiu 7:4

Iara theome chaghini iara mae kheragu na, ba fiti chekeni kolho, nei fiti fadiꞌani eghu kolho iara nogu naoka na.

Jone 19:36

Gobigna lepo te edi igre ne horoghoto ka grioriso te blahi na, “Theo kaisei nhubragna mana te lolhopa mare na.”

Matiu 10:8

Fakarhidi iheire te fogra, fakarha fapulodi iheire te lehe, ke faklinodi iheire te thubu biꞌo fara ka khabru te kiloi leprosi, nei bruedi naiture. Iara tusu ari ka ghotilo nolaghi te mala edi glepo igre, nu ghotilo neke theome foli ka iara. Eghume ghotilo gognarona tei mala ke jaola ranghidi keha naiknore, nu thosei toredi mare mala foli ghami eghu.

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’