Jone 15:21 - Buka Blahi Ka Cheke Holo

²¹ Nu mare na edi glepo igre ka ghotilo naugna ghotilo nogu iara. Jaola mare theome laseni mae Mama mae ihei teke kuru mei ghau iara kau nauthoglu igne na.

Jone 15:21 ပူးပေါင်းရင်းမြစ်များ

Matiu 10:22

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna fakarhidi iheire te au famaku ka nodi fatutuani na ghilei thokeni narane te gnafa gna naꞌau papara na.

Jone 16:3

Mare ginauna edi glepo igre ka ghotilo naugna mare theome lase ghami ghepa mae Mama.

Jone 8:19

Hatimare ne ghusna eghu ka mae Jisas, “Aheva gne mae kmamu iagho te chekeni iagho na?” Mana ne cheke eghu ka mare, “Ghotilo theome lase ghau iara nei theome laseni la mae Mama. Jame lase ghau iara ghotilo na, ghotilo jame laseni la mae Mama.”

Matiu 24:9

“Aonu naiknore ginauna loki ghami ghotilo mala hata tei ghami ka fate. Mare ginauna para ghami nei falehe ghami eghu ghotilo. Eghuteuna naikno ka namono te kmana ke lamnagna nauthoglu igne ginauna tirodi ghami ghotilo naugna ghotilo ne fatutuani ghau iara.

Matiu 10:18

Mare ginauna huhuru ghami ghotilo mala kegra ke uludi hatimare mae funei ba hatimare mae King, naugna ghotilo ne leghu ghau iara. Tuana ngala nomi narane ghotilo te mala toutonuni Nonomho te Keli eigu iara na ranghidi iheire te theome Jiu.

Mae Khuru 5:41

Mae khurure ne jifla ka nodi suga mae mala fate re balu gleale'a naugna God lasedi mae igre nabadi te au papara eigna nanghagna mae Jisas.

Thakle 2:3

Iara jaola lase ghami ghotilo te thofno kegra heta na, nei theome ke blela, neuba naiknore ne para ghami naugna ghotilo ne leghu ghau iara.

Fapea Tesalonika 1:8

Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Ululahu Korin 2:8

Theo kaisei mae te funei frunini nauthoglu gne te laseni u cheke glalase igne. Jame laseni mare na, mare jame neke theome faleheni Jisas, mae funei gna kligna na.

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Mae Khuru 17:23

Kate tei faligohoni iara namono ghotilo igne, iara filodi glepo te pogho sorudi ghotilo gre. Eghuteuna iara jaola ne filo deni kaisei olta te au grioriso igre, ‘Nogna olta kaisei god te theome laseni tahati.’ Uve, ghotilo pogho soru ka God mae ihei te theome laseni themi na. Nu God te theome laseni ghotilo igne ngala nate toutonuni iara ka ghotilo na!

Mae Khuru 9:16

Eghuteuna iara thegu ginauna na falaseni mana niha nafnata naꞌau papara nate thokeni mana kate toutonu thakleni nanghagu iara na.”

Mae Khuru 3:17

“Uve, kheraguro, iara lase ghau ghotilo baludi mae biꞌomi ra neke eni igne ranghini mae Jisas ka puhi naꞌiho kolho.

Jone 8:54

Mae Jisas ne cheke eghu ka mare, “Jame fafnakno ghau iara thegu na, igne theo kaisei nafugna kolho. Nu mae ihei te fafnakno ghau iara na mae Kmagu iara ngala, mae te chekeni ghotilo ne mae nomi God themi teuni ghotilo ia.

Luku 6:22

Ghotilo te susuku ghami, lalama ghami, cheke fapari ghami ba cheke fadiꞌadi nanghamire teu keha naikno ra naugna ghotilo nogu iara, mae teke mei funu ka God gne, ghotilo tangomana te gleale'a na.

Matiu 10:39

Nu ihei te magnahaghei loku famaku karhagna thegna na, mana ginauna theome ludeni thofno nakarha na. Nu ihei te snakreni karhagna na ka iara na, mana ginauna ludeni thofno nakarha na.”

Profet Isaia 66:5

“Ghotilo naikno te leghu ghau nei ghatho tahu ghau teu iara ra, fanomho fakeli ka nogu cheke iara Lord. Naugna ghotilo ghatho tahu ghau iara fabrahu, eghuteuna keha naikno ka ghotilo theome magnahaghei te loku fodu balumi ghotilo. Eghuteuna mare maꞌe ghami ghotilo cheke eghu, ‘Snakreni Lord mala mei mana balu nogna nolaghi biꞌo mala filoni ghehati te glealeꞌa fara ghotilo na.’ Nu mare ginauna mamaja nodi fara.

Nodi Khoje Hatimare Mae Jiu 69:7

Mare cheke fadiꞌa ghau nei famamaja ghau eghu iara, naugna iara ne pogho soru nigho iagho.

Matiu 5:11

“Uve, ghotilo keli tami fara kate cheke fapari ghami nei para ghami. Mare ginauna chaghi chekedi thua nafnata cheke te diꞌa eimi ghotilo, naugna ghotilo nogu iara.

Nonomho Te Keli Teke Risoi Mae Mak 13:13

Naikno te gnafa gre ginauna tirodi ghami ghotilo, naugna ghotilo ne nogu iara. Nu God ginauna na fakarhidi iheire te au famaku ka nodi fatutuani na ghilei thokeni narane nate gnafa gna naꞌau papara na.”

Luku 21:12

“Nu ame thoke mei nga gobigna lepo igre teuna, naiknore ginauna loki ghami nei para ghami eghu ghotilo, eigna ghotilo ne fatutuani ghau iara. Mare ginauna hata ghami ghotilo tei ka fate ke lamna suga tharai. Eghuteuna mare ginauna na faruma ghami ghotilo ka suga sosolo. Mare ginauna na huhuru ghami ghotilo mala kegra ke uludi hatimare mae funei ba ke uludi hatimare mae king. Mare ginauna na edi glepo igre ka ghotilo, naugna ghotilo ne leghu ghau iara.

Luku 21:17

Eghuteuna naikno te gnafa gre ginauna tirodi ghami ghotilo, naugna ghotilo ne nogu iara.

Jone 8:55

Neubane chekeni ghotilo ‘Mana na noda God tahati’ neu, ghotilo theome thofno laseni mana. Nu iara ngala te laseni mana na. Jame chekeni iara ne theome laseni mana teuna, iara jame kaisei mae chaghi jateula ghotilo eghu. Nu iara laseni fara mana nei leghudi chekegna mana re.

Jone 15:24

Iara neke edi glepo te theome tangomana kaisei naikno te edi re fari hoteidi mare. Jame theome edi iara igre na, naiknore jame theome tangomana te filo glanidi nakhibodire. Eghume neuba ngau mare ne filodihi glepo te edi iara re, mare theome kafe magnahaghei ghami ghepa mae Mama.

Jone 17:25

“Mama, iagho ngala te thofno keli fara na. Naiknogna nauthoglu igne theome lase nigho iagho, nu iara lase nigho iagho. Eghuteuna nogu naikno iara igre lase nigho iagho mae teke kuru mei ghau iara na.

Mae Khuru 4:17

Tahati na cheke faheta ka phiamare mala thosei toutonu eigna mae Jisas ka naiknore na eghunu tei heva heva ka naikno te kmanare nafnata farirhiu igne eghu.”

Mae Khuru 9:14

Eghuteuna gognaro mana mei au agne Damaskas. Mae pris ulu re ne tusu ranghini mana nolaghi te mala lokini ihei te ghatho tahu nigho na.”

Mae Khuru 26:9

“Tifa na iara neke jaola neke edi kmana glepo te mala fadiꞌani nanghagna mae Jisas gna Nasaret.

Ululahu Jone 3:1

Tahati thofno lasenihi unha nafnata namha biꞌo Mama te tusu ranghi ghita. Ka nogna namha biꞌo igne mana kilo ghita goro thugna. Eghuteuna tahati thofno Thugna mana. Nu naiknogna nauthoglu igne theome filo glani ghita te goro thugna God, naugna mare theome laseni mana.

Fatilo Jone 1:7

Eigna mare tei toutonuni mae Kraes. Nu mare theome hata thotogho ka hatimare mae bongihehe, neuba mare ne toutonu ranghidi u Nonomho te Keli eigna mae Jisas Kraes.