Jone 15:16 - Buka Blahi Ka Cheke Holo

¹⁶ Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Jone 15:16 ပူးပေါင်းရင်းမြစ်များ

Jone 15:19

Nu jame leghuni ghotilo puhigna nauthoglu igne na, mare ginauna na namha ghami ghotilo, naugna ghotilo nogna naikno u nauthoglu igne. Nu iara neke vahi fadelei ghamihi ghotilo kau nauthoglu igne. Eghume ghotilo theome nogna naikno nauthoglu igne. Naugna tuana naiknogna nauthoglu igne ginauna theome magnahaghei ghami ghotilo.

Efesus 2:10

Gognaro na God nake vuavuha fapulo ghita eghuteuna tusu ranghi ghita u karha majaghani kate salo fodu ghita balugna mae Jisas Kraes. Mana neke eni igne mala tangomana tahati te edi unha gloku te keli teke kulu tarabana thegna te mala edi tahatire.

Luku 6:13

Hamerane ka keha narane na, mae Jisas ne kilodi nogna mae fanomhore. Kate mei mare ka mana na, mana ne vavahi nabotho phei mae ka hatimare. Mana ne kilodi hatimare “Mae Khuru.”

Galesia 1:15

Nu God au nogna gaoghatho malagu iara kani au nga teku iara ka thi'agna idogu na. Aonu mana neke kilo ghau iara ka nogna khokofakasai mala

Ululahu Jone 4:19

Tahati namha, naugna God neke kulu namha ghita.

Mae Khuru 22:14

“Mae Ananias ne cheke eghu ka iara, ‘Nodi God mae ku'edara neke kulu vahi nighohi tifa, mala laseni iagho unha te magnahagheni mana na, nei mala filoni iagho mae te kiloni “Mae gloku te doglo fara” nei mala nomhidi iagho nogna cheke te cheke mei ka iagho ra.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Jone 6:70

Mae Jisas ne cheke eghu ka mare, “Iara neke kafe vahi ghami ghotilo nabotho phei mae. Nu neuba ngau kaisei mae ka ghotilo na thono jateula mae Satan eghu.”

Ululahu Pita 3:15

Nu te keli na ghotilo lisa lao ghami themi fabrahu ka mae Kraes nomi Lord. Eghuteuna leuleghu fata na ghotilo tarabana mala cheke tughudi naikno te ghusna ghami eigna unha te fatutuani ni ghotilo mae Kraes na.

Nodi Khoje Hatimare Mae Jiu 71:18

Gognaro na iara la mae biꞌohi la nufahi khaklagure, God thosei tei koko ghau iara. Au balugu kate chekeni iara nou nolaghi iagho na ka naikno nate karha mei ke leghugu iara re.

Ululahu Jone 4:10

Ka gloku igne tahati filoni thofno namha na, theome eigna tahati ne namhani God, nu God namha ghita nei kuru mei Thugna jateula kaisei fafara mala hata fadelei nakhiboda.

Proveb 11:30

Puhigna mae te keli na, fakakhana nakarha te keli na. Eghuteuna ihei te autagna gaoghatho te keli na, toghodi keha naiknore mala athini karha na.

Mae Khuru 1:24

Aonu ke leghugna igne, mare ne kafe tarai ne cheke eghu, “Lord, iagho kafe lasedi nagnafadi naikno te gnafare. Lord, vavahi ranghi ghami mae ihei ka phia mae igre

Profet Isaia 27:6

Ka narane igne nate mei, Israel ginauna kotu jateula kaisei gaju te soru glathigna na ke lamna glose te keli, eghuteuna karha keligna me fufunu ure teura eghu. Eghuteuna nauthoglu igne ginauna fodu ka sisigna re.

Ululahu Pita 3:2

Nu mare ginauna tangomana te fatutuani ni mae Kraes kate filodi puhimi ghotilo te keli fara re, naugna ghotilo thofno ghatho tahuni God.

Letas Teke Riso Tei Mae Pol Ka Khiloau Rom 15:4

Gobigna lepo teke rioriso soru mare ka buka blahi na tifa igre, mare neke rioriso mala farirhiu ghita tahati. Eghuteuna kate iu'ijudi grioriso igre, tahati thofno laseni God na eni ranghi ghita unha teke nhaꞌa cheke ranghi ghita na. Eghume gaoghathoda na heta fara nei tahati tangomana te ofoni God te mala togho ghita.

Mae Khuru 9:15

Nu God ne cheke eghu ka mae Ananias, “Ghema, tei sagho! Mae igne neke vahini iara mala edi mana nogu gloku iara re. Mana ginauna cheke eigu iara ka naikno te theome Jiure ba ka nodi king re ba ka naiknodi Israel.

Matiu 21:22

Eghume, jame fatutuani ghotilo na, God ginauna tusu ari unha te toreni ghotilo ka tharai na.”

Nodi Khoje Hatimare Mae Jiu 145:4

Lord God, nou naikno iagho gre ginau kilo fnakno nigho eidi glepo te keli teke edi iagho ranghidire baludi goro sua teke karha mei ka vikedi mare gre. Uve, mare ginauna cheke thakledi koba nou gloku biꞌo iagho ra.

Fapea Timoti 1:11

God neke vahi ghau iara mala loku jateula kaisei mae khuru ba velepuhi mala toutonuni u Nonomho te Keli igne.

Ululahu Korin 10:11

Glepo teke edi kuꞌeda igre jateula te cheke faheta eghu ranghi ghita eigna nogna gloku God na. Naugna tahati auhi ka narane leghu lahu te mala ari te gnafagna nauthoglu igne.

Letas Teke Riso Tei Mae Pol Ka Khiloau Rom 9:21

Mae ihei te hohorodi taperare mana hohoro leghuni unha te magnahagheni thegna na. Mana tangomana te hohoro phei nafnata glepo ka kaisei naphuki glose ngala. Mana tangomana te hohoro kaisei tapera nabagna narane te ulu, eghuteuna keha tapera na nabagna mala leghu narane kolho.

Jemes 3:18

Mae ihei te au nogna gaoghatho te keli na mana tangomana te fadoglidi phei mae te magra farihoteidi thedi na. Eghuteuna mae igne ne doglo ke ulugna God, naugna mana ne toghodi phei mae igre mala au fakeli. Igne jateula kaisei mae te hata gano ka nagare ia eghu naugna tifeiro na mana neke joꞌu sisi.

Hibru 11:4

Tifa na mae Ebol neke fatutuani ni God, naugna igne nogna fafara mana na ne keli fara uluni nogna fafara mae thabusigna mae Kein. Eigna te fatutuani mae Ebol, God filo glani mana kaisei mae te doglo fara eghuteuna God neke cheke fakelini nogna fafara mana na. Neubane lehehi mana tifa, chekegna mana na chekeu ngala ka tahati gognaro gne naugna unha teke eni mana tifa igne farirhiu ghita tahati fabrahu eigna fatutuani ni God.

Taetus 1:5

Iara neke lilisei fapulo nigho ka moumolu Krit naugna iara magnahaghe nigho te mala ke edi fagnafa keha glepo teke theome edi fagnafa nga teku ra. Nu iara magnahaghei nigho te mala vavahi keha mae mala baubatu ka khiloau gne leuleghu namono. Leghudi unha teke chekedi iara ka iagho ra.

Kolose 1:6

Nonomho te Keli te nomhini ghotilo igne mala toghoni nodi fatutuani naikno heva heva ka nauthoglu igne. Igne neke enila ka ghotilo, kate nomhini ghotilo u Nonomho te Keli igne nei thofno laseni gaoghathogna nogna khokofakasai God na.

Letas Teke Riso Tei Mae Pol Ka Khiloau Rom 1:5

Iara neke hata nogna fablahi God igne ka Kraes, eigna mana neke vahi ghau iara mala loku jateula kaisei mae khuru eghu mala kilodi naiknore ka namono te gnafare mala fatutuani nei leghuni eghu mana.

Mae Khuru 10:41

Mana neke theome fatakleni thegna ka naikno te gnafare. Nu mana neke thakle ka iheire kolho teke kulu vavahi God te mala kulu filoni mana re. Eghuteuna kate karha fapulohi mana na, ghehati neke ima nei koꞌu eghu balugna mana.

Ululahu Timoti 2:7

Naugna igne God neke vahi ghau iara mala loku jateu kaisei mae khuru mala toutonuni u Nonomho te Keli na ranghidi iheire te theome Jiu mala fatutuani nei laseni cheke te tutuani na. Iara cheke kate tutuani, theome chaichaghi!

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Profet Maeka 5:7

Naoka re neke uludi naiknodi Israel neke hatadi neke tei ka keha kantri te khaba fara igre, naikno igre ginauna te au ka kmana kantri. Tutuani, mare ginauna tei au heva heva jateula nabubla bongiro, ba nakhete ikoi teke kuru mei Lord mala famane kotu gano. Eghuteuna naiknore ginauna rouronu kolho ka God theome ka kaisei naikno, theo!

Jenesis 18:18

Jaola thugna mae Ebraham gre ginauna na kaisei vike biꞌo nei nheta eghu fara. Eghuteuna keha vike te au ka nauthoglu na igne ginauna fatutuani jateula mae Ebraham eghu.

Letas Teke Riso Tei Mae Pol Ka Khiloau Rom 1:13

Uve kheraguro, funu tifa te mei posa gognaro gne iara magnahaghe ghami ghotilo te laseni kmana fata iara au gaoghathogu fara te mala ari posa ka ghotilo na, nu keha glepo te fanogra ghau koba iara. Iara magnahaghei te mei mala toghodi kmana naikno jare ke lamnami ghotilo te leghuni mae Jisas jateula teke edi iara ke lamnadi keha naikno te theome mae Jiu.

Mae Khuru 1:8

Nu ka narane nate soru mei mae Tharunga te Blahi na ke klignami ghotilo na, ghotilo ginauna na fodu kau nolaghi te mala toutonu eigu iara. Ghotilo ginauna mala toutonu eigu iara agne Jerusalem, nei Judia tongana, nei Samaria tongana, ghilei tei thoke ka namono te gnafa ka nauthoglu igne.”

Matiu 7:7

Mae Jisas ne cheke eghu, “Heta, thosei khusu thore na, God ginauna na tusu ari ka ghotilo. Thosei khusu te hiro glepo ka God na, eghuteuna ghotilo ginauna na ludeni. Ghotilo mei mala kikidi ka nogna grengatha mana na, mana ginauna tora ranghi ghami ghotilo.

Jone 15:5

“Iara jateula gaju eghu, eghuteuna ghotilo jateula grege eghu. Mae ihei te au balugu iara na, iara na au balugna mana. Mana na ure na au sisi kmana. Naugna te theome au ghotilo balugu iara na, ghotilo theome tangomana te eni kaisei glepo na.