Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jone 15:14 - Buka Blahi Ka Cheke Holo

14 Ghotilo thofno kheragu iara, eghu te edi koba ghotilo unha te chekedi iara re.

အခန်းကိုကြည့်ပါ။ ကော်ပီ




Jone 15:14
19 ပူးပေါင်းရင်းမြစ်များ  

Ihei te eni unha te magnahagheni mae Kmagu iara te au kligna na thofno thabusigu nei greghagu nei idogu eghu iara.”


Namhani God, gaoghathogna na leghudi nogna vetula, eghuteuna nogna vetulare theome ninhigrana ranghi ghita.


Eghuteuna igne ne horoghoto ka grioriso te blahi ia, “Mae Ebraham neke fatutuani ni God. Naugna igne God ne cheke eghu, ‘Mae Ebraham gne kaisei mae doglo fara ke ulugu iara.’ ” Naugna igne God kiloni mae Ebraham kheragna thegna.


Mae ihei te nomhidi nei leghudi teu nogu vetula iara re, mae tuana ngala te namha ghau iara na. Eghuteuna mae ihei te namha ghau iara na, mae Kmagu iara na ginauna namhani mana. Eghuteuna iara ginauna namha nila mana, nei na fatakle ghau thegu ka mana.”


Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.


Aonu mae Jisas ne cheke eghu ka nogna mae fanomhore, “Uve, kheraguro, te chekeni iara ka ghotilo na, thosei mhaghudi naiknore. Mare tangomana te falehedi kolho thinimi ghotilo re, nu ke leghugna tuana mare theome tangomana te eni kaisei glepo te mala fadiꞌa ghami ghotilo na.


Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.


“Nu ghotilo naiknomi Israel, teke karha mei ka vikegna mae kheragu iara mae Ebraham. Iara neke vahi ghami ghotilo mala thofno nogu naikno gloku iara.


Aonu, idogna mae Jisas na tei ne cheke eghu ka mae glokure, “Eni unha te chekeni mana ka ghotilo na.”


“Ghathoni unha teke cheke eghu iara ia, ‘Iara ginauna tei ka mae Mama, eghuteuna iara nake pulo mei ka ghotilo.’ Te thofno namha ghau iara ghotilo na, ghotilo ginauna keli tami te tei iara ka mae Mama na, naugna mae Mama na mae ke biꞌogu iarai.


Nomi God, iagho neke khi fajifladi naikno teke kulu au ka namono igne, eghuteuna iagho neke snakre lao namono igne ka kuꞌemi ghehati ra mala au fabrahu tagna. Naikno tura vikegna Ebraham kheramu iagho ia.


Kheraguo, iagho khetogu iara. Iara meihi lamna ka nogu nagare na. Iara atha khakladi te famane sisiri nei glaghobe. Iara kelitagu fara te ghamu ghegu famane jurukuli. Iara koꞌu waen balu milk. Ghopa kheraguro, ghopa mala ghamu fodu, nei koꞌu fodu, eghu ghilei thofno boho ghopa ka nomi namha na.


Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.


Aonu, Moses ghe Eron ne eni unha Lord teke chekeni mala eni phiamare teku na.


Aonu Rut kegra haghe ne tei ka vido aheva te mala fifliti khunedi balire ne leghudi nogna cheke Naomi re.


Mae Asaraea thugna mae Natan, mana mae biꞌodi hatimare mae funei ka provins. Mae Sabud thugna mae Natan, mana mae pris mala tufa gaoghatho ka king.


Mana ghatho tahuni Lord neke theome huhughuni mana, nu mana thofno leghuni fabrahu nogna vetula Lord teke tusu ranghini mae Moses tifa ra.


Vikemi ghehatire mei neke au ka glose igne, nu mare neke theome leghudi nou farirhiu iaghore neke theome edi unha teke chekedi iaghore. Eghuteuna iagho neke snakre mei puhi biꞌo mala thokedi mare.


Iara ne edi gobigna lepo teke chekedi Lord ka iara re. Ka narane tuana, iara ne nhaꞌa lao keha glepo ka nogu gloi na jateula mae ihei te huhuruni te tei kokoni nogna namono na te tei au ka keha kantri ra neu. Aonu kate plulu naprai na, iara ne eni kaisei khora ka gringni na ka khamegu kolho ne jifla ka khora igne. Kate filo teu mare na, iara ne pala nogu gloi na ka fafragu na jifla ne tei.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ