Jone 15:12 - Buka Blahi Ka Cheke Holo

¹² Igne nogu vetula iara na: Fari namhai jateula ngau iara te namha ghami ghotilo gne eghu.

Jone 15:12 ပူးပေါင်းရင်းမြစ်များ

Ululahu Jone 4:21

Mae ihei te namhani God na mana jaola namhani mae kheragna fofodu na. Vetula igne teke tusu ranghi ghita mae Kraes na.

Jone 13:34

“Eghume, iara na tusu ari kaisei vetula majaghani ka ghotilo: ‘Fari namhai jateula ngau iara te namha ghami ghotilo.

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Ululahu Jone 3:23

Mana cheke faheta ka tahati mala fatutuani ni Thugna, Jisas Kraes, nei fari namhai jateula te chekeni mae Kraes.

Letas Teke Riso Tei Mae Pol Ka Khiloau Rom 12:10

Fari namhai jateula thabusigna eghu ka Kraes. Ghatho tahudi keha thabusigna ka khiloau gne ke tulaomi themi.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.

Ululahu Tesalonika 4:9

Ghehati theome naba te riso ari ka ghotilo eigna te mala namhani kherada fofodu ka khiloau. Naugna God thegna farirhiu ghamihi ghotilo te mala fari namhai na.

Ululahu Tesalonika 3:12

Iara toreni Lord mala fabruarani nei fathovuni nomi namha na fari themi nei naikno te gnafa jateula ghehati te namha ghami ghotilo.

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Profet Malakai 1:2

Igne unha teke chekeni Lord, “Ghotilo te karha mei ka vikegna Jekop ra, iara thofno namha ghami ghotilo fara.” Nu ghotilo cheke eghu ka mana, “Mala faꞌunha sagho te namha ghami ghehati gnea?” Aonu Lord ne cheke eghu, “Uve, tifa na mae Jekop ghe mae Iso ra neke phei mae thabusigna. Eghuteuna iara neke namhani mae Jekop, eghuteuna iara neke jaola neke namha ghami ghotilo naikno teke karha mei ka vikegna mae Jekop ra eghu.

Jone 15:17

Eghume igne nogu vetula biꞌo iara te tusu ari ka ghotilo na: Fari namhai!”

Fapea Jone 1:5

Uve nakrupe biꞌo, iara theome riso ari kaisei vetula majaghani ka ghotilo nu vetula teke kulu hata tahati tifa ia kolho. Iara tore ghami ghotilo mala fari namhai tahati.