Jone 15:10 - Buka Blahi Ka Cheke Holo

¹⁰ Te leghudi ghotilo nogu vetula iara re, iara ginauna namha ghami ghotilo fabrahu. Jateula ngau iara te leghudi nogna vetula mae Mama re, eghuteuna mana namha ghaula iara.

Jone 15:10 ပူးပေါင်းရင်းမြစ်များ

Jone 14:15

Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.

Ululahu Jone 5:3

Namhani God, gaoghathogna na leghudi nogna vetula, eghuteuna nogna vetulare theome ninhigrana ranghi ghita.

Ululahu Jone 2:5

Nu ihei te leghuni chekegna God na, tahati laseni ka nakarhagna na mana te namhani God. Ka igne tahati laseni mana te leghuni God: Ihei te chekeni ne au balugna God teuna mana nabagna te au jateula teke eni mae Jisas Kraes ia eghu.

Fapea Pita 2:21

Uve, te keli na mare thosei laseni nabrou te doglo igne. Naugna theome keli te laseni mare eigna nabrou igne, nei nomhini eigna vetula te blahi igne eghuteuna ke figri tagruni mare nabrou te doglo na teuna.

Jone 8:29

Eghuteuna mae Mama mae teke kuru mei ghau iara na, mana au fabrahu balugu iara. Mana theome tei koko ghau iara, naugna iara edi fabrahu gobigna lepo te magnahaghedi mana mala edi iara teku re.”

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Jone 17:4

Iara na fatakleni nou nolaghi biꞌo iagho na ka naiknogna nauthoglu igne. Eghuteuna iara la loku fahuidihi gobigna lepo mala edi iara teku iagho ra.

Jone 14:31

Nu iara magnahaghedi naiknogna nauthoglu igne te lase ghau iara te namhani mae Mama na. Eghume iara edi ngala unha te chekedi mae Mama mala edi iara teku mana re. “Uve, kheraguro, ghotilo kegra haghe mala tei kokoni tahati vido igne.”

Jone 12:49

Naugna iara theome cheke leghudi kolho gaoghathogu thegu. Mae Mama mae teke kuru mei ghau iara kau nauthoglu igne te cheke ranghi ghau iara unha te mala chekedi nei farirhiudi teure.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Jone 14:21

Mae ihei te nomhidi nei leghudi teu nogu vetula iara re, mae tuana ngala te namha ghau iara na. Eghuteuna mae ihei te namha ghau iara na, mae Kmagu iara na ginauna namhani mana. Eghuteuna iara ginauna namha nila mana, nei na fatakle ghau thegu ka mana.”

Ululahu Korin 7:19

Naugna te vahe ba te theome vahe na theome glepo ulu. Glepo te ulu na te leghuni ngala nogna vetula God na.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Profet Isaia 50:5

Lord God neke tusu mei glalase ka iara. Igne te theome figri tagruni nei thodoni teu iara mana na.

Jone 8:55

Neubane chekeni ghotilo ‘Mana na noda God tahati’ neu, ghotilo theome thofno laseni mana. Nu iara ngala te laseni mana na. Jame chekeni iara ne theome laseni mana teuna, iara jame kaisei mae chaghi jateula ghotilo eghu. Nu iara laseni fara mana nei leghudi chekegna mana re.

Jone 10:18

Theo kaisei naikno tangomana te falehe ghau iara ka nogna nheta thegna. Naugna iara ngala te au nolaghi te mala snakre ghau thegu te mala lehe nei ke karha fapulo teuna. Tuana ngala unha mae Mama teke chekeni mala eni iara teku na.”

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Ululahu Jone 2:3

Te leghuni tahati unha te magnahaghei God na, tahati thofno laseni mana.

Eksodas 7:6

Aonu, Moses ghe Eron ne eni unha Lord teke chekeni mala eni phiamare teku na.

Fapea Samuel 22:22

Leuleghu fata na, iara leghuni koba puhigna Lord eghuteuna iara theome tei fajafra ka mana.

Fapea Kings 18:6

Mana ghatho tahuni Lord neke theome huhughuni mana, nu mana thofno leghuni fabrahu nogna vetula Lord teke tusu ranghini mae Moses tifa ra.