Jone 14:31 - Buka Blahi Ka Cheke Holo

³¹ Nu iara magnahaghedi naiknogna nauthoglu igne te lase ghau iara te namhani mae Mama na. Eghume iara edi ngala unha te chekedi mae Mama mala edi iara teku mana re. “Uve, kheraguro, ghotilo kegra haghe mala tei kokoni tahati vido igne.”

Jone 14:31 ပူးပေါင်းရင်းမြစ်များ

Jone 10:18

Theo kaisei naikno tangomana te falehe ghau iara ka nogna nheta thegna. Naugna iara ngala te au nolaghi te mala snakre ghau thegu te mala lehe nei ke karha fapulo teuna. Tuana ngala unha mae Mama teke chekeni mala eni iara teku na.”

Filipae 2:8

Mana nhaꞌa faparini thegna neke leghuni gaoghathogna God na neke lehe ke kligna gaju fafatha jateula kaisei mae teke blau neku.

Jone 12:49

Naugna iara theome cheke leghudi kolho gaoghathogu thegu. Mae Mama mae teke kuru mei ghau iara kau nauthoglu igne te cheke ranghi ghau iara unha te mala chekedi nei farirhiudi teure.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Luku 12:50

Nu ulu lahu na iara na ruma haghe ke lamnagna naꞌau papara na nei lehe eghu tagna. Eghuteuna leuleghu fata na iara nanga nogu fara koba ghilei thokeni narane nate sala'u ari glepo igne.

Jone 15:9

“Iara namha ghami ghotilo, jateula ngau mae Mama te namha ghaula iara. Eghume, ghotilo au fabrahu balugu iara, mala tangomana iara te namha ghami ghotilo na.

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Jone 18:11

Mae Jisas ne cheke eghu ka mae Pita, “Ghema Pita, ke nhaꞌa fapulo nou naflahi ana! Iara na leghuni unha teke magnahagheni mae Mama te mala au papara na.”

Jone 12:27

Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Matiu 26:39

Mae Jisas ne riu fadelei katha vido ka thilo mare. Mana pogho soru ne tarai, “Mama, jame te tangomana na, thosei snakre ghau iara mala au papara ka nafnata puhi igne. Nu eni unha te magnahagheni iagho themu na, theome leghui unha te magnahagheni iara na.”

Matiu 26:46

Kegra haghe, tei noda! Filo si ghotilo, igne tela mei mae ihei nate snakre lao ghau iara ka khamedi mae te diꞌare!”

Profet Isaia 50:5

Lord God neke tusu mei glalase ka iara. Igne te theome figri tagruni nei thodoni teu iara mana na.

Jone 13:1

Ka grafi gna Gaghamu Ghasa-Polho na mae Jisas la kulu lasenihi narane na la namohi te mala jifla kokoni nauthoglu igne teke pulo ka mae Kmagna na. Funu ka vuvuhagna na te ghilei thoke ka narane glehegna na, mae Jisas ne namhadi fara naikno teke leghuni mana re.