Jone 14:3 - Buka Blahi Ka Cheke Holo

³ Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Jone 14:3 ပူးပေါင်းရင်းမြစ်များ

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Fapea Timoti 2:12

Jame te fatutuani ni fabrahu tahati mae Jisas Kraes na, neubane au papara, tahati ginauna funei balugna mana ka nogna nauthoglu te theo ka huigna. Nu jame te chekeni tahati ne theome laseni mana teuna, mana ginauna jaola chekeni ne theome lase ghita teuna.

Mae Khuru 1:11

Phiamare ne cheke eghu ka mare, “Ghotilo maemi Galili, naugna unha site kegra filo haghe teu ghotilo kau maloa na gnea? Mae Jisas teke hata haghe God kligna ia mana ginauna nake pulo mei nathuꞌu nauriha, jateula te filoni ghotilo teke pulo haghe mana kligna tuana eghu.”

Hibru 9:28

Eghume, mae Kraes jaola neke fafarani thegna kaisei fata ngala, mala tangomana mana te koko fahui nakhibodi naikno te kmanare. Mana ginauna nake pulo mei ka nauthoglu igne fapea fata. Kau narane tuana mana ginauna na theome mei mala atha koko nakhibo, nu mana mei ka nauthoglu igne mala fakarhadi iheire te ofoni teu mana.

Letas Teke Riso Tei Mae Pol Ka Khiloau Rom 8:17

Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Jone 14:28

“Ghathoni unha teke cheke eghu iara ia, ‘Iara ginauna tei ka mae Mama, eghuteuna iara nake pulo mei ka ghotilo.’ Te thofno namha ghau iara ghotilo na, ghotilo ginauna keli tami te tei iara ka mae Mama na, naugna mae Mama na mae ke biꞌogu iarai.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Fapea Tesalonika 1:12

Jame eni ghotilo igne na, nanghagna noda Lord Jisas Kraes na ginau fnakno ke lamnami. Eghuteuna ghotilo tangomana te hata nafnakno ka mana. Nafnakno tuana mei funu ka nogna namha noda God nei Lord Jisas Kraes.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Filipae 1:23

Thono ninhigrana ranghi ghau iara te vavahi ka phei nabrou igre. Iara magnahagheni fara te jifla kokoni u nauthoglu igne mala au balugna mae Kraes, naugna tuana ngala glepo ulu te magnahagheni iara na.

Jone 14:4

Ghotilo lasenihi u nabrou te thoke ka vido aheva nate tei iara na.”