Jone 14:28 - Buka Blahi Ka Cheke Holo

²⁸ “Ghathoni unha teke cheke eghu iara ia, ‘Iara ginauna tei ka mae Mama, eghuteuna iara nake pulo mei ka ghotilo.’ Te thofno namha ghau iara ghotilo na, ghotilo ginauna keli tami te tei iara ka mae Mama na, naugna mae Mama na mae ke biꞌogu iarai.

Jone 14:28 ပူးပေါင်းရင်းမြစ်များ

Jone 14:18

Iara na theome tei koko ghami ghotilo, jateula goro sua te theo ihei nga te mala tajidi ra eghu. Naugna iara nake pulo mei mala au balumi ghotilo.

Jone 20:21

Mae Jisas neke fapea cheke eghui ka mare, “Pharikeli na au ka ghotilo! Mae Mama neke kuru mei ghau iara, eghuteuna gognarona iara nake kuru fajifla ghami ghotilo ka naiknogna nauthoglu igne.”

Jone 20:17

Mae Jisas ne cheke eghu ka naꞌa, “Meri, thosei habo mei ka iara. Naugna iara theome haghe ngau ka mae Mama. Nu tei filodi mae thabusignara cheke eghu ka mare, ‘Iara na haghe ka mae Mama nei Kmami ghotilo. Ka nogu God nei nomi God ghotilo.’ ”

Jone 13:16

Tutuani fara te chekeni iara ka ghotilo na. Mae gloku na theome tangomana te uluni nogna mae funei na. Eghuteuna jaola mae khuru na theome uluni mae ihei teke kuru meini mana na.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Ululahu Korin 11:3

Nu iara magnahaghe ghami ghotilo te mala lase fakelini eigna God na pha'ugna Kraes, eghuteuna Kraes na pha'ugna nalhaꞌu eghuteuna nalhaꞌu na pha'ugna khetogna na.

Jone 16:7

Nu tutuani fara te chekeni iara ka ghotilo na. Te mala kelimi ghotilo na iara ginauna tei koko ghami ghotilo, naugna jame te theome tei iara na, mae mala totogho, mae Tharunga te Blahi na theome mei ka ghotilo. Nu jame te tei iara na, iara ginauna kuru meini mana ka ghotilo.

Jone 14:12

Tutuani fara te chekeni iara ka ghotilo na. Mae ihei te fatutuani ghau iara na, mana ginauna edila glepo te edi iara re. Mana ginauna na edi glepo ke kmanadi te edi iara igrei, naugna iara na tei kokoni nauthoglu igne mala tei au balugna mae Mama.

Jone 10:38

Nu jame edi iara unha te edi mae Mama re, neubane theome fatutuani ghau iara ghotilo, ghotilo jame fatutuanidi unha te edi iara re. Aonu, ghotilo ginauna laseni mae Mama na au ke lamnagu iara, nei iara au ke lamnagna mae Mama.”

Jone 5:18

Kate nomhidi mae biꞌodi mae Jiu gre cheke te edi mae Jisas igre, mare fariuriu fara te mala faleheni mae Jisas. Theome naugna te huhughuni mana vetula eigna narane Sabat na kolho, nu mana ne kiloni thegna mae Thugna God. Gaoghathogna igne mana magnahaghei te kaisei ngala balugna God.

Matiu 12:18

“Igne nogu mae gloku teke vavahi iara na. Nu iara namhani nei gleꞌani eghu mana. Iara ginauna tusu ranghini mana Tharungagu na. Aonu mana ginauna chekeni chekegu iara na ka naikno te theome Jiu mala tughu nagnafa mare.

Profet Isaia 53:11

Ke leghugna te au papara na, mana ginauna nake gleale'au, naugna mana laseni la mana theome fiti au papara kolho. Puhigna nogu mae gloku iara igne thofno doglo fara, mana ginauna toghodi kmana naikno mala jaola doglo, eghuteuna mana au papara eidi nakhibodi naiknore.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Profet Isaia 42:1

Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Nodi Khoje Hatimare Mae Jiu 68:9

God, iagho neke snakre meini nakhete biꞌo na mala soru ka nou glose teke diꞌa na mala ke keli fapulo.

Jone 7:33

Mae Jisas ne cheke eghu, “Iara ginauna au balumi ghotilo katha vido kmoꞌei kolho. Aonu iara ginau nake pulo ka mae ihei teke kuru mei ghau na.