“Eghume iara kulu chekeni ka ghotilo glepo igne kani theome thoke mei ngau. Aonu, kate thoke mei glepo tuana, ghotilo ginauna cheke eghu, ‘Tutuani fara, mae Jisas gne ngala mae Kraes na!’
Iara chekeni igne ka ghotilo, mala keli tami ghotilo jateula ngau iara te keli tagu gne eghu. Eghuteuna iara magnahaghei ghami ghotilo te mala thofno keli tami fara.
Iara kulu chekedi glepo igre ka ghotilo kani theome tei koko ghami ngau iara. Kate tei koko ghami iara na ghotilo ginauna ghathodi nei fatutuanidi eghu unha te chekedi iara igre.
Mae te theome namha ghau iara na, mana theome leghudi nogu farirhiu iara re. Uve, farirhiu te nomhini ghotilo igne theome khogla nogu farirhiu iara kolho, nu jaola mei funugna ka mae Mama, mae teke kuru mei ghau iara na.
Nu mae Tharunga te Blahi te mala togho ghami ghotilo na, mae Mama ginauna kuru meini mana ka nanghagu iara. Kau narane te mei mana na, mana ginauna farirhiu ghami ghotilo gobigna lepore, eghuteuna mana ginauna eni igne mala ke ghatho fapulodi ghotilo gobigna lepo teke chekedi iara ka ghotilo ra.