Jone 14:13 - Buka Blahi Ka Cheke Holo

¹³ Eghuteuna iara na eni unha te toreni ghotilo ka nanghagu iara na. Iara na eni igne ranghi ghami ghotilo mala filoni naiknore nogna nolaghi biꞌo mae Mama te thakle mei ka iara mae Thugna na.

Jone 14:13 ပူးပေါင်းရင်းမြစ်များ

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Nonomho Te Keli Teke Risoi Mae Mak 11:24

Eghume te chekeni iara ka ghotilo na, kate tarai ghotilo te tore eigna kaisei glepo na, ghotilo fatutuani jateula tela hatahi teu ka nomi fatutuani na, God ginauna na tangomana te tusu ari ka ghotilo na.

Matiu 21:22

Eghume, jame fatutuani ghotilo na, God ginauna tusu ari unha te toreni ghotilo ka tharai na.”

Matiu 7:7

Mae Jisas ne cheke eghu, “Heta, thosei khusu thore na, God ginauna na tusu ari ka ghotilo. Thosei khusu te hiro glepo ka God na, eghuteuna ghotilo ginauna na ludeni. Ghotilo mei mala kikidi ka nogna grengatha mana na, mana ginauna tora ranghi ghami ghotilo.

Ululahu Jone 5:14

Tahati thofno laseni igne, mana ginauna na nomhi ghita kate toreni tahati unha te leghuni gaoghathogna.

Jone 16:23

Kate filo ghau iara ka narane tuana, ghotilo ginauna theome toreni kaisei glepo ka iara. Tutuani fara te chekeni iara ka ghotilo na. Mae Mama ginauna tusu ari ka ghotilo unha te toreni ghotilo ka nanghagu iara na.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Jone 14:14

Tutuani fara, unha te toreni ghotilo ka nanghagu iara na, iara na eni ranghi ghami ghotilo.”

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Efesus 3:12

Naugna tahati kaisei balugna Kraes nei tahati fatutuani ni mana, nagnafadare heta fara nei tahati theome mhaghu te mei ka God na.

Jone 16:26

Kau narane tuana iara ginauna theome toreni mae Mama mala togho ghami ghotilo, nu ghotilo ginauna toreni mae Mama unha te magnahagheni ka nanghagu iara na.

Jone 10:30

Uve, ghepa mae Mama na kaisei ngala.”

Efesus 2:18

Eghume gognaro na tahati hui, mae Jiu ba mae te theome Jiu tangomana te mei ke ulugna God Kmada ka nogna nolaghi kaisei Tharunga te Blahi.

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Jone 7:37

Narane leghu lahu igne ngala narane biꞌo fara ka gaghamu na. Kau narane tuana mae Jisas kegra haghe farihoteigna nakhapru na ne cheke eghu fabiꞌo, “Mae ihei te roi koꞌu na mei ka iara mala koꞌu.

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Jone 12:44

Mae Jisas kegra haghe ne cheke eghu fabiꞌo, “Mae ihei te fatutuani ghau iara na, mana theome fatutuani ghau iara kolho, nu fatutuani nila mae Mama mae teke kuru mei ghau iara kau nauthoglu igne.

Luku 11:9

“Eghume te chekeni iara ka ghotilo na, heta thosei khusu thore na, God ginauna tusu ari ka ghotilo. Thosei khusu te hiro glepo ka God na, eghuteuna ghotilo ginauna ludeni. Ghotilo mei mala kikidi ka nogna grengatha mana na, mana ginauna na tora ranghi ghami ghotilo.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Jone 5:19

Mae Jisas ne cheke eghu ka mae biꞌodi mae Jiure, “Tutuani fara te chekeni iara ka ghotilo na. Iara mae Thugna God na, theome tangomana te eni kaisei glepo leghuni u gaoghathogu thegu na. Iara edi kolho unha glepo teke filodi thegu te edi mae Mama re. Eghuteuna unha te edi mae Mama re tuare ngala te edi la iara re.

Hibru 13:15

Eghume tahati tangomana te kilo fnaknoni God fabrahu ka unha teke eni mae Jisas. Eghume noda kilo fnakno tahati na jateula kaisei fafara te fafara ka God ia eghu. Eghuteuna tahati fafara ka God kate toutonuni nanghagna mana balu gleale'a.

Hibru 4:15

Noda mae pris biꞌo na lase ghita te nigra na. Ka teke au ka nauthoglu gne, mana neke thoke nila fariuriu ka nafnata puhi te kmana jateula tahati neku, nu mana neke theome eni kaisei najafra eghu.

Efesus 3:14

Eghume gognaro na iara tarai ke ulugna Kmada kligna.

Jone 4:14

Nu ihei te koꞌu ka khoꞌu te tusu ranghini iara na, mana ginauna nake theome roi koꞌu. U khoꞌu nate tusu mei iara igne na jateula ngau glokha eghu na fura mei fabrahu ke lamnagna mana. U khoꞌu igne ginauna na tusu ranghini mana u karha fei tifa na.”

Jone 4:10

Aonu mae Jisas ne cheke eghu ka gaꞌase na, “Naikno biꞌo, iagho theome laseni nogna khokofakasai God ranghini naikno na, nu iagho theome laseni mae ihei te tore khoꞌu teu ka iagho gne. Jame laseni iagho na, iagho tangomana te tore ghau iara na, eghuteuna iara tangomana te tusu ari ka iagho u khoꞌu karha na.”

Jone 16:7

Nu tutuani fara te chekeni iara ka ghotilo na. Te mala kelimi ghotilo na iara ginauna tei koko ghami ghotilo, naugna jame te theome tei iara na, mae mala totogho, mae Tharunga te Blahi na theome mei ka ghotilo. Nu jame te tei iara na, iara ginauna kuru meini mana ka ghotilo.

Jone 13:31

Ke leghugna te jifla te tei mae Judas na, mae Jisas ne cheke eghu ka keha nogna mae fanomhore, “Tutuani fara, gognarona naiknore na filoni nogu nolaghi biꞌo iara mae teke mei funu ka God. Eghuteuna, naiknore ginauna filoni nogna nolaghi biꞌo God na ka iara.

Ululahu Korin 14:13

Eghume ihei te chekeni chekegna God ka keha nafnata chekei na, mana mala toreni God mala tangomana mana jaola te rurutha gaoghathogna unha te chekeni mana na.