Jone 13:38 - Buka Blahi Ka Cheke Holo

³⁸ Mae Jisas ne cheke eghu ka mae Pita, “Ba, iagho na lehe tutuani ranghi ghau iara sia? Tutuani fara te chekeni iara ka iagho na. Ame tanhi nga khokorako na teuna, iagho na thilo fata chekeni ne iho ghau iara teuna.”

Jone 13:38 ပူးပေါင်းရင်းမြစ်များ

Luku 22:34

Mae Jisas ne cheke eghu ka mae Pita, “Iara na cheke ari ka iagho, Pita. Iagho ginau bongi na na theome tanhi ngau khokorako na, na thilo fata chekeni ne theome lase ghau iara teuna.”

Matiu 26:34

Mae Jisas ne cheke eghu ka mae Pita, “Tutuani fara te chekeni iara ka iagho na. Iagho ginau bongi na, iagho na chekeni ne theome lase ghau iara teuna. Iagho na thilo fata chaghi ghau iara ame taitanhi nga khokorako na eghu.”

Nonomho Te Keli Teke Risoi Mae Mak 14:30

Mae Jisas ne cheke eghu ka mana, “Ghema Pita, tutuani fara te chekeni iara ka iagho na, iagho ginau bongi na theome fapea tanhiu khokorako na thilo fata chekeni ne iho ghau iara teuna.”

Proveb 16:18

Fahaehaghe na mei ului, puhi biꞌo na mei ke leghu. Patugama na mei ului, uka na mei ke leghu.

Ululahu Korin 10:12

Eghume, ihei la kegra hetahi thegna ka fatutuani na teu ka gaoghathogna na, filo fakeli eghu, glahu uka kolho.

Proveb 29:23

Naiknore ghatho tahuni mae ihei te nhaꞌa faparini thegna na, mae te fahaehaghe na ginauna mamaja nogna fara.

Proveb 28:26

Mae te ronuni nogna gaoghatho thegna na, mana mae fameomekro kolho. Nu mae te rouronu ka gaoghatho te keli na ginauna au fakeli.

Luku 22:33

Nu mae Pita ne cheke eghu ka mae Jisas, “Lord, iara la tarabanahi te mala tei balumu iagho ka suga sosolo na, nei mala lehe balumu iagho!”

Jone 21:17

Fatilo fata na mae Jisas neke cheke eghu la ka mae Pita, “Simon, thugna Jone, iagho namha ghau iara ngau sia?” Mae Pita ne diꞌanagnafa gna fara naugna mae Jisas ne thilo fata cheke eghu ka mana, “Iagho namha ghau iara ngau sia?” teuna. Eghume, mae Pita ne cheke eghu ka mana, “Lord, iagho lasedihi gobigna lepore. Iagho lase ghau iara te thofno namha nigho na.” Mae Jisas ne cheke eghu ka mae Pita, “Reireghidi gnafa nogu naikno iara jateula sipu teu igre.”

Jone 16:31

Nu mae Jisas ne cheke eghu ka mare, “Ghotilo la fatutuani gognaro ba theo?

Mae Khuru 11:10

Thilo fata teke eni igne na, eghuteuna ke leghugna igne glepo tuana neke haghe ka maloa na.