Jone 13:23 - Buka Blahi Ka Cheke Holo

²³ Kaisei mae fanomho te namhani fara mae Jisas na ne gnokro rhegna mae Jisas.

Jone 13:23 ပူးပေါင်းရင်းမြစ်များ

Jone 19:26

Mae Jisas ne filoni idogna na. Mana jaola ne filoni nogna mae fanomho te namhani fara mana kegra teu jare na. Mana ne cheke eghu ka idogna na, “Naikno biꞌo, filoni mae ana, ghathoni mana jateula mae thumu eghu.”

Jone 21:20

Mae Pita figri ne filoni mae fanomho te namhani fara mae Jisas te mei ke leghudi phiamare na. Mana kaisei mae teke gnokro rhegna mae Jisas ka teke ghamu mare Gaghamu Ghasa-Polho na teke ghusna eghu ka mana ia, “Lord, mae ihei si nate majora nigho iagho na ia?”

Jone 21:7

Eghuteuna, mae fanomho te namhani fara mae Jisas na filo glanini mae Jisas ne cheke eghu ka mae Pita, “Noda Lord ia signe!” Kate nomhini mae Pita te cheke mana igne, mana atha pohe na neke pipichi. Naugna mana neke hata koko pohe na mala loku neku. Uve, mana krofu soru lamna kholo ne longa ka mae Jisas.

Jone 20:2

Aonu, Meri ghosei ne chari neke pulo ka mae Simon Pita ghe keha mae fanomho te namhani mae Jisas na. Meri ne cheke eghu ka phia mare, “Ghopa re, rehati la atha fadelei thinigna noda Lord na kau gluma na. Eghuteuna, ghehati theome laseni aheva te tei lilisei rehati na.”

Jone 11:36

Aonu, mae Jiure ne cheke eghu fari thedi, “Filoni si ghotilo, mae igne namhani fara mae Lasaros.”

Jone 11:5

Mae Jisas gne namhadi fara Meri ghe Mafa nei mae Lasaros.

Jone 11:3

Phei greghagna mana re ne kurudi keha mae mala tei cheke eghu ka mae Jisas, “Lord, mae kheramu iagho mae Lasaros ia ne fogra.”

Fapea Samuel 12:3

Nu mae te kuma igne, mana au kaisei nogna sua sipu gaꞌasegna kolho. Mana foli sipu igne ne tathaji fakeli. Eghuteuna sipu igne au ka nogna suga na ne ghilei biꞌo haghe baludi thugnare. Leuleghu fata na mana tufa ghegna ganore ka sipu igne, eghuteuna sipu igne koꞌu ka nogna kapu mana na. Eghuteuna mae te kuma igne bebeꞌe koba sua sipu igne jateula kaisei thugna gaꞌase eghu.

Jone 21:24

Mae fanomho te chekeni mae Jisas igne iara ngala. Eghuteuna, iara ngala mae te toutonudi nei rioriso sorudi teu glepo igre. Eghuteuna tahati kafe laseni unha te toutonudi iara igre thono tutuani fara.

Jone 13:25

Aonu, mae fanomho tuana tugha ne lao rhegna ka mae Jisas ne fanganghau eghu ka khuligna mana na, “Lord, eigna mae ihei site chekeni iagho gnea?”

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Luku 16:22

“Leghu lahu na mae Lasaros ne lehe. Eghuteuna engel re palani mana ne tei mala gnokro rhegna mae Ebraham kligna. Mae dedei na jaola lehe ne giugilu.

Jone 13:24

Mae Simon Pita ne kaflo gehe ka mana mala ghusnani mae Jisas mae ihei te chekeni mana na.

Ululahu Kings 4:5

Mae Asaraea thugna mae Natan, mana mae biꞌodi hatimare mae funei ka provins. Mae Sabud thugna mae Natan, mana mae pris mala tufa gaoghatho ka king.