Jone 13:22 - Buka Blahi Ka Cheke Holo

²² Kate nomhini igne, mae fanomhore ne filoi fari thedi. Naugna hatimare ne theome laseni mae ihei te chekeni mae Jisas na.

Jone 13:22 ပူးပေါင်းရင်းမြစ်များ

Luku 22:23

Ka cheke mana igne mae khurure ne funu ghusna fari thedi mala laseni mae ihei ka mare te eni igne.

Nonomho Te Keli Teke Risoi Mae Mak 14:19

Mae fanomhore ne diꞌanagnafadi fara kate nomhini igne. Mare ne sopagna cheke eghu ka mae Jisas, “Theome iara!”

Matiu 26:22

Kate nomhini cheke mae Jisas igne, mae fanomhore ne kafe diꞌanagnafadi fara, ne sopa ghusna eghu ka mana, “Tutuani fara, Lord, theome iara si nate majora nigho na ia?”

Jenesis 42:1

Kate nomhini mae Jekop te au teu gano jare Ijep na, mana ne cheke eghu ka mae thugnare, “Naugna unha site fiti gnokro diꞌanagnafa teu ghotilo gnea?

Matiu 26:21

Kate ima mare ka tevo na mae Jisas ne cheke eghu, “Tutuani fara, te chekeni iara ka ghotilo na. Kaisei mae ka ghotilo nabotho phei mae igre ginauna snakre lao ghau iara ka khamedi nogu naoka iara re.”

Nonomho Te Keli Teke Risoi Mae Mak 14:18

Kate ima teu mare na, mae Jisas ne cheke eghu ka mare, “Tutuani fara, te chekeni iara ka ghotilo na. Kaisei mae ka ghotilo mae te ima teu balugu iara gognaro igre ginauna snakre lao ghau iara ka khamedi nogu mae naoka iara re.”

Luku 22:21

Mae Jisas jaola ne cheke eghu, “Kaisei mae ka ghotilo ginauna majora ghau iara. Mana gnokrou ngala agne balugu iara.

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Jone 13:21

Ke leghugna te chekeni igne, mae Jisas diꞌanagnafa gna fara ne funu cheke eghu ka mare, “Tutuani fara te chekeni iara ka ghotilo na. Kaisei mae ka ghotilo ginauna majora ghau iara.”