Jone 13:17 - Buka Blahi Ka Cheke Holo

¹⁷ Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.

Jone 13:17 ပူးပေါင်းရင်းမြစ်များ

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Jemes 4:17

Eghume mae ihei laseni teu ngala unha te keli na nu theome eni teuna, mae tuana loku jafra ke ulugna God.

Jemes 1:25

Nu naikno te thofno gleale'a na ngala mae ihei te famane fifilo fakeli nei leghuni koba teu chekegna God na. Eghuteuna chekegna God te thofno keli tuana ngala tangomana te hata fadelei nakhibo na te mala snagla naiknore. Uve, mana fanomho fakeli nu mana theome ghatho ihodi unha te nomhidi mana re. Mae igne ngala te thofno gleale'a na.

Profet Esikiel 36:27

Iara ginauna lisa soru Tharunga te Blahi na ka ghotilo, eghuteuna iara ginauna togho ghami ghotilo mala leghudi nogu vetula iara ra, eghuteuna tajidi nogu cheke iara teke tusu ari ka ghotilora.

Eksodas 40:16

Eghuteuna Moses ne edi gobigna lepo igre thofno leghuni unha teke cheke ni Lord ka Moses.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Matiu 12:50

Ihei te eni unha te magnahagheni mae Kmagu iara te au kligna na thofno thabusigu nei greghagu nei idogu eghu iara.”

Jenesis 6:22

Aonu mae Noa ne edi glepo igre thofno leghuni ngala unha teke chekeni God na.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Proveb 29:18

Jame te theome leghuni naiknore chekegna Lord na, mare ginauna edi thua nafnata puhi te theome doglo. Nu jame te leghuni nogna vetula Lord na, naiknore ginauna glealeꞌa fara.

Profet Jeremaea 11:6

Aonu Lord ne cheke eghu ka iara, “Iagho tei ka namono biꞌo te au jare Juda nei heva heva Jerusalem mala toutonuni nogu cheke iara igne ka naiknore. Fanomho mei ka cheke te au ke lamnagna u nhaꞌa cheke teke eni iara balumi ghotilo igne, nei leghudi gobigna lepo te chekedi ka nhaꞌa cheke igne eghu!

Letas Teke Riso Tei Mae Pol Ka Khiloau Rom 2:13

Iheire te fiti fanomho kolho ka vetula na, mare theome doglo ke ulugna God, nu iheire te leghuni unha te chekeni ka vetula na, God ginauna fadoglodi ke ulugna.