Jone 12:6 - Buka Blahi Ka Cheke Holo

⁶ Nu mae Judas chekeni igne naugna mana kaisei mae mala blau kolho. Mana theome kokhonidi naikno te kumare. Theo, naugna mana ngala kaisei mae te mala reireghi gna gloi sileni hatimare mae fanomhore, eghuteuna mana blau sileni keha fata ka gloi sileni na.

Jone 12:6 ပူးပေါင်းရင်းမြစ်များ

Jone 13:29

Mae Judas gne mae ihei te reireghi gna gloi sileni mare na. Eghume keha mae fanomhore te ghathoi na mae Jisas gne jame chekeni mana mala atha fajifla keha sileni mala tei foli gano malagna gaghamu na. Ba mae Jisas gne magnahagheni mae Judas mala tufa ka nodi sileni naikno te kumare.

Jemes 2:6

Nu ghotilo ne filo faparidi iheire te kumare. Mae iheire igre te edi puhi diꞌa ka ghotilo, te hata ghami ghotilo ka fate na? Naikno te kuma gre? Theo! Naikno te dedei gre!

Jemes 2:2

Jame phei mae mei tarai balumi ghotilo, keha na mae dedei nei keha na mae kuma. Ghotilo na filo glanidi phei mae igre, naugna mae dedei gne mana pipichi pohe te keli, eghuteuna mae te kuma gne mana pipichi pohe te thona. Ghotilo na ghatho tahuni mae te dedei gne na cheke eghu ka mana, “Mae funei, mei gnokro ka sape nafnakno igne.” Nu ghotilo na cheke eghu ka mae te kuma na, “Sei, iagho kegrau jare, ba iagho gnokro pari rhegna ghahegu iara gne.”

Ululahu Tesalonika 5:22

Tafradi gobigna lepo te diꞌa.

Galesia 2:10

Nu mare tore ghami ngala ghepa mala ghathodi naikno te kuma te au Jerusalem, eghuteuna igne kaisei gloku te magnahaghei eni fara iara na.

Jone 10:13

Mana na rikha kokodi sipure, naugna mana mae gloku kolho. Nu mana theome thofno nangadi u sipure.

Matiu 21:13

Mana ne cheke eghu ka mare, “Ka grioriso te blahi ia, God ne cheke eghu, ‘Sugagu iara na suga mala tarai.’ Nu ghotilo ke eni suga igne mala porudi mae iheire te lase blau!”

Profet Esikiel 33:31

Leuleghu fata na nogu naikno iara re tangomana te khapru mei mala fanomho ka nou cheke iagho re. Nu mare theome edi kolho unha te chekedi iagho ka mare re. Foflodi re fodu ka cheke te diꞌa, eghuteuna mare ghathodi kolho puhi te mala chaghidi naiknore te mala hata sileni na.

Proveb 29:7

Naikno te doglo na nangani fara nakarhagna naikno te kuma na, nu naikno te diꞌa na theome laseni puhi te mala toghodi nafnata naikno igre.

Nodi Khoje Hatimare Mae Jiu 14:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Luku 8:3

Eghuteuna kehana Joana, khetogna mae Kusa, mae biꞌo te mala reireghidi nogna glepo mae King Herod Antipas. Kehana Susana baludi kmana gaꞌase langau eghu. Eghuteuna gaꞌase igre tangomana te toghodi mae Jisas nei hatimare nogna mae fanomhore ka nodi glepo thedire.

Jone 12:5

“Tore! Sedi igne jame neke fofoli mala hata sileni te naba folini mae gloku kaisei finogha. Nu sileni igne mala tufa nodi naikno te kumare.”