Jone 12:50 - Buka Blahi Ka Cheke Holo

⁵⁰ Eghuteuna te laseni iara na karha fei tifa na mei ka unha te chekedi mae Mama igre. Eghume unha mala chekedi iara ka ghotilo teku mae Mama re te chekedi iara igre.”

Jone 12:50 ပူးပေါင်းရင်းမြစ်များ

Jone 17:3

Eghuteuna karha fei tifa igne gaoghathogna na naiknore mala lase nigho, iagho kaisei God ngala te tutuani, eghuteuna naiknore mala lase ghau la iara mae Thumu Jisas Kraes, mae teke kuru mei iagho kau nauthoglu igne.

Jone 6:68

Mae Simon Pita ne cheke eghu ka mana, “Lord, ghehati theo kaisei mae te mala leghuni na kaisei iagho ngala. Eghuteuna u chekemu iagho re ngala te mala athini ghehati u karha fei tifa na.

Jone 6:63

U thini na theome tangomana tusu lao u karha ka naikno na. Mae Tharunga te Blahi ngala tangomana te tusu lao u karha ka naikno na. Eghume, chekegu iara gre ngala te mala athini ghotilo u Tharunga te Blahi na, mae ihei nate tusu mei u karha na.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Ululahu Jone 2:25

Eghuteuna igne unha teke nhaꞌa chekeni thegna mae Kraes te mala tusu ranghi ghita tahati na, eigna u karha fei tifa.

Ululahu Timoti 1:16

Nu naugna igne God neke kokhoni ghau iara tulao mala tangomana mae Jisas Kraes te fatakle nogna namha biꞌo ranghi ghau iara na. Igne mala toghodi naiknore mala fatutuani ni mana thogheiro, nei mala athini u karha fei tifa na.

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Diutronomi 18:18

Uve, iara ginauna kuru mei kaisei mae profet jateula iagho eghu, eghuteuna mana ginauna kaisei mae kheradi thedi. Iara ginauna cheke lao ka mana nogu chekere, eghuteuna mana ginauna cheke ka naiknore gobigna lepo teke chekedi iara ka mana ra.

Jone 5:19

Mae Jisas ne cheke eghu ka mae biꞌodi mae Jiure, “Tutuani fara te chekeni iara ka ghotilo na. Iara mae Thugna God na, theome tangomana te eni kaisei glepo leghuni u gaoghathogu thegu na. Iara edi kolho unha glepo teke filodi thegu te edi mae Mama re. Eghuteuna unha te edi mae Mama re tuare ngala te edi la iara re.

Jone 8:28

Mae Jisas ne cheke eghu ka mare, “Gognaro ghotilo na theome lasedi nogu cheke iara gre ghilei nhaꞌa haghe ghau iara ghotilo mae teke mei funu ka God gne kau gaju fafatha na. Kau narane tuana ame laseni nga ghotilo te theome eni iara kaisei glepo leghuni nogu gaoghatho thegu na. Nu unha mae Kmada teke farirhiu ghau iara re ngala te farirhiudi iara ka ghotilo re.