Jone 12:5 - Buka Blahi Ka Cheke Holo

⁵ “Tore! Sedi igne jame neke fofoli mala hata sileni te naba folini mae gloku kaisei finogha. Nu sileni igne mala tufa nodi naikno te kumare.”

Jone 12:5 ပူးပေါင်းရင်းမြစ်များ

Luku 18:22

Kate nomhini igne mae Jisas ne cheke eghu ka mana, “Nu kaisei glepo na iagho theome eni ngau. Iagho tei fofoli fateo nou gobigna lepo are mala hata sileni tufa ka naikno te kumare. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na eghu.”

Luku 12:33

Eghume ghotilo fofoli nomi glepore mala hata sileni mala tusu lao ka naikno te kumare. Ghotilo hata thofno gloi sileni te theome tangomana te thona nei breku teu igne. Ghotilo mala salo fodu nomi dedei gna kligna te theo ka gnafa gna, nu au fabrahu. Eghuteuna kligna na theo kaisei mae te mala blau te tangomana te tei thokeni ba theo kaisei khokorosi nate ghamu fadiꞌani na.

Jone 6:7

Mae Filip ne cheke eghu ka mana, “Tahati jame kafe loku kaisei nhigra te mala foli naba gano te mala katha vido kaisei naikno teuna!”

Luku 6:41

“Naugna unha sagho te au gaoghathomu ka nakhibo ikoi te eni mae kheramu fofodu na, eghuteuna theome filo glani nakhibo biꞌo au teu ka themu ana ia?

Matiu 20:2

Mana magnahaghei folidi nogna mae glokure kaisei sileni te gijadi mare kaisei narane. Aonu mana kuru teidi mare mala loku ka nogna nagare na.

Profet Emos 8:5

Leuleghu fata na ghotilo cheke eghu, “Niha nau gnafa nga Narane gaghamu biꞌogna Khafa gnea, mala sabiri tahati noda wit gre? Te keli na narane Sabat gne jame nabagna na ghosei gnafa, mala tangomana tahati te sabiri noda gobigna lepo gre. Eghuteuna tahati ginauna tugha haghe noda praes na eghuteuna tahati famamhaku skel gre mala chaghidi iheire te foli ka tahati gre.

Eksodas 5:17

Nu king na ne cheke eghu ka mare, “Ghotilo naikno thodo! Ghotilo thodo loku kolho! Naugna igne te mei tore eghu ghotilo ka iara gne, ‘Iagho snakre ghami ghehati mala tei fafara ka Lord.’

Eksodas 5:8

Eghuteuna ghotilo cheke faheta ka mare, eigna mare mala edi jateula naba te sughu edi thedi mare tifa ra eghu. Mare theome mala kmoꞌe ka naba brik! Naiknore igre thodo fara! Naugna igne te mei tanhi mare ka iara igne, ‘Snakre ghami ghehati mala tei fafara ka nomi God.’

Matiu 18:28

“Nu kate jifla te tei na, mana ne ludeni kaisei mae kheragna gloku teke kaoni ka mana keha gobi dola. Mana ne lao sarakini mae kheragna tuana ne loku ka graragna na ne cheke faheta eghu, ‘Ke tughu fapulo ka iara unha teke kaoni iagho ka iara ra!’

Jone 12:4

Mae Judas Iskariot gne, kaisei mae ka hatimare mae fanomho gre au la jare. Mana kaisei mae nate majorani mae Jisas. Aonu mae Judas ne cheke eghu,

Jone 12:6

Nu mae Judas chekeni igne naugna mana kaisei mae mala blau kolho. Mana theome kokhonidi naikno te kumare. Theo, naugna mana ngala kaisei mae te mala reireghi gna gloi sileni hatimare mae fanomhore, eghuteuna mana blau sileni keha fata ka gloi sileni na.

Jone 13:29

Mae Judas gne mae ihei te reireghi gna gloi sileni mare na. Eghume keha mae fanomhore te ghathoi na mae Jisas gne jame chekeni mana mala atha fajifla keha sileni mala tei foli gano malagna gaghamu na. Ba mae Jisas gne magnahagheni mae Judas mala tufa ka nodi sileni naikno te kumare.

Esra 4:14

Naugna ghehati gne nou mae gloku iagho mala fariuriu te mala ari te keligna kantri te funei fruni iagho igne, eghume theome doglo kaisei glepo te goigoni nigho iagho na. Eghume, ghehati rioriso ari letas igne ka iagho,