Jone 12:40 - Buka Blahi Ka Cheke Holo

⁴⁰ “God neke fadodofu tathadire nei famamhaku nagnafadire. Naugna igne gognaro na tathadire la dofuhi nei nagnafadire la ihohi. Naugna igne mare ginauna theome ke pulo mei ka iara mala fakarhidi.”

Jone 12:40 ပူးပေါင်းရင်းမြစ်များ

Profet Isaia 6:10

Isaia! Nou cheke iagho igre mare ginauna theome lase fakelidi, eghuteuna na theome nomhi fakeli, eghuteuna na jaola theome laseni kaisei glepo. Ka puhi igne, mare ginauna theome tangomana na teke pulo mei ka iara te mala fakarhidi re.”

Luku 8:10

Mae Jisas ne cheke eghu ka mare, “God neke tusu ari ka ghotilo kolho glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho. Kate eni iara igne ne horoghoto fara ka unha teke chekeni mae profet Isaia tifa ia, “ ‘Neubane hiro mare, mare na theome tangomana te filo glanini. Eghuteuna neubane fanomho mare, mare ginauna na theome tangomana te nomhi fakelini.’ ”

Nonomho Te Keli Teke Risoi Mae Mak 4:12

Kate eni iara igne, ne horoghoto ka unha teke chekeni mae profet Isaia tifa ia, “ ‘Neubane hiro ne hiro mare, nu mare ginauna theome laseni kolho. Neubane fanomho ne fanomho mare, nu mare ginauna theome nomhi fakelini kolho. Eghume mare theome koko puhi te diꞌare eghuteuna naugna igne God theome hata fadelei nakhibodire.’ ”

Profet Isaia 29:10

Lord neke edi tathami ghotilo re mala kukape, eghuteuna au jateula mae te thuru iho fara ra eghu. Eghuteuna Lord jaola fadodofu tathadi mae profet igre mala theome tangomana mare te filoni kaisei glepo te keli nei theome togho ghami ghotilo te mala tei ka nabrou te doglo na.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Jone 9:39

Mae Jisas ne cheke eghu, “Iara mei ka nauthoglu igne mala fatakle nakhibodi naiknore. Nu tathadi naikno teke dofure ke fifilo, eghuteuna naikno ne fifilohi thedi teure nake dofu.”

Luku 4:18

“Tharunga gna God na au balugu iara. Naugna mana neke vahi ghau iara mala toutonuni Nonomho te Keli gne ka naikno te kumare. God neke kuru ghau iara mala toutonu ka naikno te au sosolo ka nakhibodire mala snagla mare, nei naikno teke dofure mala ke fifilo fapulo. Eghuteuna iheire te au papara ke paridi nodi nolaghi keha mae re ginauna mala ke au ka pharikeli.

Profet Hosia 14:4

Lord ne cheke eghu, “Diꞌatagu iara ka naiknodi Israel ra la gnafahi. Eghuteuna gognarona iara kela namhadi nogu naiknore ka nagnafagu na. Neuba mare ne edi puhi te diꞌare, iara ginauna nake keli ranghidi.

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Profet Esikiel 12:2

“Maegna ka nauthoglu. Iagho au farihoteidi naikno te theome magnahaghei ghau iara gre. Mare au tatha, nu tirodi kolho te fifilo na. Mare au khuli, nu mare tirodi fanomho, naugna mare theome magnahaghei ghau iara.

Profet Jeremaea 3:22

Lord ne cheke eghu, “Ghotilo naikno te maku jateula thina teu phaꞌumire igre, ghotilo ke pulo mei ka iara! Eghuteuna iara ginauna na fadoglidi puhimi ghotilore mala ke au fakeli balugu iara.” Eghuteuna naiknore ne cheke eghu, “Uve, ghehati gognarona nake pulo mei ka iagho, naugna iagho Lord, nomi God ghehati!

Nodi Khoje Hatimare Mae Jiu 147:3

Iheire teke au diꞌanagnafa ra kela glealeꞌa fapulo, eghuteuna iheire teke kabru ra kela gaota fapulo.

Nodi Khoje Hatimare Mae Jiu 41:4

Nu kate fogra ghau na, iara cheke eghu, “Lord, iara eꞌei nakhibo biꞌo ranghi nigho iagho, kokhoni ghau iara, ke fakarha fapulo ghau.”

Nodi Khoje Hatimare Mae Jiu 6:2

Lord, iara gne la glaꞌe fara hi, eigna nogu nanhetare la gnafahi. Kokhoni ghau fara, ke faheta fapulo ghau.

Josua 11:20

Lord thegna neke huhurudi mare mala magra mare ka mae Israel gre, eghume mae Israel theome kokhonidi mae igre. Thono theo fara. Eigna mae Israel gre mare leghuni cheke teke tusu lao thegna Lord ka mae Moses tifa igne ne falehedi ne gnafa vike igre.

Diutronomi 29:4

Nu mei te posa gognarogne, Lord theome tothora gaoghathomi ghotilo re mala lasedi ghotilo glepo teke edi mana re. Mana neke theome tothora tathami ghotilo re mala filo glanidi ghotilo glepo igre, eghuteuna mana jaola neke theome tothora khulimi ghotilo re mala nomhi glanidi ghotilo glepo tuare.

Letas Teke Riso Tei Mae Pol Ka Khiloau Rom 9:18

Eghume te laseni tahati na, kate magnahaghei kokhonini God ihei na, God ginauna kokhonini mana, eghuteuna kate magnahaghei fameglini God ihei na, God ginauna jaola fameglini mana.

Mae Khuru 28:26

“ ‘Tei ka naikno igre mala cheke eghu: “Neubane fanomho ne fanomho ghotilo, ghotilo ginauna na theome raꞌe nomhi fakelini kolho kaisei glepo. Eghuteuna neubane filo ne filo ghotilo, ghotilo ginauna na theome raꞌe filo fakelini kolho kaisei glepo.”

Matiu 15:14

Eghume thosei ghatho tahudi ghotilo mae Farasi gre. Mare mala batudi mae te iho gre, eghuteuna mare thedi na jateula mae dofu eghu. Laseniu ngala ghotilo cheke igne, naikno te dofu nu ke batuni keha naikno te dofu la teuna, phiamare ginauna na kafe tei snoꞌo ka khora.”

Profet Esikiel 14:9

“ ‘Jame kaisei mae chaghini kaisei mae profet, eghuteuna mae profet igne tusu lao kaisei cheke tughu chaichaghi, mana ginauna jateula iara Lord te chaghini na eghu. Eghuteuna iara ginauna roꞌeni mana ka nogu naiknore.

Profet Jeremaea 5:21

Ghotilo fanomho fakeli ka nogu cheke iara igne! Ghotilo iheire te fameomekro nei theome laseni kaisei glepo teura. Ghotilo iheire te filo, nu theome filo glani kaisei glepo teura. Ghotilo iheire te fanomho, nu theome nomhi fakelini kaisei glepo teura.

Mae Khuru 15:3

Mae ka khiloau re ne toghodi kate jifladi ka nabrou na. Mare tei ne sala'u ka phei Provins Fonisia nei Samaria, ne toutonu jare eidi iheire te theome Jiu tela fatutuani nihi mae Jisas. Naikno khiloau ka phei provins igre ne gleale'a fara kate nomhini igne.

Nonomho Te Keli Teke Risoi Mae Mak 6:52

Mare theome laseniu ngala gaoghathogna kofubobhoi teke eni mana ka glima bret ra. Naugna nagnafadi mare re romno fara.

Profet Isaia 53:5

Nu theo eghu, mare neke faleheni mana eidi nakhiboda tahati re, eghuteuna mare parani mana eidi puhida tahati te diꞌa gre. Mana kabru ka naꞌau papara igne, naugna igne tahati au ka pharikeli. Eghuteuna ka nafneragna mana igre, tahati ke keli fapulo.

Profet Isaia 26:11

LORD! Iagho ghae haghehi khamemu na paradi mare, nu mare theome tangomana kolho te filo glani na. Falase ranghidi sagho puhimu iagho te ghatho tahudi nou naiknore igne, mala mamaja nodi naikno te leghudi puhi te diꞌa igre. Eghuteuna iagho mala gahudi ka khaꞌaghi teke kulu tarabanahi iagho maladi nou naoka re teku ia.

Eksodas 14:17

Eghuteuna iara ginau na famamhaku nagnafadi mae Ijep are mala ari mare ke leghumi ghotilo. Iara ginau tapla soruni mae king gna Ijep ana baludi nogna mae soldia te gnokro ka chariot, nei hose nei iheire te nonolo kolho pari teu are. Eghuteuna naikno te filoni unha te eni iara igne na, mare ginau na fafnaknoni nanghagu iara na. Mae Ijep gre ginau na laseni te kaisei Iara gne ngala Lord na!”

Eksodas 14:8

Lord ne famamhaku nagnafagna mae king na mala tei mare ke leghudi mae Israel gre. Neuba, hatimare mae Israel tirodi mhaghu kolho, nu mare ne gleale'a ne tei nodi kolho.

Eksodas 14:4

Iara ginauna nake famamhakui nagnafagna mae king na, eghuteuna mana ginau na ngolhi ghami ghotilo mala fariuriu athi ghami. Nu naugna ka unha te eni iara ranghini mana nei nogna mae soldia mana re teu na, naiknore ginau na ghatho tahu ghau iara. Eghuteuna naiknodi Ijep re ginau na laseni te iara ngala Lord na.” Aonu kate nomhini chekegna Lord igne na, naiknodi Israel neke pulo neke horo nodi suga tapuale ka vido aheva teke cheke ranghidi mana na.

Eksodas 7:13

Mae king filoni igne ne famamhaku u nagnafa gna na jateula teke chekeni Lord ia neu ne tirogna fanomho ka mae Moses ghe mae Eron.

Eksodas 7:3

Neuba iara ginauna edi kmana kofubobhoi biꞌo agne Ijep mala filo mana, iara ginauna eni king igne mala patugama, nei theome fanomho eghu ka gho.

Eksodas 4:21

Lord ne cheke eghu ka mana, “Kate figri teke posa iagho Ijep na, iagho mala kegra ke ulugna king mala edi kofubobhoi te gnafa teke tusu ari nolaghi iara mala edi iagho tekura. Nu iara ginauna farerheta nagnafagna king na, eghuteuna mana ginauna theome snakre ghami ghotilo te jifla te tei na.

Ululahu Kings 22:20

Eghuteuna Lord ne ghusna eghu ka mare, ‘Ihei nate tei chaghini King Ehab te mala tei te magra Ramot-Gilead te mala lehe jare na?’ “Eghuteuna engel igre ne chekedi keha soasopai gaoghatho.

Eksodas 9:12

Nu Lord ne famamhaku nagnafagna mae king na ne tirogna fanomho ka nodi cheke mae Moses ghe mae Eron re, jateula teke chekenihi thegna Lord ia neu.

Eksodas 10:1

Ke leghugna igne, Lord neke cheke eghu ka mae Moses, “Moses, iagho ke pulo mala ke tei filoni king gna Ijep. Eigna iara neke famamhaku nagnafagna king na nei nagnafadi hatimare nogna mae funei mana re eghu, mala tangomana iara te eꞌei kofubobhoi igne ke uludi mare.

Eksodas 11:10

Mae Moses ghe mae Eron ne edi kmana kofubobhoi ke ulugna mae king, nu Lord ne famamhaku nagnafagna mae king na. Eghuteuna mae king ne tirogna snakredi naiknodi Israel re te jifla ka nogna kantri na.

Profet Isaia 6:9

Mana ne cheke eghu ka iara, “Iagho tei ka nogu naikno iara ra mala cheke eghu ka mare: “ ‘Ghotilo ginauna nomhini chekegu iara na, nu ghotilo ginauna theome lasedi kolho gaoghathodi glepo igre. Ghotilo ginauna filodi unha te edi iara igre, nu ghotilo ginauna theome filo glani kolho kaisei glepo!’

Jone 12:39

Tutuani fara, naiknore tirodi fatutuani ni mae Jisas, naugna mae Isaia neke chekeni la igne tifa,