Jone 12:38 - Buka Blahi Ka Cheke Holo

³⁸ Igne ne horoghoto fara ka nogna cheke mae profet Isaia teke cheke eghu tifa ia, “Lord, iheire nate fatutuanidi nomi cheke ghehati gre? Ka iheire Lord teke fakakhana nogna nolaghi na?”

Jone 12:38 ပူးပေါင်းရင်းမြစ်များ

Profet Isaia 53:1

Naiknore ne cheke eghu, “Ihei gne nate fatutuanini nomi cheke ghehati na? Ihei gne nate filo glani nogna nolaghi Lord na?

Letas Teke Riso Tei Mae Pol Ka Khiloau Rom 10:16

Nu theome naikno te gnafa Israel gre te magnahaghei nomhini u Nonomho te Keli igne. Jateula teke chekeni mae profet Isaia tifa ka grioriso te blahi ia, “Lord, kehaghu kolho te fatutuanidi unha te chekedi ghehati gre.”

Letas Teke Riso Tei Mae Pol Ka Khiloau Rom 10:20

Mae Isaia frane fara neke cheke eghu chekegna God na, “Iheire teke theome hiro ghau iara re mare nake filo deni ghau iara. Iara neke falalase ghau thegu ka iheire te theome ghusna ghau iara te mala toghodire.”

Ululahu Korin 1:24

Nu tahati naikno teke kilo ghita God ra, neubane mae Jiu ba theome Jiu, tahati laseni u thoutonu eigna Kraes igne, falalase ranghi ghita God te nolaghi nei lalase fara.

Galesia 1:16

toutonu iara u Nonomho te Keli eigna mae Thugna God ka naikno te theome Jiure. Tutuani fara God ne falalase ka iara mae thofno Thugna na. Kate kilo ghau God na, iara neke theome hata farirhiu ba thotogho ka mae ihei.

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Fapea Kronikols 32:20

Aonu King Hesekaea ghe Profet Isaia thugna Amoj, phiamare tarai ka God ne eha fabiꞌo haghe kligna mala toghodi.

Jone 19:24

Mae soldiare ne cheke eghu fari thedi, “Tahati jame neke theome tufa phoko igne. Nu tahati jame neke lalahu khale mala laseni mae ihei nate atha na.” Cheke igre ne horoghoto kau gaoghathogna unha teke risoni kaisei mae profet tifa, “Mare ne tufa nogu pohe iara na farihoteidi thedi nei lalahu khale nogu phoko iara na.” Eghume, hatimare mae soldiare neke eni igne.

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Jone 15:25

Igne horoghoto ka unha teke risoni ka vetula na eigna mae Kraes, ‘Mare theome magnahaghei ghau iara kate theo nafugna.’

Matiu 15:7

Ghotilo mae chaichaghi fara! Unha teke chekeni God ka mae profet Isaia eimi ghotilo tifa ia thono tutuani fara.

Profet Isaia 51:9

Lord, dofra sagho mala mei balu nou nolaghi biꞌo mala togho ghami ghehati, jateula teke eni iagho tifa ia eghu. Iagho neke vuri kusi mogo biꞌo Rehab te au ke lamna nhorora igne.

Profet Isaia 51:5

Nogu narane iara te mala toghodi nei atha fapulodi teu naiknore la namo meihi. Ka nogu nolaghi biꞌo, iara ginauna funei frunidi keha kantri are ka puhi te doglo. Naiknodi keha kantri igre ginauna fatutuani ghau iara, eghuteuna ofo ghau iara mala toghodi.

Matiu 27:35

Aonu ke leghugna te tupijuruni mae Jisas ka gaju fafatha na, mae soldia re ne tufa nogna pohe mana re fari hoteidi thedi, kate lalahu khale na.

Jone 12:37

Neubane edi mana kmana kofubobhoi ke uludi mae Jiu, mare theome fatutuani ni ngala mana ne mae Kraes teuna.

Jone 12:39

Tutuani fara, naiknore tirodi fatutuani ni mae Jisas, naugna mae Isaia neke chekeni la igne tifa,