Jone 12:32 - Buka Blahi Ka Cheke Holo

³² Ka narane nate tupijuru ghau iara mare ke kligna gaju fafatha na, iara na salo fodu mei naiknore ka thegu.”

Jone 12:32 ပူးပေါင်းရင်းမြစ်များ

Jone 8:28

Mae Jisas ne cheke eghu ka mare, “Gognaro ghotilo na theome lasedi nogu cheke iara gre ghilei nhaꞌa haghe ghau iara ghotilo mae teke mei funu ka God gne kau gaju fafatha na. Kau narane tuana ame laseni nga ghotilo te theome eni iara kaisei glepo leghuni nogu gaoghatho thegu na. Nu unha mae Kmada teke farirhiu ghau iara re ngala te farirhiudi iara ka ghotilo re.

Jone 3:14

Mae Moses neke lilisei haghe ka gaju na u thotoghale gna mogo na ka namono nagou na tifa. Eghume mare ginauna jateula tuana eghu na tupijuru ghau iara mae teke mei funu ka God na kau gaju fafatha.

Ululahu Pita 2:24

Kate haghe te mala lehe ka gaju fafatha na, mae Kraes neke pala nakhibodare ka thinigna na. Mana neke eni igne mala tangomana tahati te lilisei ke leghuda puhigna nakhibo na nei tangomana leghuni u puhi te doglo ke ulugna God. Naugna ka nafneragna mana na, mana neke fakeli fapulo ghita.

Jone 6:44

Theo kaisei naikno tangomana te mei ka iara na ghilei batu meini mae Mama mae teke kuru mei ghau iara na. Eghuteuna mae ihei te mei ka iara na, iara ginauna fakarha fapuloni mana kau narane leghu lahu na.

Ululahu Jone 2:2

Mae Jisas ngala u fafara te mala hata fadeleidi nakhibodare, theome malada tahati kolho, nu jaola maladi naikno te gnafa ka nauthoglu gne.

Ululahu Timoti 2:6

Mana snakreni thegna mala lehe mala tangomana te foli fajifladi naikno fateote'o ka nogna nolaghi nakhibo. Mae Jisas ngala kaisei fagaglana God te magnahaghei fakarhidi naikno te gnafare. Eghuteuna fagaglana tuana mei ka thofno nogna narane na.

Hibru 2:9

Nu tahati filoni mae Jisas! God neke nhaꞌa soruni mana katha vido ikoi ke paridi mae engel re. Nu gognaro na tahati filoni nafnakno nei siasigla ka mana mala tithini mae King naugna mana neke au papara nei lehe tughu ghita gnafa. God neke snakreni igne naugna mana ne namha ghita gnafa.

Galesia 3:13

Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”

Jone 1:7

Mana neke mei neke toutonu ka naiknore eigna naphae tuana, mala tangomana naikno te kafe nomhini mana re fatutuani ni naphae na.

Profet Hosia 11:4

Iara neke edi gobigna lepore ranghidi jateula kaisei thugu thegu te thofno namhani fara ra neku neke fakarhidi nei faꞌimadi neku.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Ululahu Pita 3:18

Naugna mae Kraes te doglo fara ka tathagna God na neke lehe tughudi naikno te diꞌare kaisei fata ngala. Kate au papara na, mana neke hata fadelei ne hui nakhibomi ghotilo re, eghuteuna ke batu fapulo ghami ka God. Tutuani fara, kate au nga teu mana ka nauthoglu gne, naiknore neke faleheni mana, nu God neke fakarha fapuloni mana ka nogna nolaghi mae Tharunga te Blahi.

Jone 19:17

Jisas pala nogna gaju fafatha thegna na ne jifla ka namono biꞌo na ne tei ka thogele te kiloi “Khorongosa”, ka cheke Hibru na “Golgota”.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Jone 12:34

Naiknore ne cheke eghu ka mana, “Tore! Na lehe sagho ia ghema? Ghehati te laseni ka vetula na mae Kraes na mala theome lehe sia, nu mana mala karha fabrahu! Naugna unha site chekeni iagho mae teke mei funugna ka God na na lehe teu gnea? Mae ihei si ‘Mae teke mei funugna ka God’ gnea?”

Famane Khoje 1:4

Iagho jateula nogu king eghu iara. Iagho atha ghau iara! Tapa faghose tei mala au lamna nou chogho iagho. Tapa ginauna thofno glealeꞌa fara, naugna iara thofno namha nigho eghuteuna iagho namha ghau iara fara salaꞌudi famane waen. Nabadi kolho goro gaꞌase gre te namha nigho na.

Fapea Samuel 18:9

Aonu mae Absalom saghe ne tei ka nogna dongki na. Mana tei ne thafodi keha nogna soldia mae Devet igre. Mana ne fariu riu rikha ka nogna dongki na ne tei parigna gaju biꞌo na. Nu khaklagna mae Absalom re ne firi ka grege gaju. Nu nogna dongki mana na ne rikha ne tei kokoni mana.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Jone 18:32

Igne ne horoghoto fara ka nogna cheke thegna mae Jisas teke kulu chekeni mana tifa eigna unha nafnata glehe nate lehe mana na.

Naba 21:9

Aonu mae Moses ne eni kaisei mogo bras, mana ne nhaꞌa haghe ka khegra na ne fakegra haghe. Aonu naikno teke kathidi mogo phanaga re, mare ne filo haghe ka mogo bras igne neke keli fapulo nodi.