Jone 12:30 - Buka Blahi Ka Cheke Holo

³⁰ Eghuteuna mae Jisas ne cheke eghu ka mare, “Cheke te cheke mae Mama te nomhini ghotilo igne theome malagu iara kolho, nu mala togho ghami ghotilo.

Jone 12:30 ပူးပေါင်းရင်းမြစ်များ

Jone 11:42

Iara lase nigho te nomhini koba nogu tharai iara na. Nu iara chekedi glepo igre ka iagho eidi naikno te kegra faligoho ghau teu iara igre. Iara magnahaghedi mare te fatutuani nigho iagho mae teke kuru mei ghau iara na.”

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Jone 11:15

Eghuteuna te mala kelimi ghotilo na, iara gleale'a fara te theome au jare na mala fatutuani ghau iara ghotilo. Tahati na ari mala filoni mana.”

Jone 5:34

Iara theome lelheghu ka naiknogna nauthoglu gne te mala chekedi unha te edi iara re tutuani fara teuna. Nu iara chekeni ka ghotilo igne mala fatutuani ghotilo mala athani u karha fei tifa na.

Jone 12:31

Gognarona God ginauna kafe fatedi naikno te theome fatutuani ghau iara. Eghuteuna gognaro mana na kulu hata fadelei nogna nolaghi mae Satan, mae ihei te baubatu fadiꞌadi naikno te au ka nauthoglu igne.