Jone 12:29 - Buka Blahi Ka Cheke Holo

²⁹ Naikno te kegra teu jare re ne kafe nomhini naogla tuana. Aonu mare gaoghathodi na ne kaisei fila ne taitanhi neu nodini, eghuteuna keha naiknore ne cheke mei neu kaisei engel ka mana eghu gaoghathodi na.

Jone 12:29 ပူးပေါင်းရင်းမြစ်များ

Thakle 14:2

Eghuteuna iara ne nomhini kaisei naogla gna kligna. U naogla igne jateula te oa'ongha galo ka thongna ba poha fila ka maloa eghu. Naogla te nomhini iara igne jateula naikno kmana te lalahu ka gitara eghu.

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Thakle 8:5

Aonu engel na ne hata tapera insens na ne fafodu khaꞌaghi ka olta na ne koko soru ka nauthoglu na. Ka vido tuana nakafli nei fila nei nakheu biꞌo.

Thakle 6:1

Kate filo teu iara na, mae Lam na ne hata koko loke ulu lahu na ka fitu loke igre. Eghuteuna iara ne nomhini kaisei ka fati glepo te karha igre ne eha fabiꞌo jateula fila neu. Mana ne cheke eghu ka kaisei mae, “Mei sagho!”

Profet Esikiel 10:5

Eghuteuna naogla baghidi engel igre thono biꞌo fara, mala tangomana naiknore te nomhidi neubane kegra mei neu delei ka keha philegna glalaba biꞌogna Sugablahi na. Naogla igne thono biꞌo fara jateula naogla gna Lord mae ihei te au nolaghi fateote'o eghu kate cheke teu mana na.

Thoutonu Eigna Mae Job 40:9

Ba, iagho nheta jateula iara eghu? Iagho tangomana te cheke fabiꞌo jateula iara te naoglagu na te jateula fila teu igne?

Eksodas 20:18

Kate nomhini naiknore te poha fila nei taitanhi khufli nei filoni nakafli nei gagahu te haghe ka thogele na teuna, naiknore ne thono mhaghu nodi fara. Aonu naiknore ne theome lao namo ka thogele na ne khegra neu delei,

Eksodas 19:16

Hamerane ka fatilo narane na, mare ne filoni te phae nakafli biꞌo na, eghuteuna fila na ne poha, eghuteuna khoveo biꞌo ne toku tafru thogele igne. Eghuteuna naiknore jaola ne nomhini naoglagna khufli na mala laseni God te mei sighodi nogna naiknore. Eghuteuna iheire te gnafa teke au ka vido igne ne thofno mhaghu nodi fara ne fififri fara.

Mae Khuru 9:7

Mae teke tei balugna mae Sol re kegra neu jare, nu mare theome tangomana te chekeni kaisei glepo na. Hatimare nomhini cheke tuana, nu mare ne theome filoni kaisei mae.