Jone 12:27 - Buka Blahi Ka Cheke Holo

²⁷ Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Jone 12:27 ပူးပေါင်းရင်းမြစ်များ

Jone 12:23

Mae Jisas ne cheke eghu ka mare, “Narane na la thoke meihi te mala hata nolaghi biꞌo iara mae teke mei funu ka God na. Eghuteuna naiknore ginauna filo meini igne ka iara.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Jone 13:21

Ke leghugna te chekeni igne, mae Jisas diꞌanagnafa gna fara ne funu cheke eghu ka mare, “Tutuani fara te chekeni iara ka ghotilo na. Kaisei mae ka ghotilo ginauna majora ghau iara.”

Matiu 26:42

Mae Jisas jaola neke tei fapea fata na ne tarai. “Mama, keli fara te theome hata koko iagho ka iara glepo te kabru igne, iara na eni fahui unha te magnahagheni iagho na.”

Profet Isaia 38:15

Nu unha gne nate chekeni iara na? Lord la chekehi ka iara, eghuteuna mana edi glepo igre. Kate karha teuna, iara ginauna theome ghatho tahu ghau thegu, naugna iara haimini hoholo igne lamna ka nagnafagu na.

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Luku 22:44

Mae Jisas ne tarai faheta fara naugna mana ne diꞌanagnafa fara. Eghuteuna buibuhigna mana re ne jateu dadara neu, ne khoko soru ka glose na.

Jone 18:37

Mae Paelat ne cheke eghu ka mana, “Eghume, iagho mae King eghu?” Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”

Luku 22:53

Leuleghu narane na iara au balumi ghotilo fabrahu ke lamna Sugablahi, eghuteuna ghotilo theome mei loki ghau ngala iara. Nu igne ngala nomi narane ghotilo te mala loku ka nogna nolaghi Satan, mae ihei te funei frunini gromno na.”

Nodi Khoje Hatimare Mae Jiu 88:3

Kmana puhi fara te thoke ghau iara gne, iara la namo lehe gognaro na.

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Jone 11:41

Aonu, mare ne pili fadelei thina biꞌo tuana. Eghuteuna mae Jisas ne filo haghe kligna ne cheke eghu, “Mama, iara cheke fakeli nigho iagho, naugna iagho neke nomhi ghauhi iara.

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Nodi Khoje Hatimare Mae Jiu 6:3

Lord, thosei ofo me raugha, mei togho ghau. Eigna nakarhagu iara gne la thono diꞌa fara gognaro na!

Matiu 11:26

Uve, Mama, iagho eni igne, naugna igne unha te thofno magnahagheni iagho na.”

Matiu 26:45

Mae Jisas pulo mei ka thilo mae fanomhore ne cheke eghu, “Ghotilo thuru nomi, nei gnafa nomi eghu kolho sia? Filo si ghotilo, gognaro gne narane mala snakre lao ghau iara mare ka khamedi mae te diꞌare.