Jone 12:26 - Buka Blahi Ka Cheke Holo

²⁶ Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Jone 12:26 ပူးပေါင်းရင်းမြစ်များ

Galesia 1:10

Ghotilo laseni, iara gne theome fariuriu mala keli tadi naiknore ka iara. Theo! Iara fariuriu mala keli tagna God ka iara. Jame tutuani me cheke famaemahedi nei muamugnadi eghu iara naiknore na, iara theome tangomana te nogna gloku mae Kraes na.

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.

Letas Teke Riso Tei Mae Pol Ka Khiloau Rom 1:1

Iara mae Pol, kaisei nogna mae gloku Jisas Kraes. God neke kilo ghau iara mala nogna mae khuru nei mana neke vahi ghau iara mala toutonuni nogna Nonomho te Keli na.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Jone 10:27

Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Fapea Korin 5:8

Uve, tahati theome nanga noda. Tutuani, tahati magnahagheni fara te tei kokodi thini igre mala au balugna Lord.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Ululahu Jone 5:3

Namhani God, gaoghathogna na leghudi nogna vetula, eghuteuna nogna vetulare theome ninhigrana ranghi ghita.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.

Fapea Korin 4:5

Ghehati theome toutonu eimi themi, nu ghehati toutonu eigna mae Jisas Kraes na Lord. Eghuteuna ghehati nomi mae gloku ghotilo mala toutonu eigna mae Jisas.

Letas Teke Riso Tei Mae Pol Ka Khiloau Rom 14:18

Ihei te leghuni Kraes kate edi nafnata puhi igre na, God ginauna gleale'a ka mana eghuteuna naiknore ginauna jaola gleale'a ka mana.

Jone 15:20

Thosei ghatho ihoni cheke teke cheke eghu iara ka ghotilo tifeiro ia, ‘Mae gloku na theome tangomana te uluni nogna mae funei na.’ Te theome magnahaghei ghau iara mare na, naiknore ginau nake theome magnahaghei ghami la ghotilo. Te leghudi mare nogu cheke iara re, mare ginauna leghudi la nomi cheke ghotilo re.

Luku 6:46

“Naugna unha ne cheke eghu nga ghotilo ka iara, ‘Lord, Lord,’ nu ghotilo theome edi kolho unha te chekedi iara re?

Proveb 27:18

Te reireghi ni gaju te au sisigna na, iagho ginauna ghamu fuꞌa gna na. Te reireghini nogna funei na, iagho ginauna hata nafnakno biꞌo.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Filipae 1:23

Thono ninhigrana ranghi ghau iara te vavahi ka phei nabrou igre. Iara magnahagheni fara te jifla kokoni u nauthoglu igne mala au balugna mae Kraes, naugna tuana ngala glepo ulu te magnahagheni iara na.

Jone 14:3

Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Jone 13:16

Tutuani fara te chekeni iara ka ghotilo na. Mae gloku na theome tangomana te uluni nogna mae funei na. Eghuteuna jaola mae khuru na theome uluni mae ihei teke kuru meini mana na.

Luku 9:23

Mae Jisas ne cheke eghu ka mare gnafa, “Mae ihei te magnahaghei mei balugu iara na, mana thosei ghathoni thegna kolho, nu mana sasaꞌa mala lehe ka gaju fafatha, nei mala leghu ghau iara leghu narane.

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Naba 14:24

Nu mae Caleb nogu mae gloku iara te leghu ghau nei kaisei gaoghatho ngau thegna teuna ngala te ginau tathalei te tei iara ka vido teke kulu tei filo thegna na. Eghuteuna thugna mana re te ginau khotogna vido tuana.

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Jone 21:22

Mae Jisas ne cheke eghu ka mae Pita, “Uve, jame iara magnahagheni mana te karha teu teke ghilei pulo mei iara na, tuana theome glepo ulu ka iagho. Mei sagho leghu ghau iara!”

Jone 14:15

Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.

Nonomho Te Keli Teke Risoi Mae Mak 8:34

Ke leghugna igne mae Jisas ne kilodi naiknore baludi nogna mae fanomhore ne cheke eghu ka mare, “Mae ihei te magnahaghei mei ke leghugu iara na, mana thosei ghathoni kolho thegna, nu mana sasaꞌa leghu ghau iara mala lehe ka gaju fafatha.

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Naba 32:11

‘Naugna te theome ghatho tahu ghau iara ghotilo gne, mae iheire te funu ka varadaki finogha te haghe ba iheire teke jifla Ijep tekura ginauna theome tangomana tei thoke ka vido teke nhaꞌa cheke iara ka mae Ebraham, Aesak nei mae Jekob tifara!

Luku 12:37

Hatimare mae gloku re keli tadi fara kate ke pulo mei nodi mae funei na te filodi mare te kulu tarabana ofoni mana teu. Tutuani fara te chekeni iara ka ghotilo na, mana ginauna tabadi mare. Mana na pipichi nogna pohe na mala tarabana gano maladi mare, eghuteuna chekedi mare mala ima balugna.