Jone 12:19 - Buka Blahi Ka Cheke Holo

¹⁹ Mae Farasi gre ne filodi naikno te keli tadi ka mae Jisas te kafe khapru ka mana re. Aonu, mare ne nanga nodi fara ne cheke eghu fari thedi, “Filo si ghotilo, unha puhi te edi tahati igre ginauna theo nafudi kolho, naugna naikno te gnafare la kafe tei leghuni mana!”

Jone 12:19 ပူးပေါင်းရင်းမြစ်များ

Mae Khuru 17:6

Nu kate dofidi phiamare na, mare neke lokini kolho mae Jason nei keha naikno khiloau ne korhodi ne tei ke uludi goro mae biꞌogna namono na. Naiknore ne eha fabiꞌo ne cheke eghu, “Phei mae igre eꞌei puhi heva heva ka nauthoglu gne. Eghuteuna gognaro na phiamare la mei thoke ka noda namono tahati gne.

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Ululahu Jone 2:2

Mae Jisas ngala u fafara te mala hata fadeleidi nakhibodare, theome malada tahati kolho, nu jaola maladi naikno te gnafa ka nauthoglu gne.

Jone 17:21

Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.

Jone 3:26

Aonu mare ne mei ka mae Jone ne cheke eghu ka mana, “Mae velepuhi, laseni sagho kaisei mae teke au balumu ka keha phile Kho'u Jordan ia? Mae teke chekeni iagho ka naikno ra, gognarona mana la faꞌapublahi naikno, eghuteuna naiknore la kafe tei ka mana!”

Profet Isaia 27:6

Ka narane igne nate mei, Israel ginauna kotu jateula kaisei gaju te soru glathigna na ke lamna glose te keli, eghuteuna karha keligna me fufunu ure teura eghu. Eghuteuna nauthoglu igne ginauna fodu ka sisigna re.

Matiu 21:15

Hatimare mae pris ulu nei hatimare mae velepuhigna vetula nogna mae Moses ne diꞌa tadi fara ka mae Jisas. Naugna mare ne filodi gloku te nolaghi te edi mana re, nei nomhidi goro sua te thauthagru eghu ka glalabagna Sugablahi na, “Kilo fnaknoni vikegna King Devet!”

Nodi Khoje Hatimare Mae Jiu 49:1

Ghotilo naikno ka namono te gnafa ra, ghotilo kafe fanomho! Mae funeira, mae mavitura, mae te dedeira, nei mae te kumara, nei ghotilo te gnafa ka nauthoglu igne ra ghotilo fanomho fakeli ka cheke igne!

Jone 12:18

Naugna kate nomhini thoutonu eigna kofubobhoi biꞌo te eni mana igne, naiknore ne magnahaghei fara te mei filoni mae Jisas.

Jone 12:20

Keha mae Griki neke haghe la Jerusalem mala tarai ka narane Gaghamu Ghasa-Polho na.