Jone 12:15 - Buka Blahi Ka Cheke Holo

¹⁵ “Ghotilo naiknomi Jerusalem, thosei mhaghu. Nomi King ghotilo na la saghe la mei ka dongki.”

Jone 12:15 ပူးပေါင်းရင်းမြစ်များ

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Isaia 62:11

Lord ne cheke eghu ka naikno te gnafa ka nauthoglu igne, “Cheke ranghidi naikno te gnafa te au Jerusalem: ‘Filo si ghotilo! Nomi Fakarhai ghotilo ia la mei! Eghuteuna mana ginauna atha mei balugna naikno te namhadi fara teke uludihi mana re.’ ”

Fapea Samuel 16:2

Aonu king ne ghusna eghu ka mae Siba, “Mala unha si glepo hata te mei iagho igrea?” Mana ne cheke eghu, “King, phei dongki igre mala saghe thumu iagho gre. Eghuteuna bret, grep nei fig teu igre mala ghamu nou mae gloku iagho igre, eghuteuna waen igre mala koꞌu mare ka namono nagou, ba ka vido te babaꞌo te magnahaghei khoꞌu.”

Profet Maeka 4:8

Jerusalem ginauna na jateula kaisei suga mala toetoe eghu mala au iara tagna mala reireghi ghami ghotilo jateula mae ihei te reireghidi nogna sipu ra eghu. Eghuteuna Jerusalem ginauna na mala namono biꞌo ka nomi kantri ghotilo aheva king nate funei frunidi nogna naiknore jateula tifa ra eghu.”

Profet Isaia 41:14

Neuba ghotilo mae Israel gre ne glaꞌe fara, ghotilo thosei mhaghu, naugna iara ginauna togho ghami ghotilo.” Igne chekegna Lord nodi thofno God te Blahi mae Israel mae ihei te fakarhi ghami ghotilo.

Ululahu Kings 1:33

mana ne cheke eghu ka mare, “Ghotilo hata keha mae biꞌo mala reireghini mana, eghuteuna ghotilo cheke ka thugu iara Solomon mala gnokro ka nogu dongki iara na. Eghuteuna ghotilo hatani mana soru ka glokha khoꞌu Gihon.

Jajis 12:14

eghuteuna mana au phiatutu thugna nalhaꞌu nei tolufulu gragna. Eghuteuna naugna te mae lida mare na, mare te gnafa na mare saghe ka dongki. Abdon batudi naiknodi Israel nabagna nhana finogha,

Jajis 5:10

“Fanomho ka igne ghotilo mae iheire te saghe ka famane dongki vegha ra, nei ghotilo mae dedei te gnokro kolho ra, nei ghotilo mae iheire te nolo tafri kolho ra, ghotilo te gnafa na kafe ghaoghatho fakeli.

Diutronomi 17:16

Eghuteuna king igne theome mala au kmana hose ka nogna armi na, ba kurudi keha mae mala ke pulo Ijep mala foli hose. Naugna Lord neke chekehi mala thosei ke pulo ghotilo Ijep.

Fapea Samuel 15:1

Ke leghugna igne, mae Absalom ne hata kaisei chariot mala magra, nei glima fulu mae mala chari ke ulugna.

Matiu 21:5

“Cheke ka naiknodi Jerusalem, ‘Filo si ghotilo nomi King ghotilo na la mei ka ghotilo. Mana nhaꞌa faparini thegna la saghe ka dongki na. Mana saghe ka sua dongki na.’ ”

Jone 12:14

Mae Jisas ne hata kaisei dongki majaghani ne saghe ne tei. Igne ne horoghoto fara ka unha te cheke eghu kau grioriso te blahi ia,