Jone 11:53 - Buka Blahi Ka Cheke Holo

⁵³ Aonu funu ka narane tuana te haghe na, goro mae biꞌodi mae Jiu gre ne edi kmana nafnata phoge mala faleheni mae Jisas.

Jone 11:53 ပူးပေါင်းရင်းမြစ်များ

Mae Khuru 9:23

Kmana narane ke leghugna igne, mae biꞌodi mae Jiure ne roghe mala faleheni mae Sol.

Mae Khuru 5:33

Kate nomhini igne, hatimare mae mala fate ne thono ngingiridi fara ne magnahaghei falehedi mae khurure.

Jone 12:10

Eghuteuna mae pris ulure ne hiro phoge mala faleheni la mae Lasaros.

Jone 11:47

Aonu, hatimare mae Farasi baludi mae pris ulure ne kilo fodudi goro mae biꞌo re ne eni kaisei faidu. Mare ne cheke eghu, “Na faꞌunhani si tahati mae ignea? Naugna mana edi kmana nafnata kofubobhoi fara.

Nonomho Te Keli Teke Risoi Mae Mak 14:1

Phia narane te au na ame thokedi nga narane Gaghamu Ghasa-Polho ghe Gaghamu gna Bret te Theo Isi gna na. Hatimare mae pris ulu nei hatimare mae velepuhigna vetula nogna mae Moses teu gre fariuriu hiro puhi poru te mala lokini mae Jisas te mala faleheni mana na.

Nonomho Te Keli Teke Risoi Mae Mak 3:6

Aonu ka vido tuana mae Farasi gre jifla ka suga tharai na ne funu roghe baludi nogna tothoghei mae Herod, eigna puhi te mala faleheni mae Jisas.

Matiu 26:59

Hatimare mae pris ulu nei goro mae biꞌo teu igre fariuriu hirodi keha thoutonu chaghi te mala tangomana mare te mala fate faleheni mae Jisas.

Matiu 22:46

Theo kaisei mae ka hatimare mae Farasi gre te tangomana te cheke tughuni nogna gusna mae Jisas na. Aonu ke leghugna narane tuana theo kaisei mae frane te ghusnani mae Jisas.

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Profet Jeremaea 38:15

Jeremaea ne cheke eghu ka mana, “King, jame te chekeni iara unha glepo te tutuani na, iagho ginauna falehe ghau iara. Eghuteuna jame te tusu ari iara famane cheke te mala togho nigho iagho na, iagho ginauna tirou fanomho.”

Profet Jeremaea 38:4

Aonu mae biꞌo igre tei ne filoni mae king ne cheke eghu ka mana, “Mae igne nabagna te lehe! Nogna cheke mana igre faglaꞌedi fara gaoghathodi noda mae soldia tahati te au teu baludi keha naikno igre. Mae igne theome fariuriu toghodi kolho naikno igre, theo, mana magnahaghei te goigonidi kolho naiknore.”

Nodi Khoje Hatimare Mae Jiu 113:2

Tahati funu kilo fnaknoni nanghagna mana gognaro gne nei tahati ginauna mala kilo fnaknoni nanghagna mana na tifa e tifa.

Nodi Khoje Hatimare Mae Jiu 71:10

Nogu naoka iara gre ei puhi ranghi ghau iara. Mare magnahaghei te falehe ghau iara.

Nodi Khoje Hatimare Mae Jiu 31:13

Iara nomhidi kmana mae naoka hatimare buiburi ghau iara. Eghuteuna ka vido aheva te tei salaꞌu iara na mare famamhagu ghau iara fara. Mae iheire te magnahaghei tapla soru ghau iara re, mare hiro phoge mala falehe ghau iara.

Nodi Khoje Hatimare Mae Jiu 2:2

Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Nehemaea 13:21

Iara filodi mare ne cheke faheta eghu ka mare, “Naugna unha si ghotilo te mei thuru ka vido igne ka narane Sabat gnea? Tei nomi. Jame teke pulo mei ghotilo jateula igne teuna, iara ginauna brue tei ghami ghotilo ka vido igne.” Funu ka narane igne, mare neke theome pulo mei ka narane Sabat na.

Nehemaea 4:16

Funu ka narane igne, iara ne tufa nogu mae glokure ka phei tothoghei. Kaisei tothoghei mala loku ka gringni thina igne, eghuteuna keha tothoghei na mala reireghi. Mae te reireghi igre mare pipichi ka pohe te maku mala magra, eghuteuna mare hata goru nei phaloho balu greoreo mala tafra ka jata. Hatimare mae lida igre mare kegra ke leghudi mae iheire te loku ka gringni thina igne. Mae iheire te pala thina nei tul mala loku teu igre mare loku ka kaisei khame kolho, eghuteuna keha khame na mala loku glepo mala magra.

Jenesis 37:18

Hatimare ne filo khaba laoni mae Josep. Ame mei posa nga mana teuna, mare ne roghe nodi te mala faleheni mana na.

Matiu 12:14

Ka narane tuana hatimare mae Farasi jifla kosi ne roghe mala faleheni mae Jisas.

Matiu 26:4

Ka faidu tuana hatimare ghaoghaho mala loki poruni mae Jisas mala faleheni mana.

Jone 7:1

Ke leghugna igne, mae Jisas neke teitei ke lamnagna Provins Galili. Mana ne tirogna teitei ka Provins Judia, naugna mae biꞌodi mae Jiu te au jare re ne ofo mala faleheni mana.