Jone 11:52 - Buka Blahi Ka Cheke Holo

⁵² Eghuteuna mae Jisas theome mala lehe tughudi kolho mae Jiu gre, nu mana jaola maladi nogna naikno God te au heva heva ka namono te kmana ka nauthoglu igne. Mana mala hata fodu meidi mala ke kaisei tothoghei ngala mare.

Jone 11:52 ပူးပေါင်းရင်းမြစ်များ

Jone 10:16

Aonu, keha nogu sipure au ngau ke kosi bara. Iara ginauna na atha mei dila ke lamna bara. Reꞌe ginauna nomhini naoglagu iara na, eghuteuna reꞌe ginauna kaisei bukredi ngala nei iara ngala te mala reireghidire eghu.

Ululahu Jone 2:2

Mae Jisas ngala u fafara te mala hata fadeleidi nakhibodare, theome malada tahati kolho, nu jaola maladi naikno te gnafa ka nauthoglu gne.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Ululahu Pita 1:1

Iara mae Pita, kaisei nogna khuru mae Jisas Kraes. Iara riso ari letas igne ka ghotilo nogna naikno God jateula naikno phosa teu ka nauthoglu gne teu te au tafri ka Provins Pontas, Galesia, Kapadosia, Esia nei Bitinia.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Letas Teke Riso Tei Mae Pol Ka Khiloau Rom 3:29

Ba, God na nodi God mae Jiu kolho? Theo! Mana jaola nodi God iheire te theome Jiu,

Luku 2:32

Mana jateula kaisei juta eghu mala faphaedi naikno te theome mae Jiure mala filo glani nigho mare. Mana ginauna jaola hata mei nafnakno ka nou naikno Israel.”

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Efesus 3:11

Unha te eni God igne ne thofno horoghoto ka puhi teke ghathoni mana ka vuvuhagna na. Tutuani fara, mana ne eni igne ka nogna gloku mae Jisas Kraes noda Lord.

Efesus 1:5

God neke namha ghita nei vahi ghita vuha tifa mala thugna mana ka nogna gloku mae Jisas Kraes. Igne unha te magnahagheni nei gleꞌani teu God na.

Letas Teke Riso Tei Mae Pol Ka Khiloau Rom 4:17

Jateula te chekeni ka grioriso te blahi na, “Iara vahi nigho mala ku'edi vike te kmanare.” Eghume te laseni tahati na mae Ebraham gne thofno mae kuꞌeda tahati te fatutuani ni God. Tutuani fara, God na au nolaghi te mala tusu lao karha ka iheire tela lehehi nei au nolaghi te mala vavuha glepo te theome vavuha nga teu.

Mae Khuru 18:10

Naugna iara au balumu iagho. Theo kaisei naikno nate fakabru nigho na, naugna kmana naikno ka namono igne nogu iara.”

Jone 12:32

Ka narane nate tupijuru ghau iara mare ke kligna gaju fafatha na, iara na salo fodu mei naiknore ka thegu.”

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Profet Hosia 1:10

Mae profet ne cheke eghu ka naiknore, “Naiknodi Israel igre ginauna kmana fara jateula nusu ka gratha na are eghu. Ghotilo theome tangomana nate kahadire. Te chekeni agne na, ‘Gognarona, ghotilo theome nogu naikno iara.’ Nu mana ginauna cheke eghu ka ghotilo, ‘Ghotilo nogu naikno iara, eghuteuna iara nomi God ghotilo. Iara mae ihei te karha fabrahu tifa te tifa.’

Profet Esikiel 34:12

Eghuteuna iara ginauna na jateula mae te reireghi fakelidi nogu sipura eghu nake hata fodu meidi. Iara ginauna tei hirodi teke rikha ka narane te ninhigrana nei puhi biꞌo teku teke tei au tafri ka keha kantri delei ra. Uve, iara ginauna nake hata fapulo meidi.

Profet Isaia 60:4

“Ghotilo fadoglo haghe pha'umi are mala efra tafri, eghuteuna ghotilo ginauna filodi thumi nalhaꞌu teke karha ka vikemi ghotilora nake pulo mei funudi ka vido te khaba. Eghuteuna mare ginauna papa mei jateula sua eghu thumi gaꞌase ghotilore.

Profet Isaia 56:8

Iara nhaꞌa cheke eigna ginauna iara na atha mei keha naikno mala loku fodu baludi nogu naikno iara igre.” Igne chekegna Lord mae ihei teke atha fajifla ghami ghotilo naiknomi Israel ka kantri aheva teke tei sosolo ghotilo ia.

Profet Isaia 55:5

Iagho nogu mae gloku iara. Iagho ginauna kilo meidi naiknodi keha kantri teke theome lasedi iagho. Eghuteuna iheire teke theome lase nigho iagho igre ginauna chari mei ka iagho. Iara ginauna edi glepo igre mala thoke mei, naugna iara Lord nodi God te blahi mae Israel, iara fafnakno nigho.”

Profet Isaia 49:18

Ghotilo filo tafri mala filoni unha nate eni gognarogne! Kherami ghotilore ginauna nake pulo mei! Iara Lord mae ihei te karha te tifa te chekeni ka ghotilo igne, ghotilo ginauna glealeꞌa fara ka mare, jateula gaꞌase te tarabana te mala tolaghi, eghuteuna naꞌa glealeꞌa ka glepo te lalaoni naꞌa ra eghu.

Nodi Khoje Hatimare Mae Jiu 72:19

Cheke fakelini nanghagna te fnakno tifa tifa. Nafnaknogna nogna nolaghi biꞌo God na mala tei posa ka namono te gnafa ka nauthoglu igne. Amen! Amen!

Nodi Khoje Hatimare Mae Jiu 22:15

Foflogu na la mojani fara la vuhai nakrofu, eghuteuna glapigu na la lutihi ka doadohagu na. Iagho la lisa lao ghauhi iara ka glehe mala vuhai nakrofu kolho.

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Jone 1:12

Nu keha naiknore ne keli tadi nei fatutuani ni eghu mana. Aonu mana ne tusu ranghidi nolaghi te mala goro thugna God.

Ululahu Jone 3:1

Tahati thofno lasenihi unha nafnata namha biꞌo Mama te tusu ranghi ghita. Ka nogna namha biꞌo igne mana kilo ghita goro thugna. Eghuteuna tahati thofno Thugna mana. Nu naiknogna nauthoglu igne theome filo glani ghita te goro thugna God, naugna mare theome laseni mana.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.

Ululahu Jone 3:10

Eghume tahati lasedihi iheire te thugna God nei iheire te thugna mae Satan. Iheire te theome eni unha te doglo na theome thugna God. Eghuteuna ihei te theome namhani kheragna fofodu na mana theome thugna God.

Luku 15:8

Eghuteuna mae Jisas ne cheke eghu, “Ba, jame kaisei naikno biꞌo au nabotho sileni eghuteuna dofi kaisei, naꞌa ginauna fakasa juta nei haglu suga na eghu. Naꞌa na famane hiro ka suga na ghilei filo deni.