Jone 11:47 - Buka Blahi Ka Cheke Holo

⁴⁷ Aonu, hatimare mae Farasi baludi mae pris ulure ne kilo fodudi goro mae biꞌo re ne eni kaisei faidu. Mare ne cheke eghu, “Na faꞌunhani si tahati mae ignea? Naugna mana edi kmana nafnata kofubobhoi fara.

Jone 11:47 ပူးပေါင်းရင်းမြစ်များ

Matiu 26:3

Hatimare mae pris ulu nei hatimare mae biꞌodi mae Jiu eghu ne eni kaisei faidu ka sugagna mae Kaefas, mae pris biꞌo na.

Jone 12:19

Mae Farasi gre ne filodi naikno te keli tadi ka mae Jisas te kafe khapru ka mana re. Aonu, mare ne nanga nodi fara ne cheke eghu fari thedi, “Filo si ghotilo, unha puhi te edi tahati igre ginauna theo nafudi kolho, naugna naikno te gnafare la kafe tei leghuni mana!”

Jone 11:57

Nu mae pris ulu nei mae Farasi teu gre ne kulu lilisei cheke igne ranghidi naiknore eigna mae Jisas. “Ihei te laseni aheva te au teu mae Jisas na chekeni ka ghehati eghu.” Mare ne cheke eghu, naugna mare ne magnahaghei te lokini mae Jisas.

Jone 2:11

Igne kofubobhoi ulu lahu teke eni mae Jisas ka namono Kena ka provins Galili. Jare mae Jisas ne falalase nogna nolaghi biꞌo God na, eghuteuna nogna mae fanomho manare ne fatutuani ni mana.

Matiu 5:22

Nu te chekeni iara ka ghotilo gognarona, mae ihei te diꞌatagna fara ka mae kheragna fofodu na, mare ginau na hatani mana kau fate. Eghuteuna mae ihei te cheke fadiꞌani mae kheragna fofodu na, mare na hatani mana kau fate ke uludi hatimare mae biꞌo. Eghuteuna mae ihei te cheke nolini mae kheragna fofodu na, mana ginauna tei Gehena kau khaꞌaghi te karha fabrahu na.

Mae Khuru 5:24

Kate nomhini igne, mae funei biꞌo te mala reireghi gna Sugablahi na, nei hatimare mae pris ulu teure ne faꞌihodi fara. Mare ne jaglo nodi fara ka unha te eni ka mae khuru gre.

Mae Khuru 5:21

Kate nomhini igne, mare ne leghuni cheke igne ne tei ka Sugablahi na. Hamerane boibongi mare ne funu toutonu ranghidi naiknore. Mae pris biꞌo na nei nogna tothoghei na theome laseni te jifla mae khurure. Aonu mare ne kilo fodudi goro mae biꞌodi Israel re mala eni kaisei faidu biꞌo ka hatimare mae mala fate. Mare jaola ne chekedi keha mae pulis mala tei hata meidi hatimare mae khuru ke uludi mae mala fate.

Luku 22:2

Kau narane tuana hatimare mae pris ulu, nei hatimare mae velepuhigna vetula nogna mae Moses eghu ne hiro phoge mala faleheni mae Jisas. Nu mare ne mhaghudi naiknore, glahula eni naiknore kaisei magra biꞌo.

Nonomho Te Keli Teke Risoi Mae Mak 14:1

Phia narane te au na ame thokedi nga narane Gaghamu Ghasa-Polho ghe Gaghamu gna Bret te Theo Isi gna na. Hatimare mae pris ulu nei hatimare mae velepuhigna vetula nogna mae Moses teu gre fariuriu hiro puhi poru te mala lokini mae Jisas te mala faleheni mana na.

Jone 6:2

Kmana naikno leghuni mana, naugna mare ne filodi nogna gloku te nolaghi te edi mana te fakelidi naikno te fogra re.

Jone 7:32

Mae Farasi re nomhidi naiknore te cheke pouporu eidi glepo te edi mae Jisas igre. Aonu mae pris ulu nei mae Farasi eghu igre ne kurudi keha mae greireghi Sugablahi na mala tei lokini mana.

Jone 7:45

Hatimare mae greireghi gna Sugablahi na neke pulo ka hatimare mae pris ulu nei ka hatimare mae Farasi. Aonu mae pris ulu nei mae Farasi teu igre ne cheke eghu, “Naugna unha site theome atha te mei ghotilo mae Jisas gnea?”