Jone 11:43 - Buka Blahi Ka Cheke Holo

⁴³ Ke leghugna te cheke eghu igne, mae Jisas ne eha fabiꞌo, “Lasaros, jifla mei!”

Jone 11:43 ပူးပေါင်းရင်းမြစ်များ

Mae Khuru 9:40

Mae Pita ne cheke ka naiknore mala kafe jifla ka chogho na. Aonu, mana ne tuturupuku ne tarai. Eghuteuna mana ne figri ka gaꞌase tela lehehi na ne cheke eghu, “Tabita, kegra haghe!” Naꞌa ne dofra haghe ne filoni mae Pita, ne gnokro haghe.

Mae Khuru 9:34

Mae Pita ne cheke eghu ka mana, “Ghema Aenias, mae Jisas Kraes na fakeli nigho iagho. Kegra haghe pipiri nou sape ana!” Mae Aenias ghosei ne kegra haghe.

Mae Khuru 3:12

Kate filoni mae Pita igne, mana ne cheke eghu ka naiknore, “Ghotilo mae Israel, naugna unha site jaglo nomi ghotilo ka glepo ignea? Ba, naugna unha site filo tutuni ghotilo ka ghepa gnea? Ba, ne fakelini ghepa mae igne ka nomi nolaghi themi, ba, ne keli ghepa ke ulugna God neu si ghotilo ia? Theo!

Mae Khuru 3:6

Nu mae Pita ne cheke eghu ka mana, “Iara theo sileni. Nu keha glepoi ngau te au ka iara na, tuana nate tusu ari iara ka iagho na. Te cheke nigho iara na, ka nanghagna mae Jisas Kraes gna Nasaret, kegra haghe, nonolo tafri!”

Nonomho Te Keli Teke Risoi Mae Mak 4:41

Nu neubane eghu ngau, mare thono mhaghu fara ne cheke eghu fari thedi, “Tore, unha nafnata mae si ignea? Nuri ba ne galo ne faꞌuveni ngala chekegna mana na!”

Jone 11:42

Iara lase nigho te nomhini koba nogu tharai iara na. Nu iara chekedi glepo igre ka iagho eidi naikno te kegra faligoho ghau teu iara igre. Iara magnahaghedi mare te fatutuani nigho iagho mae teke kuru mei ghau iara na.”

Jone 11:44

Mae teke lehe na nolo ne jifla mei ka gluma na. Nabreku pohe teke pipiha ka khamegna, ghahegna nei ka pha'ugna teku mana re ne maku neu ngala. Mae Jisas ne cheke eghu ka mare, “Hata koko ghotilo u pohe are mala snakre teini mana.”

Jone 12:1

Namno narane ngau ame thokeni nga narane Gaghamu Ghasa-Polho na, mae Jisas neke pulo Betani, ka namono aheva te au mae Lasaros. Mae igne teke lehe nu ke fakakarha mae Jisas teku ia.

Jone 12:9

Kmana mae Jiu teke khapru tekeu Jerusalem re nomhini te au teu mae Jisas Betani na. Aonu, mare ne tei jare theome mala tei filoni kolho mae Jisas, nu mare mala tei filoni langau mae Lasaros tekela karha fapulo na.