Jone 11:39 - Buka Blahi Ka Cheke Holo

³⁹ Mae Jisas ne cheke eghu ka mare, “Hata fadelei u thina biꞌo tuana.” Nu, Mafa gregagna mae te lehe na ne cheke eghu ka mae Jisas, “Lord, la siri diꞌa gnahi, naugna gognarona la fati narane gnahi ke lamna gluma.”

Jone 11:39 ပူးပေါင်းရင်းမြစ်များ

Jone 11:17

Kate posa mae Jisas Betani na, thinigna mae Lasaros na la auhi fati narane ke lamna gluma.

Nonomho Te Keli Teke Risoi Mae Mak 16:3

Rehati ne ghusna eghu fari thedi, “Ba, ihei nate togho ghita tahati te mala pili fadelei thina biꞌo teke fofothogna gluma na?”

Nodi Khoje Hatimare Mae Jiu 49:7

Filo sagho, theo kaisei naikno te tangomana te foli fapuloni thegna ka sileni na. Tutuani, mana theome tangomana te tusu lao sileni ka God te mala ke foli fapuloni nakarhagna na.

Filipae 3:21

Eghuteuna mana ginauna tughu thinida tahati te diꞌa gre mala jateula thinigna thegna te au kligna na eghu. Mana tangomana te eni igne naugna mana au nolaghi te biꞌo. Eghuteuna ka nolaghi te biꞌo tuana mana ginauna funei frunidi gobigna lepo te au ka nauthoglu igne.

Mae Khuru 2:27

Naugna iagho ginauna na theome lisa laoni tharungagu na Hades. Eghuteuna iagho ginauna theome snakreni nou Mae Blahi na mala boto ke lamna gluma.

Nodi Khoje Hatimare Mae Jiu 49:14

Eghume, God vahini mana mala lehe jateula sipu eghu, naugna u glehe na ngala te hironi mana na. Ihei te au doglo na ginau keli tagna kate ghosei te boto thinigna na ke lamna beku, te khaba ka nogna famane suga na.

Jenesis 23:4

“Ghotilo lase ghauhi iara, naugna iara gne maegu ka keha kantri delei mei au kolho agne fari hoteimi ghotilo. Khetogu gne la lehehi, eghuteuna iara gognaro na magnahaghei te foli kaisei gluma ka ghotilo agne mala giugilui thinigna khetogu gne.”

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Fapea Korin 2:16

Ka iheire te snivi fabrahu re, sisiri igne siri diꞌagna fara, eghuteuna hata mei glehe ka mare. Nu ka iheire teke fakarhidi God re u sisiri igne thofno keli fara eghuteuna hata mei karha ka mare. Eghume ihei te nabagna na gloku igne?! Iara theome nabagu!