Jone 11:38 - Buka Blahi Ka Cheke Holo

³⁸ Mae Jisas ne posa ka gluma na ne thono diꞌanagnafagna fara. Gluma igne mare neke jou ka thina tataba, eghuteuna kaisei thina biꞌo teke fofothogna gluma tuana.

Jone 11:38 ပူးပေါင်းရင်းမြစ်များ

Jone 11:33

Kate filoni mana te tanhi Meri na eghuteuna mana ne filodi la naikno te mei tanhi balugna naꞌa re, mana ne thono diꞌanagnafa ne phanga fabiꞌo.

Matiu 27:60

Mana lilisei thinigna mae Jisas na ka nogna gluma majaghani thegna teke jou mare ka thina biꞌo na. Aonu ke leghu, mae Josep ne pili kaisei thina biꞌo mala fofotho gluma na ne tei nogna.

Jone 20:1

Ghagra pasa hamerane Sade, Meri gna Makidala jifla ne tei ka gluma aheva teke lilisei mare thinigna mae Jisas na. Kate thoke lao ka gluma na, naꞌa ne filoni thina biꞌo teke fofothogna gluma na la pili fadeleihi.

Luku 24:2

Rehati ne filoni thina biꞌo na la kulu pili fadeleihi ka foflogna gluma na.

Profet Isaia 22:16

‘Ghema Sebna! Iagho theo glosemu nei vikemu eghu agne. Naugna unha sagho te chekedi mae igre te jou kaisei khora lamna thina rhegna thogele ignea, eghuteuna tarabana kaisei vido mala giugilu nigho tagna? Mae ihei teke snakreni ka iagho te mala khotogna vido glose igne?

Jenesis 23:19

Ke leghugna igne, mae Ebraham ne giugilui khetogna na ka sare Makipela ka gluma thina na, ke maghati namono Mamre jare ka kantri Kenan. Keha nanghagna na namono Mamre gne, Hebron.

Nonomho Te Keli Teke Risoi Mae Mak 15:46

Mae Josep ne foli keha pohe vegha, ne hata soru thinigna mae Jisas na ka gaju fafatha na, ne pipiha ka pohe tuana. Mana ne lilisei thinigna mae Jisas na ka gluma teke jou mare kau thina tataba na. Aonu mana ne pili lao kaisei thina biꞌo mala fofothogna gluma na.

Nonomho Te Keli Teke Risoi Mae Mak 8:12

Mae Jisas ne phanga fabiꞌo ne cheke eghu, “Naugna unha si ghotilo te magnahaghei fagaglana gnea? Nu te chekeni iara ka ghotilo na, iara ginauna na theome eni kaisei fagaglana mala filoni ghotilo.”

Matiu 27:66

Aonu, mare ne kafe tei ka gluma na ne famane bibilakhi famaku thina biꞌo teke fofothogna gluma na mala theome tangomana kaisei naikno te mei blau thinigna mae Jisas. Eghuteuna mare ne lilisei keha mae soldia mala reireghi fakeli gluma na.

Profet Esikiel 21:6

“Eghume, maegna ka nauthoglu, iagho mala diꞌanagnafa nei tanhi eghu ka tathadi naiknore, fagaglanagna nou diꞌanagnafa na.

Profet Esikiel 9:4

Lord ne cheke eghu ka mana, “Iagho tei tongana ka namono igne, eghuteuna lilisei fagaglana ka greredi iheire te au diꞌanagnafa nei tanhi teu eidi glepo te diꞌa teke edi keha naiknoi ke lamnagna namono igne.”