Jone 11:27 - Buka Blahi Ka Cheke Holo

²⁷ Mafa ne cheke eghu ka mana, “Uve, Lord. Iara fatutuani nigho iagho te mae Kraes Thugna God na. Iagho ngala mae ihei te ofoni ghehati te mala mei kau nauthoglu igne.”

Jone 11:27 ပူးပေါင်းရင်းမြစ်များ

Matiu 16:16

Ka vido tuana mae Simon Pita ne cheke eghu, “Iagho mae Kraes, Thugna God te karha fabrahu te tifa.”

Jone 6:69

Gognaro ghehati fatutuani nigho iagho. Ghehati laseni nigho iagho mae blahi neke mei funu ka God.”

Jone 6:14

Kate filoni u kofubobhoi te eni mae Jisas igne naiknore ne cheke eghu, “Tutuani fara, igne ngala mae profet biꞌo mala mei ka nauthoglu gne teku ka nodi grioriso hatimare mae profet tifa ra!”

Profet Malakai 3:1

Nu Lord mae ihei te nolaghi fateotei igne ne cheke eghu, “Iara ginauna kuruni nogu mae mala atha nonomho na mala kulu tarabana nabrou gu iara. Nomi Lord te ofoni teu ghotilo igne ginauna megeinga mei ka nogna Sugablahi na. Uve, mae te thofno magnahaghei filoni ghotilo igne ginauna mei, eghuteuna mana ginauna chekeni nogu nhaꞌa cheke iara na.”

Ululahu Jone 5:1

Iheire fateo te fatutuani ni mae Jisas na mae Kraes, igre goro thugna God. Ihei te namhani God Mama na jaola namhadi thugnare.

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Mae Khuru 8:36

Kate soru te soru mare ka nabrou na, mare tei ne posa ka vido te au keha khoꞌu na. Mae biꞌo na ne cheke eghu, “Filo! Igne u khoꞌu na! Ba, unha gne te lhoti ghau te theome apublahi iara gognaro na?”

Jone 4:42

Aonu, naiknore ne cheke eghu ka gaꞌase na, “Ulu lahu na ghehati neke fatutuani ni mae Jisas ka unha teke chekedi iagho ka ghehati ra. Nu gognaro na ghehati fatutuani naugna ghehati neke nomhini themi. Tutuani fara, ghehati laseni mae igne ngala thofno mae te mala fakarhadi naikno te gnafa ka nauthoglu gne.”

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Luku 2:11

Ka bongi gognaro gne kaisei mae te mala fakarha ghami ghotilo ka nakhibo na la karhahi ka namonogna mae King Devet. Mana mae Kraes noda mae funei tahati.

Matiu 11:3

Mare ne ghusna eghu ka mana, “Iagho ngala si mae teke chekeni mae Jone Apublahi mala mei fakarhi ghami ghehati teku ia, ba kaisei mae ngau te mala ofoni teu ghehati na?”

Matiu 16:20

Ke leghugna igne mae Jisas ne cheke farheta ka nogna mae fanomhore mala thosei toutonu ka ihei nga te mana ngala mae Kraes na.

Mae Khuru 8:37

Mae Filip ne cheke eghu ka mana, “Jame te fatutuani iagho ka nagnafamu fateote'o na, iagho tangomana.” Mae biꞌo na ne cheke eghu, “Iara fatutuani Jisas na thofno Thugna God!”