Jone 11:24 - Buka Blahi Ka Cheke Holo

²⁴ Mafa ne cheke eghu ka mana, “Iara laseni mana ginauna nake karha fapulo ka narane mala karha fapulodi naikno te gnafare kau narane leghu lahu na.”

Jone 11:24 ပူးပေါင်းရင်းမြစ်များ

Mae Khuru 24:15

Iara fatutuani jateula te edi mae igre eghu, eigna naikno te gnafa, te keli ba te diꞌa, ginauna nake karha fapulo ka glehe.

Profet Isaia 26:19

Ghotilo nogu naikno iara ra! Kherada teke lehehi tifa ra, ginauna nake karha fapulo kau glehe. Ghotilo iheire te thuru lamna beku ra, ghotilo ginauna dofra haghe glealeꞌa. Jateula nakhete bongiro te soru mei teke pila nei majaghani fapulo teu glosera eghu, jateula tuana eghu Lord ginauna nake fakarhidi iheire teke lehehi ra.

Luku 14:14

Te eghu iagho na, iagho tangomana te gleale'a na. Naugna neubane theome ke tughuni mare gaghamu teke eni iagho tuana, God ginauna nake tughu fapuloni ka iagho, kau narane nate kegra fapulodi naikno te kelire.”

Profet Hosia 13:14

“Nu iara ginauna na hata fafigridi ka namonodi mae tela lehehi ra. Glehe! Aheva nou nolaghi iagho te mala faleheni naikno na? Beku! Aheva nou nolaghi iagho te mala goigonini naikno na? “Uve, iara ginauna na fakarhidi nogu naiknore, eghuteuna iara na theome tughu nagnafagu na.

Profet Hosia 6:2

Katha vido kmoꞌei kolho mana ginauna tangomana na teke fakeli fapulo ghita na. Eghuteuna tahati ginauna nake au balugna mana fabrahu.

Nodi Khoje Hatimare Mae Jiu 17:15

Nu iara gne neke theome eni kaisei najafra, eghume iara gne ginauna na thofno ari filo nigho. Kate dofra haghe te filo nigho na, iara ginauna na thofno glealeꞌa fara.

Profet Isaia 25:8

Lord ginauna bobotho fabrahu u glehe na, eghuteuna mana ginauna nuju koko kholo ka tathadi naikno te gnafare. Eghuteuna mana ginauna hata fadelei mamaja te au ka naiknogna na. Lord thegna ngala teke chekeni igne.

Hibru 11:35

Keha gaꞌase te fatutuani ni God, thudi teke lehere neke karha fapulo. Keha naikno te fatutuani ni God re, mae te naoka ka mare re puridi ne ghilei lehe, naugna mae naokare ne cheke eghu ranghidi, “Ghehati tangomana te fasnagla ghami eghu jame te chekeni ghotilo te theome fatutuani ni God teuna.” Nu mae fatutuanire ne cheke eghu, “Theo fara! Ghehati theome magnahaghei te leghuni nomi vetula ghotilo na.” Mare magnahaghei te karha fapulo ka glehe te mala au fabrahu balugna God kligna.

Jone 6:39

Mae ihei teke kuru mei ghau iara na mana theome magnahaghei ghau iara te lisa lao mala sniki kaisei naikno teke chekedi mana mala reireghidi iara teku igre, nu mala fakarha fapulodi iara kau narane leghu lahu na.

Jone 6:40

Naugna mae Kmagu iara na magnahagheidi naiknore te kafe filo glani ghau iara mae Thugna na nei fatutuani ghau iara teuna mala athini u karha fei tifa na. Eghuteuna iara na fakarha fapulodi kau narane leghu lahu na.”

Jone 11:23

Mae Jisas ne cheke eghu ka naꞌa, “Mafa, thosei nanga nou, greghamu iagho na nake karha fapulou ginauna.”