Jone 11:19 - Buka Blahi Ka Cheke Holo

¹⁹ Aonu, kmana mae Jiu ne mei funudi jare mala toghodi Mafa ghe Meri mala theome diꞌanagnafa repa eigna greghadi te lehe na.

Jone 11:19 ပူးပေါင်းရင်းမြစ်များ

Thoutonu Eigna Mae Job 2:11

Thilo kheragna Job re igre, mae Elifas gna namono Teman, mae Bildad gna namono Sua, nei mae Sofa gna namono Nama. Kate nomhini thilomare eigna puhi te thokeni Job igne, mare ghaoghatho mala tei diꞌanagnafa balugna mana, nei farerheta gaoghathogna mana na.

Jone 11:31

Naikno Jiure au neu balugna Meri mala toghoni naꞌa mala thosei diꞌanagnafa na'a. Mare ne filoni Meri te ghosei te kegra haghe te jifla te tei na. Aonu, naikno teke au balugna naꞌa re ne kafe jifla ne tei ke leghugna naꞌa, naugna gaoghathodi reꞌe re na tei tanhi naꞌa ka gluma na eghu.

Ululahu Tesalonika 5:11

Eghume fari totoghoi nei fari faheahetai, jateu te eni ghotilo gognaro gne eghu.

Ululahu Tesalonika 4:18

Eghume fari totoghoi ka cheke igre.

Fapea Korin 1:4

Mana togho ghami ghehati ka thua hoholo, mala nabami te toghodi keha naiknore te au ka thua hoholo, jateula God te togho ghami ghehati gne eghu.

Letas Teke Riso Tei Mae Pol Ka Khiloau Rom 12:15

Ghotilo mala gleale'a baludi iheire te gleale'a, eghuteuna mala tanhi baludi iheire te tanhi.

Lamentations 2:13

Jerusalem, iara kokhoni nogu nigho! Unha gne naba te mala chekeni iara ka iagho te mala togho ghau na? Juda, iara kokhoni nogu nigho! Unha gne naba te mala pala hagheni iara gaoghathomu iagho na? Puhi te thoke nigho iagho igne thono biꞌo fara, eghuteuna theo kaisei naikno naba teke fakeli nigho iagho na.

Lamentations 1:21

“Naiknore nomhini te tanhi fabiꞌo iara na, nu theo kaisei naikno te au teu jare te mala togho ghau iara na. Mae naokare jaola nomhini, nu mare kelitadi fara kolho, naugna iagho kuru mei puhi biꞌo igne mala thoke ghau iara. Lisa mei sagho narane te mala thoke mei puhi biꞌo igne leghuni unha teke chekeni iagho ia mala jaola papara mae naoka igre jateula iara eghu.

Lamentations 1:16

“Naugna igne te tanhini fara iara na, eghuteuna kholodi phei tathagu iara re oro soru ka thinigu iara na. Eghuteuna theo kaisei naikno te au teu jare te mala farhetani gaoghathogu iara na. Mae naoka gre ulu ghau iara, eghuteuna nogu naikno iara re ne rhana nodi fara.”

Lamentations 1:9

Naikno te gnafare filodi nakhibogna naꞌare, nu naꞌa theome nanga nogna kolho ka unha nate thoke mei ginauna. Nu mae naoka igre thofno koko soruni naꞌa pari, eghuteuna theo kaisei naikno te toghoni naꞌa na. “Lord! Naoka gre la ulu ghauhi iara. Filo ghau nei kokhoni ghau iara!”

Lamentations 1:2

Ka bongi thongana igne naꞌa tanhi ghilei hamerane, eghuteuna kholodi thatagna re oro soru ka foflogna nei tathagna re. Tifa na naꞌa jateula gaꞌase te au kmana khetogna ra neku. Gognarona, mare tirodini naꞌa. Kheragna re tirodini naꞌa, kela nogna naoka naꞌa.

Thoutonu Eigna Mae Job 42:11

Aonu thabusigna te gnafa, greghagna te gnafa, nei iheire te gnafa teke laseni mana tifa igre mei ne sighoni mana. Eghuteuna mare ne eni kaisei gaghamu biꞌo ka sugagna mana na. Mare kokhoni nognani ne fameomegoni mala ke rheta fapulo mana gaoghathogna na eidi puhi biꞌo teke eni Lord teke thokeni mana. Eghuteuna mare te gnafa na ne kafe tusu lao kaisei silva sileni nei kaisei ring gol eghu ka mana.

Fapea Samuel 10:2

Eghuteuna mae Devet ne cheke eghu, “Mae Nahas ia neke thofno keli fara ranghi ghau iara, eghume iara ginauna na thofno keli ranghini mae Hanun, thugna mana igne.” Aonu mae Devet kurudi keha mae mala tei cheke fameomego ka mae Hanun eigna glehegna mae kmagna na. Nu kate tei te posa mare ka nodi vido mae Amon igre,

Jenesis 37:35

Thugna nalhaꞌu nei thugna gaꞌase teure ne kafe mei fameomegoni mana mala ke keli nagnafa fapulo mana. Mana tirogna fara ne cheke eghu, “Iara gne na tanhini mana fabrahu ngala ghilei tei iara au balugna mana ka namonodi mae tela lehehi ra.” Aonu mae Jekop ne theome gnafa ne tanhini fabrahuni mae Josep.

Profet Isaia 51:19

Phei puhi biꞌo la thoke ghamihi ghotilo. Ulu lahu na mae naoka mei la goigonihi nomi namono ghotilo igne. Fapea na, narane te theo gano na jaola thoke ghamihi ghotilo. Eghuteuna theo kaisei naikno te au teu te mala kokhoni ghami nei fameomego ghami teu ghotilo na.

Eklesiasti 7:2

Jame te tei tahati ka suga aheva te tanhi teu naiknore ka naikno tela lehehi na, igne thofno puhi keli fara salaꞌuni puhi te tei tahati ka suga aheva te ei gaghamu biꞌo na. Naugna tahati mala kafe lehe. Eghume, kate au teu tahati ka nauthoglu igne tahati mala ghaoghatho fakeli.

Ululahu Samuel 31:13

Aonu mare atha nhubradi fati mae igre ne giugilui ke parigna gaju tamaris. Mare diꞌanagnafa ne theome ghamu nabagna fitu narane.

Luku 10:39

Mafa au kaisei greghagna, nanghagna na Meri. Eghuteuna Meri mei ne gnokro rhegna mae Jisas mala fanomho kate farirhiu mana na.

Luku 10:42

Kaisei glepo ngala te ulu na. Meri gne ne vahini ngala glepo te doglo na, eghuteuna theo kaisei naikno nate hata fadelei igne ka naꞌa na.”

Jone 1:19

Kaisei fata na, hatimare mae biꞌodi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, “Ghema, iagho mae hei?”

Jone 11:1

Kaisei mae te fogra biꞌo fara nanghagna na mae Lasaros. Mana au ka namono Betani baludi Meri ghe Mafa phei greghagnare.

Jone 11:8

Mae fanomhore ne cheke eghu ka mana, “Mae velepuhi, iagho theome laseni ngala si teke rodi fadi falehe nigho hatimare mae biꞌodi mae Jiure ka thina jare ia? Nu gognarona iagho ke magnahaghei pulo ngala jare sia?”

Jone 11:33

Kate filoni mana te tanhi Meri na eghuteuna mana ne filodi la naikno te mei tanhi balugna naꞌa re, mana ne thono diꞌanagnafa ne phanga fabiꞌo.

Jone 11:36

Aonu, mae Jiure ne cheke eghu fari thedi, “Filoni si ghotilo, mae igne namhani fara mae Lasaros.”

Jone 11:45

Kmana mae Jiu teke mei au balugna Meri igre ne filoni unha te eni mae Jisas igne ne fatutuani ni mana.