Jone 11:11 - Buka Blahi Ka Cheke Holo

¹¹ Ke leghugna te chekeni mae Jisas igne, mana neke cheke eghu, “Mae kherada Lasaros na khogla thuru kolho. Nu iara na tei jare mala fadofrani mana.”

Jone 11:11 ပူးပေါင်းရင်းမြစ်များ

Profet Daniel 12:2

Eghuteuna kmana naikno teke lehe tifa ra ginauna nake karha fapulo. Keha ka igre ginauna gleale'a fara kau nakarha te au fabrahu te tifa te tifa igne. Nu keha ka igre ginauna na mamaja nodi fara, eghuteuna na au papara fabrahu tifa tifa.

Jone 11:13

Mae Jisas chekeni eigna glehegna mae Lasaros na, nu gaoghathodi mae fanomhore ne thuru neu kolho mae Lasaros eghu.

Ululahu Tesalonika 5:10

Mae Jisas neke lehe eida tahati mala tangomana tahati te karha balugna mana tifa tifa, neubane karha neu ba lehehi kate mei mae Jisas na.

Ululahu Korin 15:51

Iara magnahaghei te chekeni kaisei glepo teke poru tifa ia. Tahati ginauna theome kafe lehe, nu tahati na karhau ngala kate nomhini naogla gna khufli ka narane leghu lahu na, tahati te gnafa na ginauna ghosei tughu ngala jateula nakafli eghu. Uve, kate tanhi gna khufli na, naikno teke lehehira ginauna nake ghosei karha fapulo mala karha fabrahu tifa tifa. Eghuteuna tahati te karha nga teugre mala jaola e tughu.

Mae Khuru 7:60

Mana ne tuturupuku soru ne eha eghu fabiꞌo, “Lord, thosei ke tughu fapulo ranghidi u nakhibo igne!” Ke leghugna te chekeni igne, mae Stivin na ne lehe.

Matiu 27:52

Aonu bekure ne thora, eghuteuna kmana naikno nogna God teke lehe tifa ra ne kafe kegra fapulo ka karha. Eghuteuna mare ne jifla mei ka bekudire. Ke leghugna te kegra fapulo mae Jisas na, naikno teke kegra fapulo igre ne tei Jerusalem. Eghuteuna, kmana naikno ne filodi mare.

Nonomho Te Keli Teke Risoi Mae Mak 5:39

Mae Jisas ruma ka suga na ne cheke eghu ka naiknore, “Naugna unha site tanhi nei paopado teu ghotilo gnea? Sua gaꞌase igne theome lehe. Naꞌa thuru kolho.”

Matiu 9:24

mana ne cheke eghu, “Ghotilo kafe jifla kosi! Naugna sua gaꞌase igne theome lehe, nu naꞌa thuru kolho!” Mare ne kafe maꞌe fabiꞌo ka mana.

Eksodas 33:11

Lord ne cheke balugna Moses jateula kaisei mae te cheke teu balugna mae kheragna ra neu. Leuleghu fata kate cheke te gnafa phia mare na, Moses figri ke pulo ka nodi vidore. Nu Josua mae majaghani thugna Nun igne, mana tangomana te toghoni Moses, mana au fabrahu kolho lamna ka suga tapuale ikoi igne.

Jemes 2:23

Eghuteuna igne ne horoghoto ka grioriso te blahi ia, “Mae Ebraham neke fatutuani ni God. Naugna igne God ne cheke eghu, ‘Mae Ebraham gne kaisei mae doglo fara ke ulugu iara.’ ” Naugna igne God kiloni mae Ebraham kheragna thegna.

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Ululahu Korin 15:18

Eghume naikno khiloau tela lehehira jaola luvu kolho hi.

Jone 11:3

Phei greghagna mana re ne kurudi keha mae mala tei cheke eghu ka mae Jisas, “Lord, mae kheramu iagho mae Lasaros ia ne fogra.”

Jone 3:29

Ghathoi si ghotilo, mae te tolaghi na ngala te khotogna gaꞌase na. Eghuteuna iara gne jateula kheragna mae te tolaghi ia eghu mei ofo balu fanomho ka mana. Eghume kate mei mana te mala hata khetogna na iara gognaro thofno gleale'a fara te nomhi naoglagna mana na.

Profet Isaia 41:8

“Nu ghotilo naiknomi Israel, teke karha mei ka vikegna mae kheragu iara mae Ebraham. Iara neke vahi ghami ghotilo mala thofno nogu naikno gloku iara.

Fapea Kronikols 20:7

Nomi God, iagho neke khi fajifladi naikno teke kulu au ka namono igne, eghuteuna iagho neke snakre lao namono igne ka kuꞌemi ghehati ra mala au fabrahu tagna. Naikno tura vikegna Ebraham kheramu iagho ia.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Fapea Kings 4:31

Mae Gehasi ne kulu tei ne nhaꞌa lao nogna khodo mae Elisa na ke klignadi tathagna nei foflogna teu mae sitei na, nu mae sitei igne ne theome vese ba ne theome kaplo. Aonu, mae Gehasi pulo neke tei thafoni mae Elisa ne cheke eghu ka mana, “Iara ne leghuni unha teke chekeni iagho ia, nu mae sitei na ne theome kegra haghe kolho.”

Jone 11:10

Nu mae ihei te tei bongiro na, mana tangomana te totokhei na naugna theo naphae te mala batuni mana na.”

Jone 11:12

Mae fanomhore ne cheke eghu ka mana, “Lord, jame thuru kolho mana na, mana ginauna nake keli fapulo.”