Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jone 10:36 - Buka Blahi Ka Cheke Holo

36 Eghuteuna ka unha gne site ne cheke faparini iara mae Mama teuni ghotilo gnea? Ba, naugna te cheke eghu iara, ‘Iara Thugna God’ teu iara gne? God vahi ghau iara neke kuru mei ghau iara kau nauthoglu gne.

အခန်းကိုကြည့်ပါ။ ကော်ပီ




Jone 10:36
39 ပူးပေါင်းရင်းမြစ်များ  

Naugna God neke theome kuru meini mae Thugna na ka nauthoglu gne mala mei fateni ihei te jafra ka nauthoglu igne, nu mei mala karha naiknore ka mana.


“Jeremaea, kani au teku iagho ka thiꞌagna idomu na, iara neke lase nighohi. Theome karha nga teku iagho na, iara neke vahi nigho iagho mala nogu mae profet iara. Iagho mala toutonuni chekegu iara na ka kantri te gnafa ka nauthoglu igne.”


Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.


U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”


Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.


Mae Tomas ne cheke eghu ka mana, “Tutuani fara, iagho nogu Lord nei nogu God!”


Mae Jiu gre ne eha fabiꞌo ka mae Paelat, “Unha te risoni ka nomi vetula ghehati na, mae igne nabagna te lehe, naugna mana ne kiloni thegna Thugna God.”


Mama, iara kafe taraidi naikno te fatutuani ghau iara gre mala kaisei ngala mare, jateula iagho te au balugu iara nei iara au balumu iagho. Iara tore nigho iagho mala kaisei ngala mare baluda tapa, eghuteuna naiknogna nauthoglu igne ginauna fatutuani nigho iagho mae teke kuru mei ghau iara gne.


Iara kuru fajifladi mala tei mare kau naiknogna nauthoglu igne, jateula ngau iagho teke kuru mei ghau iara kau nauthoglu igne.


U nou farirhiu iagho teke famei iagho ka iara ra, iara la cheke laohi ka mare, la nomhidihi mare. Mare fatutuani nigho iagho ngala mae teke kuru mei ghau iara na nei laseni fara teke mei iara funu ka iagho na.


Gognaro ghehati fatutuani nigho iagho. Ghehati laseni nigho iagho mae blahi neke mei funu ka God.”


Mae Kmagu iara mae ihei teke kuru mei ghau iara na, mana neke tusu mei u karha na. Eghuteuna u karha tuana au ka iara naugna mae Mama neke tusu mei ka iara. Jateula tuana eghu mae ihei te ghamu ghau iara na, mana na athini u karha tutuani na ka iara.


Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.


Iara theome tangomana te eni kaisei glepo leghuni u nogu gaoghatho thegu na. Iara tangomana te fateni naikno na leghuni unha te chekeni mae Mama na. Eghume unha te fatedi iara naiknore thofno doglo fara, naugna iara theome fariuriu loku leghudi kolho unha glepo te magnahaghedi iara thegu re, nu iara loku leghudi kolho unha glepo te magnahaghei mae teke kuru mei ghau na.


Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.


Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.


Mana au nogna grouronu ka God chekeni koba ne Thugna God teuna. Eghuteuna te ghathoni mana tutuani God na lisa laoni mala mei God fakarhini mana.”


Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.


Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.


Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.


Mae Jisas ne cheke eghu ka mare, “Jame thugna God tutuani ghotilo na, ghotilo jame namha ghau iara naugna iara neke mei funu ka God, eghuteuna te gognarona iara au agne. Aonu, iara theome mei kau nogu nolaghi thegu, nu iara mei ka nogna nolaghi God mae teke kuru mei ghau na.


Ka vido tuana kaisei mae biꞌodi hatimare mae armi nei keha mae soldia teke reireghini mae Jisas igre ne mhaghu nodi fara ka nakheu igne, nei gobigna lepo te edi ka narane tuana. Mare ne cheke eghu, “Tutuani fara, mae igne thofno Thugna God!”


Iara neke vahini mana mala baubatu nei funei frunidi eghu naiknodi ka keha kantri are. Mana neke fakakhana nogu nolaghi iara na ka mare.


Mana ginauna thofno keli fara jateula ihei te theome lopi kaisei fora ia eghu neuba neke oghohi kakatha. Eghuteuna mana ginauna theome ifu falehe juta te theome agha fakeli igne. Uve, leuleghu fata na mana fatedi naiknore ka puhigna te doglo.


Lord ne cheke eghu, “Igne nogu mae gloku iara na, eigna iara farerhetani fabrahu mana. Iara neke vahini mana, eghuteuna iara gleꞌani fara mana. Iara lisei laohi Tharungagu na ka mana, eghuteuna mana ginauna fatedi kantri te gnafa igre ka puhi te doglo.


Tahati laseni unha te chekeni ka grioriso te blahi na tutuani fabrahu. God kilodi naikno te toutonuni chekegna mana tuare jateula thegna God eghu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ