Jone 10:32 - Buka Blahi Ka Cheke Holo

³² Nu mae Jisas ne cheke eghu ka mare, “Iara neke edi kmana gloku te keli ka nogna nolaghi mae Mama tela filodihi ghotilo ra. Kau gloku te keli aheva gre site romi fadi falehe ghau iara ghotilo ka thina gnea?”

Jone 10:32 ပူးပေါင်းရင်းမြစ်များ

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Mae Khuru 2:22

“Ghotilo naiknomi Israel, fanomho fakeli kau cheke igre! God neke kuru meini mae Jisas gna Nasaret gne ka ghotilo, eghuteuna mana neke thofno falalase igne ka ghotilo kau gloku te nolaghi, nei u kofubobhoi, nei u fagaglana. Naugna God neke edi igre ka mana la filodihi ghotilo.

Jone 10:37

Jame theome edi iara nogna gloku mae Mama mala edi iara tekure meuna, ghotilo jame nabami te theome fatutuani ghau iara na.

Jone 5:36

“Nu glepo te edi iara igre, ke biꞌodi teke chekedi mae Jone rei, naugna u kofubobhoi te edi iara igre neke edi kau nogna nolaghi mae Mama neke famei ka iara. Eghuteuna u kofubobhoi te edi iara igre u fagaglana gna mae Mama teke kuru mei ghau iara na.

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Eklesiasti 4:4

Eghuteuna iara jaola filodi thua nafnata nakmusa biꞌo nei thua glepo te keli eghu te edi tahati igre, naugna tahati goghotu ka nagnafadare ka unha te edi keha naiknore. Glepo igne jaola theo nafugna kolho, jateula ihei te ngolho leghu ka nuri na ia eghu kolho.

Nodi Khoje Hatimare Mae Jiu 35:12

Iara keli ranghidi mare, nu mare theome keli ranghi ghau iara, eghume iara la namo glaꞌehi nagnafagu na eghu.

Jone 10:25

Mae Jisas ne cheke eghu ka mare, “Iara la chekehi ka ghotilo, eghuteuna ghotilo theome fatutuani ghau ngala iara. Ghotilo la filodihi gloku biꞌo teke edi iara ka nogna nolaghi mae Mama. Eghuteuna glepo te edi iara igre ngala te mala lase ghau iara ghotilo na.

Profet Jeremaea 37:18

Eghuteuna mae Jeremaea neke ghusna eghu, “King, naugna unha sagho te snakredi mare te lilisei ghau iara ka sosolo gnea? Eigna iara theome eni kaisei najafra ranghi nigho iagho, ba ranghidi hatimare nou mae ofisa iagho igre, ba eni kaisei najafra ranghidi naikno te au ka namono igne. Cheke te gnafa te chekedi iara igre thofno tutuani fara.

Jone 10:31

Ka narane tuana hatimare mae Jiu salo thina ne rodi fadi faleheni mae Jisas.

Jone 10:33

Hatimare ne cheke eghu ka mana, “Theo, ghehati theome romi fadi thina nigho eidi nou gloku te keli teke edi iagho re. Nu iagho ne chekedi glepo te faparini God re! Ghehati lase nigho iagho kaisei naikno kolho. Eghuteuna iagho ne magnahaghei nigho themu te nanaba ka God neu. Tuana site romi fadi thina nigho ghehati gnea.”