Jone 10:29 - Buka Blahi Ka Cheke Holo

²⁹ Mae Mama mae ihei neke snakre mei sipure ka iara igne mana kaisei mae biꞌo tulao. Eghume theo kaisei naikno te au nolaghi biꞌo jateula Mama teu nate mei blau fajifladi ka mae Mama re.

Jone 10:29 ပူးပေါင်းရင်းမြစ်များ

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Jone 17:9

Gognaro na iara taraidi mare. Iara theome taraidi naikno te leghuni puhigna nauthoglu igne. Nu iara taraidi naikno teke tusu mei iagho ka iara gre, naugna mare nou iagho.

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Jone 14:28

“Ghathoni unha teke cheke eghu iara ia, ‘Iara ginauna tei ka mae Mama, eghuteuna iara nake pulo mei ka ghotilo.’ Te thofno namha ghau iara ghotilo na, ghotilo ginauna keli tami te tei iara ka mae Mama na, naugna mae Mama na mae ke biꞌogu iarai.

Jone 17:6

“Iara neke fatakle nigho iagho ka naikno teke tusu mei iagho ka iara teke vavahi fadelei iagho kau nauthoglu igne. Naikno igre nou iagho, eghuteuna iagho neke snakre meidi ka iara. Mare leghudi nou cheke iagho teke cheke ranghidi iara ra.

Jone 17:11

Iara theome raugha na ari ka iagho. Iara ginauna theome au ka nauthoglu igne, nu mae igre nga nate au teu ka nauthoglu igne. Mama te blahi, taji fakelidi ka nolaghi gna nanghamu, nangha teke famei iagho ka iara, mala kaisei mare jateula tapa te kaisei gne eghu.

Profet Malakai 1:14

Iara ginau tibridi iheire te nhaꞌa cheke chaichaghi ka iara igre. Naugna mare ne theome leghuni nhaꞌa cheke mala atha mei famane sipu mala fafara ka iara tekura, nu mare atha mei ka iara sipu te diꞌare. Iara mae king biꞌo, mae ihei te nolaghi fateoteꞌo, eghuteuna naikno te gnafa ka nauthoglu igne mala kilo fnakno ghau iara. Uve, igne nogna cheke Lord.”

Eksodas 18:11

Gognaro na iara thofno laseni Lord na thono uludi fara keha god te pogho sorudi keha naikno re, naugna Mana ne reireghi fakeli ghami ghotilo ka narane te fakokhoana ghami ghotilo mae Ijep ra.”

Profet Daniel 4:3

“Fagaglana te fakakhana God ka tahati igre thono biꞌo fara! Kofubobhoi te edi mana igre thono nheta fara! God ginauna king fabrahu, eghuteuna mana ginauna funei fruni tifa tifa.”

Nodi Khoje Hatimare Mae Jiu 145:3

Lord na thofno fnakno fara, eghuteuna naikno te gnafa gre mala fafnaknoni mana. Theo kaisei naikno te nabagna te mala laseni nogna nolaghi mana na.

Jone 10:28

Iara tusu ranghidi u karha fei tifa na, eghuteuna reꞌe ginauna theome lehe. Eghuteuna theome tangomana kaisei naikno nate blaudi ka iara re.

Jone 10:30

Uve, ghepa mae Mama na kaisei ngala.”