Jone 10:28 - Buka Blahi Ka Cheke Holo

²⁸ Iara tusu ranghidi u karha fei tifa na, eghuteuna reꞌe ginauna theome lehe. Eghuteuna theome tangomana kaisei naikno nate blaudi ka iara re.

Jone 10:28 ပူးပေါင်းရင်းမြစ်များ

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Letas Teke Riso Tei Mae Pol Ka Khiloau Rom 8:29

Eghuteuna naikno teke vavahi God tifa re, mana jaola magnahaghedi mala nanaba balugna Thugna, mae Jisas Kraes. Ka puhi igne, Thugna God, mae Jisas Kraes na tangomana te au jateula mae teke kulu karha eghu ka hatimare mae thabusigna goro thugna God.

Jone 18:9

Igne ne horoghoto ka unha teke cheke eghu mana tifa ia, “Mama, iara na theome lisa lao mala sniki kaisei naikno ka teke chekedi iagho mala reireghidi iara teku gre.”

Filipae 1:6

God mae ihei teke fufunu gna u gloku karha na ka nakarhami ghotilo re, mana ginauna eni fabrahu u gloku te keli tuana ghilei gnafa ka narane na teke pulo meigna mae Jisas Kraes. Eghuteuna iara thono fatutuani ni fara igne.

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Ululahu Jone 2:25

Eghuteuna igne unha teke nhaꞌa chekeni thegna mae Kraes te mala tusu ranghi ghita tahati na, eigna u karha fei tifa.

Jone 4:14

Nu ihei te koꞌu ka khoꞌu te tusu ranghini iara na, mana ginauna nake theome roi koꞌu. U khoꞌu nate tusu mei iara igne na jateula ngau glokha eghu na fura mei fabrahu ke lamnagna mana. U khoꞌu igne ginauna na tusu ranghini mana u karha fei tifa na.”

Letas Teke Riso Tei Mae Pol Ka Khiloau Rom 8:1

Gognaro na tahati kaisei balugna Jisas Kraes mala theome tangomana God te fate falehe ghita na.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Jone 17:2

Naugna iagho neke tusu mei ka iara nolaghi te mala reireghidi naikno fateo gre, mala tangomana iara te tusu lao u karha fei tifa na ka naikno nogu iara teku iagho gre.

Jone 5:24

Mae Jisas ne cheke eghu ka mare, “Tutuani fara te chekeni iara ka ghotilo na. Mae ihei te nomhidi nei leghudi teu u nogu cheke iara re, nei fatutuani ni Mama mae ihei teke kuru mei ghau iara na teuna, mana na athini u karha te theo ka huigna na. Mae tuana iara na theome fate faleheni mana, naugna mana jateula mae ihei teke lehehi nu ke karha fapulo teu ia eghu.

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Ululahu Jone 5:11

Igne unha te chekeni God ka tahati na: God tusu ranghi ghita karha fei tifa, eghuteuna karha igne mei balugna Thugna.

Letas Teke Rioriso Mae Jud 1:21

God namha ghami ghotilo nei mana magnahaghei ghami ghotilo te au fabrahu ka nakarha te doglo. Ofoni narane noda Lord Jisas Kraes nate tusu mei ka nogna kokhoni ghita u karha te tifa.

Ululahu Pita 1:5

Ka nomi fatutuani ghotilo ka God na, mana ginauna na reireghi fakeli ghami ka nogna nolaghi na ghilei thoke mei narane leghu lahu te mala fakarhi ghami na.

Nodi Khoje Hatimare Mae Jiu 37:28

Lord na magnahagheni fara puhi te doglo na. Mana theome snakredi te lisa laodi nogna naiknore. Leuleghu fata na mana tangomana te baubatu fakeli nogna naiknore mala tei ka nabrou te fadoglo. Nu vikegna mae te diꞌa na mana ginauna brue fajifladi mala tei au delei.

Diutronomi 33:3

Tutuani, Lord namhadi nogna naiknore. Mana thofno reireghi fakeli ghami ghotilo nogna naikno blahi mana ra. Eghume ghotilo mei mala pogho soru ka mana, eghuteuna mana na farirhiu ghami ghotilo.

Profet Isaia 45:17

Nu iagho ginauna fakarhi ghami ghehati fabrahu, eghuteuna ghehati ginauna na theome mamaja.

Jone 11:25

Mae Jisas ne cheke eghu ka naꞌa, “Uve, kaisei iara ngala te tusu lao u karha ka naikno te lehe na mala teke karha fapulo na. Nu ihei te fatutuani ghau iara na, neubane lehe mana ginauna karha fabrahu.

Profet Jeremaea 31:3

Ka narane tuana, Lord neke falaseni thegna ka mae Israel neke cheke eghu, “Iara namha ghami ghotilo fabrahu fara, eghuteuna iara ginauna na ghatho tahu ghami ghotilo fabrahu.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Proveb 24:16

Neubane thoke mei kmana fata puhi biꞌo ka mae te keli igne, nu mae te keli igne ginauna kegra heta. Nu puhi biꞌo ginauna goigonini mae te diꞌa na.

Fapea Tesalonika 2:13

Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.

Jone 3:36

Ihei te fatutuani ni mae Thugna God na, mana na athini u karha te theo ka huigna na. Nu mae ihei te theome fatutuani ni mae Thugna God na mana na theome athini u karha tuana. Eghuteuna God ginauna diꞌatagna fabrahu ka mana.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Letas Teke Riso Tei Mae Pol Ka Khiloau Rom 5:21

Eghume, neuba ne au nogna nolaghi nakhibo tifa na te mala falehedi naiknore, gognaro na nogna khokofakasai God na au nolaghi biꞌo te mala au doglo tahati ka tathagna thegna na, nei mala hatini u karha fei tifa na ka nogna gloku noda Lord Jisas Kraes.

Thoutonu Eigna Mae Job 17:9

Keha mae cheke eghu, ‘Ihei te leghuni God na, ginauna theome tangomana te uka pari na. Eghuteuna nakarhagna mae ihei te theome eni kaisei najafra na, ginauna rheta fabrahu.’

Ululahu Timoti 1:16

Nu naugna igne God neke kokhoni ghau iara tulao mala tangomana mae Jisas Kraes te fatakle nogna namha biꞌo ranghi ghau iara na. Igne mala toghodi naiknore mala fatutuani ni mana thogheiro, nei mala athini u karha fei tifa na.

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Letas Teke Riso Tei Mae Pol Ka Khiloau Rom 5:17

Neuba naikno te gnafare ne naba mala lehe ngau ka nakhibogna kaisei mae igne Adam, unha te eni God ka nogna gloku kaisei mae igne Jisas Kraes na, thofno biꞌo fara. Tutuani, God mae ihei te namhadi fara naiknore, nei iheire te hatani nogna namha na, mana ginauna toghodi mala doglo ka tathagna thegna na. Naikno igre hatani u thofno karha te jifla mei ka mae Jisas Kraes na mala au fnakno balugna kligna tifa tifa.

Letas Teke Riso Tei Mae Pol Ka Khiloau Rom 5:2

Ka noda fatutuani ka mae Jisas, God tangomana te eni kaisei nabrou te mala laseni tahati nogna u khokofakasai na. Tutuani fara, tahati tangomana te au ke lamnagna thofno nakarha na naugna mana ne namha ghita. Eghume tahati au noda grouronu ka God te mala au balugna kligna.

Mae Khuru 7:59

Kate fada thina ni mare na, mae Stivin ne tarai, “Lord Jisas, hata tharungagu gne!”

Jone 14:19

Na theome raugha naiknogna nauthoglu igne na theome filo ghau iara. Nu ghotilo na filo ghau iara, naugna iara na karhau ngala. Eghuteuna ghotilo na karha la, naugna iara ginauna nake kegra fapulo kau karha.

Jone 6:47

Tutuani fara te chekeni iara ka ghotilo na. Mae ihei te fatutuani ghau iara na, mana na athini u karha fei tifa na.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Profet Jeremaea 32:40

Eghuteuna iara ginauna eni kaisei nhaꞌa cheke nate au fabrahu baludi. Iara ginauna eni fabrahu glepo te keli na ka mare, mala ghatho tahu ghau iara, eghuteuna mare ginauna na theome tei koko ghau iara.

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Letas Teke Riso Tei Mae Pol Ka Khiloau Rom 5:9

Tutuani, gognaro na u dadaragna Kraes na togho ghitahi mala au doglo ka tathagna God na. Eghume te laseni tahati na, Kraes ginauna fakarhi ghita eigna God ginauna theome diꞌatagna ka tahati ka narane te mala fatedi naiknore.

Jone 6:68

Mae Simon Pita ne cheke eghu ka mana, “Lord, ghehati theo kaisei mae te mala leghuni na kaisei iagho ngala. Eghuteuna u chekemu iagho re ngala te mala athini ghehati u karha fei tifa na.

Luku 23:46

Ka vido tuana, mae Jisas ne eha eghu fabiꞌo, “Mama, iara snakre ari ka iagho tharungagu na.” Ke leghugna igne mana ne lehe.

Profet Jeremaea 31:34

Ginauna na theo kaisei naikno nate farirhiuni kheragna ba thabusigna na ka puhi te cheke eghu igne, ‘Ghotilo mala laseni Lord!’ Naugna ka narane tuana, naikno te gnafa igre ginauna lase ghauhi iara, neuba ihei ne fnakno ba theo. Iara ginauna atha fadelei thua glepo te diꞌa teke edi mare re, eghuteuna iara ginauna nake theome ghathodi nakhibodire.” Igne chekegna Lord.

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Nodi Khoje Hatimare Mae Jiu 31:5

Lord, iara nou naikno gloku gne. Iara lisa ari nakarhagu na ka khamemu iagho. Iara laseni eigna iagho ginauna na fakarhi ghau iara, naugna iagho ne taji fabrahu ghau iara.

Nonomho Te Keli Teke Risoi Mae Mak 13:22

Naugna mae Kraes chaichaghi nei mae profet chaichaghi teure ginauna na thakle mei. Eghuteuna mare ginauna na eꞌei kmana fagaglana, nei kmana kofubobhoi mala fariuriu chaghidi naikno teke vavahi God. Nu theome tangomana te chaghidi.

Profet Isaia 55:3

Ghotilo mei ka iara! Ghotilo fanomho mei! Jame te mei ghotilo na, iara ginauna eni kaisei nhaꞌa cheke balumi ghotilo, eghuteuna nhaꞌa cheke igne ginauna au fabrahu tifa tifa. Iara ginauna ghatho tahu ghami ghotilo fabrahu jateula teke ghatho tahuni iara King Devet tifa ia eghu.

Profet Isaia 27:3

Leuleghu fata na, iara reireghini nei faboubothuni eghu nagare grep igne bongi narane na, mala theome tangomana kaisei naikno te mei goigoni na.

Profet Jeremaea 23:4

Iara ginauna vavahi keha mae mala baubatu mala reireghi fakelidi naiknore. Eghuteuna naikno igre ginauna na theome mhaghu ba glaꞌe soru gaoghathodire. Uve, ginauna na theo kaisei naikno nate snivi na.” Igne chekegna Lord.

Jone 10:29

Mae Mama mae ihei neke snakre mei sipure ka iara igne mana kaisei mae biꞌo tulao. Eghume theo kaisei naikno te au nolaghi biꞌo jateula Mama teu nate mei blau fajifladi ka mae Mama re.

Ululahu Jone 1:2

Cheke igne thakle mei ka tahati ne vuhai naikno. Tahati neke filonihi mana, eghume ghehati toutonuni ka ghotilo eigna u karha teke au funu tifa balugna Mama, eghuteuna mana ne thakle mei ka tahati.