Jone 10:27 - Buka Blahi Ka Cheke Holo

²⁷ Naikno te leghudi nogu cheke iara igre jateula ngau sipu te laseni naoglagna mae greireghi sipu ia eghu. Iara lasedi reꞌe nei reꞌe kafe leghu ghau iara.

Jone 10:27 ပူးပေါင်းရင်းမြစ်များ

Jone 10:16

Aonu, keha nogu sipure au ngau ke kosi bara. Iara ginauna na atha mei dila ke lamna bara. Reꞌe ginauna nomhini naoglagu iara na, eghuteuna reꞌe ginauna kaisei bukredi ngala nei iara ngala te mala reireghidire eghu.

Jone 10:14

“Iara ngala mae greireghi sipu te keli na. Jateula ngau mae Mama te lase ghau iara, nei iara laseni la mae Mama, jateula tuana eghu iara lasedi nogu sipure nei nogu sipu iara re jaola lase ghau iara. Iara snakreni karhagu na mala lehe nei ke fakarhidi eghu nogu sipure.

Thakle 3:20

Filo si ghotilo! Iara kegra ka grengathagna nomi khiloau ghotilo na mala kikidi. Jame kaisei naikno te nomhini chekegu iara na, eghuteuna tothora ranghi ghau iara grengatha na teuna, iara ginauna ima fodu balugna mana.

Ululahu Korin 8:3

Nu ihei te namhani God na, God laseni mana.

Hibru 3:7

Mae Tharunga te Blahi ne cheke eghu, “Gognaro na ghotilo fanomho fakeli ka God kate cheke mana ka ghotilo na.

Jone 5:25

Tutuani fara te chekeni iara ka ghotilo na. U narane na la meihi, la kulu auhi agne, kau narane tuana naikno teke lehehira ginauna nomhi ghau iara mae Thugna God na. Eghuteuna naikno nate nomhi ghau nei leghu ghau teu iara tuare na athini u karha na.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Galesia 4:9

Nu gognaro na ghotilo la lase fakelinihi God. Tulao, gognaro na God lase fakeli ghamihi ghotilo. Eghume, eigna unha si ghotilo teke figri fapulo ka gobi nafnata glepo gna nauthoglu igne te theome heta nei thofno theo nafudi teu gnea? Tifa na, ghotilo neke fatutuanidi glepo tuare. Ba, ghotilo magnahaghei teke sneka fapulo ka glepo tuare sia?

Jone 10:8

Naikno teke kulu mei ke ulugu iara re, mare kafe jateula ngau mae nablau nei mae glalama eghu kolho. Eghuteuna u sipure tirodi fanomho ka mare.

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Jone 8:43

Ghotilo theome laseni unha te chekeni iara na. Naugna ghotilo theome magnahagheni te leghudi nogu cheke iara re.

Ululahu Kings 18:21

Profet Elija kegra ke uludi naiknore ne cheke eghu, “Niha fata au tami si ghotilo phei nafnata gaoghatho igre ia? Jame Lord gne te God tutuani na, leghuni mana, nu jame Baal gne te god tutuani na, leghuni mana.” Nu naiknore ne theome ghagri kaisei cheke.

Luku 9:23

Mae Jisas ne cheke eghu ka mare gnafa, “Mae ihei te magnahaghei mei balugu iara na, mana thosei ghathoni thegna kolho, nu mana sasaꞌa mala lehe ka gaju fafatha, nei mala leghu ghau iara leghu narane.

Matiu 17:5

Kate cheke mae Pita na, kaisei khoveo te siasigla ne kafe toku tafrudi mare. Eghuteuna ka vido tuana kaisei naogla ne mei funu ka khoveo na, ne cheke eghu, “Igne thofno mae Thugu iara na. Iara namhani mana nei keli taguni eghu mana. Ghotilo fanomho fakeli nei leghuni eghu mana!”

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Jone 21:22

Mae Jisas ne cheke eghu ka mae Pita, “Uve, jame iara magnahagheni mana te karha teu teke ghilei pulo mei iara na, tuana theome glepo ulu ka iagho. Mei sagho leghu ghau iara!”

Luku 13:27

“Nu mana ginauna nake cheke eghu, ‘Iara theome lase ghami ghotilo ba aheva teke mei ghotilo na. Tei nomi delei! Naugna puhimi ghotilo re diꞌa fara!’ ”

Nonomho Te Keli Teke Risoi Mae Mak 8:34

Ke leghugna igne mae Jisas ne kilodi naiknore baludi nogna mae fanomhore ne cheke eghu ka mare, “Mae ihei te magnahaghei mei ke leghugu iara na, mana thosei ghathoni kolho thegna, nu mana sasaꞌa leghu ghau iara mala lehe ka gaju fafatha.

Matiu 25:12

“Nu mae tholaghi na ne cheke eghu, ‘Tutuani fara te chekeni iara ka ghotilo na, iara theome lase ghami ghotilo, naugna ghotilo theome nogu iara.’ ”

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Matiu 7:23

Eghuteuna, iara ginauna na cheke fadoglo eghu ka mare, ‘Tei nomi, iara thono theome lase ghami ghotilo. Ghotilo theome nogu naikno iara, naugna puhimi ghotilo re thono diꞌa fara!’ ”

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.

Mae Khuru 3:23

Ihei te theome nomhidi nei leghudi teu nogna cheke mae profet igne na, God ginauna na hata fadeleini mana ka nogna naiknore mala au ka glehe.’

Nonomho Te Keli Teke Risoi Mae Mak 10:21

Mae Jisas filo tutu ka mana balu namha ne cheke eghu, “Nu kaisei glepo na iagho theome eni ngau. Iagho tei fofoli fateo nou gobigna lepo are mala hata sileni tufa ka naikno te kumare. Te eghu iagho na, iagho ginauna au nou dedei keli fara te au teu kligna. Aonu iagho tangomana te mei te leghu ghau iara na.”

Profet Isaia 66:22

“Tutuani, maloa majaghani nei nauthoglu majaghani eghu teke vuavuha iara ka nogu nolaghi na igre ginauna au fabrahu tifa tifa ka tathagu iara na. Jateula tuana eghu ghotilo nei iheire nate karha mei ke leghumi ghotilo re ginauna au rheta fabrahu tifa tifa eghuteuna nanghagu iara na ginauna theo ka huigna.